مطلوب 300zx و يفضل بحريني 1990 وفوق

[FaIrLaDy]

السلام عليكم
اول مشاركه الي
مطلوب 300zx
1990-1996
twinturbo or non turbo
good condition
less than 1200 BD
توربو او بدون تيربو اي موديل فوق 1990
في حاله جيد او ممتازه
وبسعر مناسب و يفضل اقل من 1500 دينار

[{ الـبـاسـل }]

السلام عليكم

وحياك الله اخوي في المنتدى

تبي زد 90 ورايح وبحاله جيده او ممتازه بسعر 1500 او اقل ؟؟؟؟؟؟

ما ابغي احبط .. لكن استبعد تماما انك تحصل

اولا في البحرين قليل تحصلهم وثانيا اذا بتحصل واحد مجيوب من الخارج وتعبانين عليه فراح يطلبون فيه غالي

اما اذا حصلت لك واحد لك عليه شوي ويبغى له شغل .. يمكن بالسعر اللي حطيته انت

انا لما بغيت اشتري في السابق جربت اغلب الزدات Z32 اللي للبيع

واقل واحد لقيه 1700 دينار ! وفيه شغلات بسيطه يعني بيطلع عليك اقلها بـ 1800

وسبحان الله

يمكن تحصل

تحياتي

[هاوي السبورت]

أخوي العزيز اذا تبي زد تون تيربو 92 فتحتين لون ابيض الداخليه جديده والبدي جديد.......المحركات ميه الميه على الفحص........يبيله شوي تصليحات علبة البور الفوقيه والشيال فيه رجه خفيفه جدا ويبيله تعبية فريون بس السعر 16000 الف ريال سعودي اذا تبيه راسلني على الخاص............................................. ..........شكر خاص الى الباسل الي بصراح معطي اهتمام منقطع النظير بلمستجدين والاعضاء

[{ الـبـاسـل }]

اشكرك اخي العزيز هاوي السبورت

واتمنى اكون عند حسن ظنكم

وبالتوفيق للجميع

[FaIrLaDy]

تسلمون شباب على الردود و النصائح
اخوي { الـبـاسـل } (http://www.nissan-arabia.com/vb/member.php?u=329) و هاوي السبورت (http://www.nissan-arabia.com/vb/member.php?u=2025)

و انا اقوول نفس الشي بس كنت اتاكد من الاسعار لاني مب في البحرين حاليا
و عندي سؤال هل 2000 تكفي و شلون اشيك الموتر لا سمح الله فيه علل
و بنسبه للسبير بارت عادي من بره ارخص

[{ الـبـاسـل }]

عزيزي FaIrLaDy ما قلت لنا انت من وين ؟

لان صحيح بتلاقي ربما مشاكل في قطع الغيار لعدم توفرها

ولكن خبري في الكويت و الامارات .. متوفره القطع

وبالنسبه للتأكد من صحة الموتر .. . اكيد لازم توديه لفني وخبير سيارات

واكيد تأكد من كل شي

انصحك هذي النصائح

الزد هذا الموديل .. ما فيه دخان ابدا . . . اما اذا شفت في دخنه ولو بسيطه تأكد ان فيه مشكله وراح تتطور معاك في المستقبل

تأكد من ثبات السياره في الشارع والمطبات وانها مو متعوبه يعني مو متضرره من الاسفل .

طبعا مسأله النظافه الخارجيه والداخليه شيىء يرجع لك

تأكد من ناقل الحركه بشكل جيد ( سواء كان اوتو او عادي ) تاكد انهو طبيعي 100 %

وانت تجرب السياره .. حاول تسرع بها .. لان مع السرعات العاليه تبين بعض المشاكل الخافيه

طريقه عمل المحرك ( لاحظ لها انها طبيعيه ) وما فيها رجه او صوت غير طبيعي

وبالتوفيق لك ان شاء الله

وبالنسبه للسعر 20000 معقول ان زاد او قل بقليل

يعتمد على السياره او الاضافات اللي عليها

( بتلاحظ من خلال بحثك ان اللي سعره الاغلى هو المعدل وعليه سبايلر واضافات لجسم السياره بغض النظر عن المحرك ) . . يعني الشكل الخارجي

وتحياتي

[FaIrLaDy]

تسلم خوي الباسل على الرد و النصائح
انا من البحرين بس ادرس في بريطانيا
بس عن قطع الغيار اقدر احصل بسعر اقل من بعض السايتات في الانترنت مع التوصيل
وتقدر اتشوف www.ebay.co.uk (http://www.ebay.co.uk) للمستعملين اتوقع انه ارخص
و مثل ما قلت التأكد من صحه الموتر لازم اوديه لفني

و اخير اشكرك على مرورك مره ثانيه و عساك علقوه دوووووووم

[ابو سديري]

مشكورين وما قصرتم

[3llawy]

شرايك في الزد مال خالي ؟
توين تيربو تبيه ؟؟
ادا تبيه بقول لخالي اوكي رد عليي اكو صور ماله موجوده في مكان التحدي والتعديل

[FaIrLaDy]

هلا خوي 3llawy (http://www.nissan-arabia.com/vb/member.php?u=2444)شلونك

انا شفت الصور مال الموتر شكله اوكي كم طالب فيه

موديل كم

كم آخر سعر خوي

[الحمقان]

يالله انا بعد ابي 300 توين