هل سيارتي طبيعية ؟؟

[Whitemax]

السلام عليكم ،،
هذي اول مشاركة لي في هذا المنتدى الخاص لسيارات نيسان ،، وبصراحة انا ماشتركت الا للاستفادة من خبراتكم .. الموضوع ومافيه انه عندي ماكسيما 2002 اوتوماتيك .. بس والله ياشباب (حاس) انه السيارة فيها مشكلة يعني تختلف عن المكسيمات الثانية الي جربتها...السيارة قاااااااااااااسية جداًََ جداًَ في المطبات لدرجة اني ماحس اني راكب سيارة سيدان .مادري كيف اوصف المشكله لكم .اقدر اقول المساعدات ماتمتص المطبات ..لدرجة في بعض الاوقات وعند المرور على المطبات احس ان السيارة ترتفع عن الشارع واسمع صوت قوي وخاصة من المساعدات الخلفيه ،،سالت احد الخبراء وقالي ان هذي المشكله من نفس الكفرات لان كفرات الي على السياره (ميشلان) رياضيه يعني لازم تكون قاسيه .. بس ماتوقع انه هذي المشكله لانها ماكانت موجوده اول ماطلعت السيارة.. على العموم علشان ماطول عليكم ,, رحت للوكالة ( الجبر ) وقلت لهم عن المشكله وغيرو لي قطعة على الضمان اسمها ( البرنقات ) . وانا مانكر انه السياره صارت احسن من اول ولكن تبقى المشكله موجوده ..ايش تتوقعون المشكله الي بسيارتي ؟

وأسف على الاطاله ..

[Maxima 2001]

هلا بالـ whitemax /

عادة أول ما تاخذ السيارة تكون الكفرات جديدة ولينة ، وتكون مداساتها لسة سليمة وما تآكلت ، فعلشان كده ، وبمرور الزمن يصير هذا الشي أمر طبيعي مع المطبات .

هذي المشكلة صارت عندي ، وراحت لما بدلت الكفرات ، والحين السيارة لينة تمام على المطبات .

أيضاً نقشة الكفر لها دور مهم في النقطة هذي ، فجودة النقشة تساهم في هدوء السيارة وثباتها على الطريق والمطبات .

اذا ممكن تذكر لنا مقاس الجنوط والكفرات اللي في سيارتك علشان يقدروا الأعضاء يعرفوا المشكلة بصورة أفضل .

[Whitemax]

اشكرك على الرد .وانا ناوي اغير كفرات السيارة لاني من يوم طلعتها ماغيرت كفراتها .. بالنسبة لمقاس الجنط فهو : 215/55R16.

[هاجر24777]

السلام عليكم ورحمة الله وبركاته
(13)هذي أول مشاركه لي وما أحب أتفلسف لكن أنصحك بالBRIGESTON وخاصه الER 50 الي بتخلي ممشاها مثل الزبده إن شااااااءالله.
طبعا هذي النصيحه عن تجربه لأنه أنا كان عندي قبل على سيارتي MICHLAN

[المهندس_صالح]

البريجستون افضل من ناحية الراحه في القياده
ولكن الميشلان هو الاطول عمرا

[Whitemax]

السلام عليكم شباب ،،،

ابشركم المشكله انحلت .رحت للوكاله مره ثانيه وغيرو لي قطعه على الضمان ( بعد الصراخ والهواش(19) ) اسمها connecting rod والحمدلله السياره صارت لينه على المطبات .

[mustafa-muu]

الحمد لله انك ارتحت من عوار الراس ونشاء الله ماترجع المشكله (12)

[haythams]

مبروك ياابو البشابيش

[nadoore]

اخوي بالنسبة للكفرات انا اول ماطلعت الماكسيما كانت كفراتها نفس المقاس الي انت كتبته لاكني ركبت كفرات والله اهدى منها واحسن منها مافي

الكفرات هي ميشلان بايلوت
مقاس الكفر هو 225\55\ار 16
لمن تاخذ العرض اكثر تصبح السيارة ارسى واسرع واريح بالطريق
صدقني غير الكفرات على المقاس الى كتبتلك هو وماراح تندم
ومايهمك انه العرض زايد انت ماحتحس اختلاف واضح في شكل الكفر وايضا مايؤثر على الجنط او السيارة بشكل عام

المهم سعر الكفر غالي شوي لاكن يستحق سعره 550 ريال للكفر الواحد


والله يعينك


تحياتي

[عاشق التيما]

هلا بالـ whitemax /

عادة أول ما تاخذ السيارة تكون الكفرات جديدة ولينة ، وتكون مداساتها لسة سليمة وما تآكلت ، فعلشان كده ، وبمرور الزمن يصير هذا الشي أمر طبيعي مع المطبات .

هذي المشكلة صارت عندي ، وراحت لما بدلت الكفرات ، والحين السيارة لينة تمام على المطبات .

أيضاً نقشة الكفر لها دور مهم في النقطة هذي ، فجودة النقشة تساهم في هدوء السيارة وثباتها على الطريق والمطبات .

اذا ممكن تذكر لنا مقاس الجنوط والكفرات اللي في سيارتك علشان يقدروا الأعضاء يعرفوا المشكلة بصورة أفضل .