ارجوا النصيحة من الجميع

[MaxPower]

السلام عليكم ورحمة الله وبركاته

انا كان معاي ماكسيما 98 وكانت روعة بكل معنة الكلمة وندمت على بيعها في السابق ..

و قررت اشتري ماكسيما مرة ثانية ولكني محتار بين 2001 و 2002

لاحظت الكثير يشتكون من 2001 ، هل موديل 2002 فيه مشاكل اوعيوب تصنيع ؟

وش الموديل اللي تنصحوني فيه لاني بشتري مستعمل ؟

وش الاشياء اللي لازم انتبه لها اذا جيت اشتري ماكسيما ؟ واي افضل القير العادي ولا الاوتوماتيك ؟

واذا عندكم خلفية باسعاار الماكسيما في المعارض الان ياليت تفيدوني وشكرا جزيلا .

[Whitemax]

بالنسبة لي .. انا عندي ماكسيما 2002 .. وبصراحة السيارة احلى منها مافي . فيه بعض الفروق البسيطه بين 2001 و 2002 مثل الجنوط واختلاف العلامات ( الخلفيه والي على الدركسون ).انا سيارتي ماشيه فوق المعدل الطبيعي بكثيييييير وما شاء لله الى الحين ماشتكيت منها ماعدا في بعض الشغلات البسيطه .

اذا بتشتري مستعمل ،، على حسب معلوماتي انه 2001 في المعارض ارخص بكثير من 2002 . قبل ماتشتري السياره تاكد اذا كان فيها صدمات ( مرشوشه او لا ) واطلب فحص الوكالة .

بالنسبة للقير ،، الناس تختلف اذواقهم وطريقة تفكيرهم . اذا انت راعي سرعة وقومات ومن الكلام هذا ف القير العادي راح يناسبك بس لاتنسى انه القير الاوتوماتيك برضه قوي وبنفس الوقت مريح ( يعني راح تفتك من الكلتش والغثا الي يسببه ) .وخاصة انه زر الاوفر درايف موجود تحت الدركسون بس كثير مايدرون عنه.(12)(12)

وخليك على اتصال مع المنتدى .