طلب شرح مصور لطريقة فك وتنظيف الأنوار الأمامية 2005-2007 من الملك قصي

**x7m0o0o0dy** · 23-07-2010 04:46 AM

السلام عليكم جميعاً

كيفكم شباب

لايخفى عليكم أني الأبن العاق لهذا المنتدى وماأجيكم الا لحاجة خخخخخخخ

همتك معانا ياقصي

وبشرني وش صار على سيارتك بعد الحادث؟

ندخل بالموضوع

سيارتي التيما 2005
أنا ركبت زينون قبل 8شهور تقريباً طبعاً الزينون أبوكلب وشغل أبويمن في التوصيل أبوكلب كمان ههههه

المهم

فيه غطاء بلاستيك يقفل النور الأمامي من داخل الكبوت لونه رمادي هالغطاء أبويمن خلاه مفتوح لأن مايقدر يركب الأسلاك إذا قفلها تمام

ومع الوقت صارت الأنوار مجمعة غبار داخل القزازة وودي أعرف طريقة تنظيفها لو كانت سهلة بأتشطر وبأحاول أسويها ولو صعبة بأوديها لمحلات الزينة يضبطونها بس بأعرف الطريقة علشان أقدر أحدد السعر مسبقاً عندنا العمالة نصب عيني عينك تطلب منه شي يقولك 100ريال يوم تنشب له يسويه لك بـ20ريال

مالكم بكثر الكلام

الخلاصة:

أبغى أخونا قصي يتكرم وينزل شرح مصور لطريقة تنظيف الأنوار الأمامية

أذكر قصي كان منزل موضوع عن تنظيف الأنوار للشكل الجديد 2008-2010 بس كان فيها تعقيد شوي وتحط الأنوار في الفرن ومدري أيش <<<<<لو يشوفني الوالد مدخل النور في الفرن يمكن تحصل مجزرة في البيت وإحتمال كبير ماتشوفوني مرة ثانية ههههههههه

والطلب الثاني

أنا راعي خطوط (جدة - الرياض ) والأنوار صارت معدومة ومخدشة سويت لها تلميع قبل فترة التلميع ماكان مضبوط مرة و رجعت مثل أول فحبيت أعرف لو فيه بخاخ أو منظف أو أي مستحضر ينظف الشمعات

ودمتم سالمين والله يديمك بالصحة والعافية ياقصي ولا يهونون الشباب

**قــصــي** · 23-07-2010 06:16 AM

وعليكم السلام ورحمة الله وبركاته
الملك لله اخوي
العامل ماعرف يركب الاسلاك زين انت اول حل المشكلة وبعدين نظف الشمعة
وهذا طريقة لـ حل مشكلتك وان شاء الله اني فهمت عليك

افتح فتحة جديدة وحط لها جلدة ع شان مايدخل الاوساخ

واذا تبي تفك الشمعة مايحتاج الفرن فكها بـ الاستشوار مع الحواف
ولا تدخل موية في الشمعة بدون فك الاطار الشفاف لان بعد فترة راح يظهر صداء بداخلها

اما مشكلتك الثانية
المنظفات او الملمعات هذا هو حالها بعد فترة ترجع مثل قبل
يعني مالك الا تلمع او تسوي سنفرة خشة وتلمعها وبعد فترة ترجع تلمع
او تغير شمعة جديدة اصلي او تجاري الخيار لك
موفق اخوي

**x7m0o0o0dy** · 23-07-2010 06:57 AM

مشكوووور وجزاك الله خير

ولا عدمناك يارب

بس ياليت تعطيني شرح مصور لطريقة فك الشمعات علشان أنظفها

خذ وقتك ولا تستعجل وأعذرني كلفت عليك ^_^

**قــصــي** · 23-07-2010 07:16 AM

هلا اخوى
تفضل طريقة فك الشمعة بس بـ الرسم البياني

**altima2008_4462** · 23-07-2010 10:53 AM

وعليكم السلام ورحمة الله وبركاته

ما شاء الله

يعطيك الف عافيه ياقصي

موفق بإذن الله ... لك مني أجمل تحية .

**ALTIMA 3.5 SE** · 23-07-2010 11:48 AM

انـــــــــــــــتــــــــــــــــبـــــــــه

تفك الشمعه في بيتكم <<<قد بغا يفك الشمعه وتورط خخخخخخ

والله ترا الشمعه شغلته شغله قلق

وماشاء الله اخوي قصي ما قصر

وتقبل مروري