سيارات مظلومه

[yasin]

هناك سيارات معينة تأخذ نصيب الأسد من حصة السوق. ويرى الناس أن هذا السيارات هي الأفضل. ولو طلبت مشورة إنسان لشراء سيارة فإن مشورته في الغالب لن تتعدى هذه السيارات.

لكن السوق به عشرات السيارات الأخرى. سيارات قد لا تقل جودة عن السيارات الأخرى. ولكن لم تلق نفس الشهرة. أو لعلها لم تحظ بوكيل يسوقها بشكل يجعلها تنافس السيارات الأخرى.

هل توافقني الرأي؟

إذا كنت توافقني الرأي وجربت سيارة ترى أنها رائعة ولكنها مظلومة بحيث أنها لم تأخذ حظها في السوق فضلا اكتب عنها واكتب ما الذي أعبجك فيها.

[adel]

موضوع رائع جدا

انا مثلا كانت تعجبني النيسان برميرا و اختها السابقة بلوبيرد
سيارتين يجمع بينهم محكر اربعه سلندر قوي و سواقتهما قمة في المتعة بس لم يحضيا بنصيب قوي من الاعلان كما ان انقطاعهما ايضا اثر على اسميهما

[عاشق البريميرا]

انا عندي براميرا ويوم جيت اببعها قالو لي هاذي بي ام ولا ايش
الزبدة عطوني سعر كرتون الطماط اغلى منه
وطبعا بطلت ابيعها بسبب هذول الطعوس

[عازف الهوى]

مشكور اخوي على الموضوع الرائع!!

[سعودي]

اخوي ياسين اشكرك على الموضوع وفكرته حلوه(يابوالأفكار الحلوه)

بالنسبه لسيارات المظلومه كثيره

وانا اعتقد من الأسباب الرئيسيه لعدم انتشار بعض السيارات

على انها تكون سياره جيده

@وكيلها يكون غير جيد
ولا يعمل لها دعايه كافيه

2)عدم توفر قطع غيار لسياره عند غير الوكيل

يعني اذا عندك عراوي(داتسون بكب) قطعها تلقاها عند البقاله ورخيصه(1)

3) سعرها عند البيع

طبعاً ظلم تشتري سياره بسعر غالي واذا جيت تبي تبيعها
تفقد اغلب سعرها

[###أحمدي###]

تسلم ياسين على الموضوع الروعة .

وانا جت في بالي سيارة رياضية نيسانية وقوية والصراحة

حتى شكلها يجنن . ها شباب ما عرفتونها ؟؟؟


السيارة هي السليفيا slivia

الصراحة هدة السيارة على مستوى الصراحة بس ما ادري ليش ما في منهم

واجد الصراحة هدة السيارة الاكثر ضلما في الخليج لانها الصراحة سيارة قوية في

ادائها ورهيبة في شكلها وحتى الشكل القديم حلة ويجنن . بس ما ادري ليش ما

اشوفها بكثرة في الخليج ؟؟؟

يمكن من ضمنهم الاسباب اللي دكرها الاخ سعودي .

[حـ zx ـبي]

بسم الله الرحمن الرحيم

الصراحه الاخوان ماخلبو شي ماشاء الهل عليهم

اشكرك اخوي ياسين على طرحك الموضوع الروعه

انا عن نفسي ايضا كنت لا اعرف ان ال silivia هي الا SX وكثير ايضا من الشباب لايعلمون وومكن قد تكون من الاسباب اللي ذكرها اخوي سعودي. بس ما ادري ليش ما
اشوفها بكثرة في الخليج ؟؟؟

بس الشكل القديم متوفرة ؟؟؟؟؟(5)(5)(5)


وتحياتي للكل

[###أحمدي###]

بس الشكل القديم متوفرة ؟؟؟؟؟

اخوي حبي بالنسبة للبحرين السليفيا ما يتوفرون

بكثرة بس الشكل القديم اكثر من الشكل الجديد عندنا

في البحرين ويمكن اللي في البحرين ينعدون على الاصابع

وياريت اخوانا الخليجيين يخبرونا عن احوال السليفيا عندهم .

[{ الـبـاسـل }]

كلامكم صحيح اخواني
واشكرك يا بو الافكار على طرح الموضوع

وأأيد اخوي سعودي في كلامه