المساعد الشخصي الرقمي

مشاهدة النسخة كاملة : نيسان باترول قادر على الوصول إلى سرعة قصوىتبلغ200كم/س


The Designer
04-04-2005, 09:12 AM
السلام عليكم شباب كيف الحال.أخيرا عدت إليكم.
اليوم عندي معلومات عن النيسان باترول.أي واحد يملك نيسان باترول2002-2005يستطيع بلوغ سرعة قصوى200كم/س والسرعة القصوى للباترول خيالية لسيارات الدفع الرباعي الكبيرة الحجم
شوفوا السيارات المنافسة كيف مايقدرون يوصلون للباترول إذا مسك الخط:
السرعة القصوى للسيارات المنافسة:
هامر H2: السرعة القصوى175كم/س
تويوتا لاندكروزرv8:السرعة القصوى185كم/س
جمس يوكن وشيفرولية تاهو180كم/س
فورد إكسبرشن الضخم185كم/س
لاندروفرlr3الجديدv82005:مع195كم/س.


في بعض الناس يعتقدون أن محرك باترولv6وهذا خطافمحرك باترول مكون من6إسطوانات متتاليةبوضعية أمامية طولية.
ونظرا لقوة المحرك يسمية علماء سيارات الدفع الرباعي"التحفة الميكانيكية"

إذا في واحد من أعضاء المنتدى يملك باترول يجرب السرعة القصوى للباترول مع هامر أو أي من المنافسات المذكورة.
وتقبلو تحياتي.لكم
سعودي
04-04-2005, 12:06 PM
اهلاً بعودتك ومشكور على الخبر
نيسان بترول
04-04-2005, 02:45 PM
اهلاً بعودتك ومشكور على الخبر
المدير العام
04-04-2005, 05:42 PM
مشكوووووووووووووووور
راعي توفورتي
04-04-2005, 06:08 PM
مشكوور حبيبي واخوي على الصور الرووعه والله
تسلم وماتقصر يالغالي
ونترقب جديدك حبيبي
ولا تحرمنا من مشاركاتك الرووعه
نيسان بترول 200
04-04-2005, 09:45 PM
تسلم اخوي على هذا الموضوع

و بصراحه جربت البترول لين 190 و عقب خفت ترا السرعه مو زينه خخخخخخخخخخخ
The Designer
04-04-2005, 11:21 PM
مشكور على الردود وماقصرتوا.
بحر الموده
05-04-2005, 02:32 PM
السلام عليكم ورحمة الله وبركاته

حبيبى الباترول والله

صحيح كلامك

النيسان محد يروم ايجى صوبه يالحبيب

اكييييييد كلامك عدل

اشكرك والله والنيسان يخلى المواتر الباقيه مصخره خاصه الاند كروزر

خخخخخخخ

باى
PATH2003
05-04-2005, 03:49 PM
الصراحة ماعندي باترول .. لكن عندي باثفندر 2003 ووصلت لسرعة 195 كلم وخففت من السرعه !!!

:)
ددتسن85
05-04-2005, 07:07 PM
جبت بالباترول 190 ويمكن 200 لكن موديل 91 !!!!!!!!!!!!!!!!!!!!!!!!!!!!
نيسان بترول
06-04-2005, 12:14 AM
Nissan Patrol 200K/m
Model 1999
The Designer
06-04-2005, 09:03 AM
السلام عليكم .مشكور على ردودكم الحلوة.
أيش رايكم ،هامرh2 ,تويوتا لاندكروزرV8,جمس يوكن,شيفرولية تاهو.لاندروفرLR3-V8 كهم في صف واحد مع الكينج"الباترول" ونشوف من راح يطوف الباترول.أن أعتقد100% ولا واحد راح يطوف الباترول.

ياليت واحد يسوي المطارحة القوية .ويحطها في الموقع.

وتحياتي الحارة لكم ولأعضاء المنتدى.
ولــد العاصمة
06-04-2005, 02:47 PM
اولا الفتك اقصى سرعة ومجربينها 220

و الاند كروزر يروح عن الفتك يوم يمشون فوق 200 و الثمانية سلندر سرعة القصوى 225
و شوفو الاند كروزر مال قطر

و الصراحة اقوى سيارة فورويل شفتها هو الاند كروزر مال فزاع

قوته الف حصان

و شي له فيديو و هو يمشي جدام slr وسرعته فوق 270
سعودي
07-04-2005, 12:16 AM
ولــد العاصمة من نزل الفتك والاند كروزر مايماشي النيسان


اول كان الاندكروزر خط يطوف يعني فوق 160 كم وبالقومه يقوم النيسان

لكن بعد الفتك لاقومه ولا خط (وهذا الكلام مجرب بالنسبه لسيارات الي ماهي مزوده)


وبالنسبه لسيارات المزوده

شوف حلبة الامارات واحكم مافيها الا نيسان

بالنسبه لسيارة فزاع مزوده والسيارات المزوده تعتبر استثناء

يعني اكيد انك شفت الجياتي المزوده وشفت فيوتشر وش سوت بالسياكل
لذلك لاتقيس على السياره المزوده


وهذا فلم فزاع الي تتكلم عنه وحقيقه اللاند حقه طياره

اضغط هنا لتحميل الفلم (http://www.tumaer.org/uploading/SSaudee.zip)
ددتسن85
07-04-2005, 01:25 AM
اسامه
ما ادري من يقوم
لكن الارماد يقوم عليهم اكيد 100
The Designer
07-04-2005, 07:54 AM
السلام عليكم شباب.
ولد العاصمة ما نبغى سيارات معدلة. نبغى سيارات كما هي.وطلب صغير .ياللللللللللللللللللليت واحد يسوي المطارحة مع السيارات المذكورة. وراح تشوفوا الباترول قدام وشوي يختفي.وان ماأبغى أدخل الارأماد في الموضوع لان الأخ الاكبر للباترول.

وتحياتي لكم.
نيسان بترول
07-04-2005, 07:04 PM
اولا الفتك اقصى سرعة ومجربينها 220

و الاند كروزر يروح عن الفتك يوم يمشون فوق 200 و الثمانية سلندر سرعة القصوى 225
و شوفو الاند كروزر مال قطر

و الصراحة اقوى سيارة فورويل شفتها هو الاند كروزر مال فزاع

قوته الف حصان

و شي له فيديو و هو يمشي جدام slr وسرعته فوق 270

ولــد العاصمة من نزل الفتك والاند كروزر مايماشي النيسان


اول كان الاندكروزر خط يطوف يعني فوق 160 كم وبالقومه يقوم النيسان

لكن بعد الفتك لاقومه ولا خط (وهذا الكلام مجرب بالنسبه لسيارات الي ماهي مزوده)


وبالنسبه لسيارات المزوده

شوف حلبة الامارات واحكم مافيها الا نيسان

بالنسبه لسيارة فزاع مزوده والسيارات المزوده تعتبر استثناء

يعني اكيد انك شفت الجياتي المزوده وشفت فيوتشر وش سوت بالسياكل
لذلك لاتقيس على السياره المزوده


وهذا فلم فزاع الي تتكلم عنه وحقيقه اللاند حقه طياره


السلام عليكم
اخوي ولد العاصمه تأكد من معلوماتك لان كروزر فزاع مو 1000 حصان
عليه تيربو و كيم و ما فيه امل ينزل 270 او يروح عن SLR لان SLR استوك 350 حصان

و انا رايح عن لاندكروزر عليه هديرز و اكزوز و انا موتري استوك و نشيط
4800VTC
18-04-2005, 02:08 PM
السلام عليكم ورحمة الله وبركاته


حبايبي يقول المثل اسال مجرب ولا تسال طبيب



بكل فخر انا عندي نيسان فتك 2002



افصل الكيلو متر وشوف كم يجيبلك

لا تقول كروزر ولا همر ولا غيره


وتحياتي
king 502
18-04-2005, 04:28 PM
ام عزيز وبس
مع احترامي للجميع
بس فيني سحر في الدداسن
واترككم مع الصور
nadoore
19-04-2005, 11:32 PM
مشكور يا اخوي على الموضوع
ددتسن85
20-04-2005, 01:49 AM
مشكورين على الصور
top-secret
14-05-2005, 03:49 PM
السلام عليكم..

انا عضو جديد في المنتدى احب اشكركم عليه

بس اشوف كل الاعضاء ردودهم فيها تعصب كبير ضد التويوتا

وهاذا دليل على نجاح شركة تويوتا ويكفي انها ثاني اكبر شركه في العالم

بالنسبه للموضوع انا برفعه والسموحه منكم على رفعه

بس قلت بصحح بعض المعلومات

اخوي سعودي

انت تقول ان النيسان قبل نزول الفتك الـ280 حصان يكون اقوى من الكروزر قومه وبعد الـ160 يقدم

أحـب اقولك ان الدتسن كربريتر اقوى من هاذا النيسان موديل 2000

ومره جربنا كروزر هدد 97 الـ4500 مع هاذا النيسان لا قومه ولا خط الله يخلف عليه

ومن المعروف ان النيسان من سنة 99-2001 معروف في اكثر دول الخليج بأسم البقره

لان مكينته تعبانه ومن اغبى المكاين الي نزلتها نيسان على سياراتها

الفتك انا معاك مكينته جباره جبااااااره قوي بس لو بتقارنه انا مستعد اقارنه مع الـ4500 الجديد

وعندي فلم راح انزله قريب فتك 2005 قير عادي ضد لاند كروزر 2000 قير عادي

وانت بتشوف وبتحكم اذا الاند كروزر قوي او لا

الكروزر اخوي اسمحلي بس مب كل واحد يفهم له

اهل السعوديه معروفين بالسيارات النازله الكامري والاكورد والسيارات النازله او انهم

يشترون سياره فورويل حق طعوس

وانا عن نفسي قطري وفي الامارات مشهورين بسيارات الفورويل في سباق شارع

وللعلم الكروزر قير عادي لو كان هيدرز وفلتر وممسوح المكسيما ماتقدر تقدم عليه الا اذا قفل العداد !!

وعندي فيديو كروزر مع لكزس 430 الجديد والكروزر بس كامات وهيدرز وفلتر والكروزر جايب 260

انا ماقول ان الفتك مب قوي لكن انتو طلعتوه اقوى فورويل في العالم ومافيه احسن منه ومادري ايش

ياريت لو تعيدون نظر في كلامكم

ثاني شي فيه عضو 4800vtc يقول انا عندي فتك 2002 صل الكيلو متر وشوف كم يجيبلك أحب اصحح معلومتك ان الفتك ماتقدر تفصل طبلونه وروح عند اي كهـربائي وتأكد بنفسك

والعضو نيسان باترول يقول شوف حلبة الامارات واحكم مافيها الا نيسان أحب اقولك اخوي ان كل النياسين الي مشاركين في حلبة الامارات مكاين امريكيه بق بلوك وسمول بلوك والنيسان الوحيد الي مكينته يابانيه عليه مكينة لاند كروزر 8 سلندر 4700 سي سي مكينة Vx-r والي اقصده لونه اسود واسمه "طالبان" والكل يعرفه وهو الوحيد الي قدر يكسر رقم النيسان الاصفر وجاب 8.9 ثواني الربع ميل الاخير والكل استغرب من قوته ومكينته تويوتا وللعلم هو توين تيربو نتكس 76 !! يعني لو 88 بيصير خسف في الحلبه !! قار الحلبه بيطير على الجمهور :)


عالعموم فيه مواضيع كثير تتكلمون ضد الاند كروزر والتويوتا انا سجلت عشان اقولكم قللوا من المشاحنات والكلام هاذا لان فيه ناس كثير تدخل المنتدى وبعض الكلام الي تقولونه للأسف مش صحيح عن سيارات تويوتا

واتمنى ان ردي مايتم حذفه لاني تعبت وانا اكتب فيه

تقبلوا تحياتي
4800VTC
17-05-2005, 02:55 AM
وعليكم السلام ورحمة الله وبركاته


اخوي top_secret ارد ع كلامك وقول

اذا تبغي تفصل كيلو النيسان بقلك وامري لله



في فيش تحت عند الجير بطل وحده وحده شوف اي وحده مال الكيلو وبتعرف يفصل ولا لا


ما في داعي اروح الكهربائي انا مب كذاب يوم بقول اني فصلت الكيلو يعني فصلته


واذا ما تصدق برايك هذا شي راجعلك


هذا اذا تعرف للنيسان
top-secret
17-05-2005, 11:43 PM
اخوي 4800 شفيك معصب

انا للعلم كل انواع النياسين ركبتها

من 89 لين 2005

وزودتهم واحد ورى الثاني

وفاهم في النيسان ومو محتاج احد يعلمني

والنيسان اذا بتفصل عداد الطبلون 0-220 ماتقدر تفصلها وسلامت قلبك واذا فصلتها

عطني صوره خلني اعمل لها برواز واحطها في غرفتي

اما تقولي فيش القير هذي اول مره اسمع فيها ياريت تصور لي فيش القير

عشان ناخذ من خبرتك شوي

وانا ماقلت انك كذاب بس قلت ان الفتك ماينفصل عداد الطبلون رضيت ولا كيفك

لو تبي تفصل عداد الكيلو هاذا شي ثاني (الي يحسب كم وصلت السياره كم ماشيه)

لكن عداد الطبلون

اسمح لي اقولك مع احترامي لك

اعشق الراحه وماينفصل

تحياتي
ليث العزاوي
22-05-2005, 02:27 PM
السلام عليكم ورحمة الله وبركاته
اخوية اسامة علي و اخواني الاعضاء المحترمين
بعد التجربة مع موديلات الباترول وصلت للسرع التالية حيث انا بنفسي جربتها و بمرات عديده:
باترول 1996 سرعة 190
باترول 1997 ديزل سرعة 175
باترول 2000 سرعة 200
باترول 2001 سرعة 200
باترول 2003 سرعة 200
لاندكروز 2003 سرعة 190
و هذه الارقام امانة" صحيحة و بدون تحيز و كانت هذه السارات تعود الى الدائرة (المكتب) الذي كنت اعمل به من سنة 1998 الى نهاية 2003 وطرق مختلفة منها الطريق الدولي بين بغداد و عمان.
و احب تاكيد كلام اخوية اسامة عن المحرك فهو 6 أسطانات متتالية .
شكراً
ليث العزاوي
راعي الداتسون
22-05-2005, 09:00 PM
مشكور على المعلومات وما قصرت
AYMANEZ
23-05-2005, 10:07 PM
يسلمو حبيبي
stoot
30-05-2005, 10:29 PM
ما عليش اخويه ...

احب اعلق على موضوعك واقولك انا عندي جمس يوكون 2004 مشيت فيه 200كيلو بعدين خففت واكثر ما استغربت منه ان امبير الضغط كان على 3 مع هذي السرعة العالية ...

وكنت مرة راكب مع واحد من ربعي عندة يوكون 2003 وكنا مستعجلين وكان داعس الريس كااااااامل
.... اللي صار أن امبير الضغط كان عند الخمسة وعداد السرعة مكسوووووووووووور ((يعني نازل تحت الـ 200

وفي القومة تقاومت مع شفروليه z والنتيجة كانت اننا كنا جنب بعض يعني متساوين هذا مع فرق الوزن (( معروف أن الجمس يوكون يصنف ضمن السيارات ذات الهيكل الثقيل))

مع احترامي لأمير الصحراء نيسان باترول ...
The Designer
18-06-2005, 08:28 PM
السلام عليكم...

بصراحة أشكركم على المعلومات الجديدة اللي منزلينها الموضوع...

بس لي كلمتين مع Stoot...

الظاهر إنك لمن كنت شايف العداد مؤشر على 200 في الحقيقة كان مؤشر على 20...

أما كلامك على إن امبير الضغط كان 3 فالظاهر إنه كان في عطل كهربائي... وكان لازم تراجع أقرب مستوصف...

لأنه مو معقول اليوكن اللي في السوق يتجاوز 185 كلم...

أما إذا كنت مركب ماكينت بورش كايين فهذا شي ثاني...

وبعدين الباترول 6 أسطوانات متتالية ومقوم الدنيا ومو مقعدها...

وقوته 280 بس...

أعتقد إن النيسان لو ركبت V8....

حتلاقي سيارات الدفع الرباعي مسوي عزاء لماضيها ومستقبلها...
vtc 222
03-08-2005, 12:46 PM
السلام عليكم
في البداية انا عضو جديد وحبيت اسجل بالمنتدى واشارك فيه

ولفت انتباهي هذا الموضوع اللي حبيت اشارك فيه باللي عندي

بالنسبة للفتك فان السرعة القصوى له طبعا من الوكالة يعني لا فلتر ولا هدرز ولا خرابيط

مثل ماجربت بموتري موديل 2005

يوصل معاي عند 210 ويفصل وبس هذا حده

بالنسبة للناس اللي عابثين بسيارتهم فيعني كل واحد تختلف سرعته وبصراحه ينزلون تحت وايد يعني في اكثر من صوره رووني اياها الشباب لفتك مصور طبلونه من داخل والعداد نازل تحت تقريبا لو كان التدريج مكمل بقدر اقول حول 250 ونفس الحكاية للكروزر ينزل تحت بعد

ودايما في خلاف بين الكروزر والفتك

انا مجرب شخصيا بقطر بموتري وكنت مخليه على التبترونك وموتري صافي مع جي اكس صافي انا رحت عليه وهو وراي بس قريب من يعني يمكن لانه ماسك الذرى

بعدها طلعت مع جي وقالي باي باي عاد مادري اذا كان عليه شئ او لا

بس نصيحة اللي يبي يقاوم بالنيسان لايقاوم باثنين يخليه بالاول لانه لو يبدا باثنين بكون ثقيل اشوي

ومشكورين على مواضيعكم الحلوه
SAFARI
03-08-2005, 01:10 PM
الباترول انا مجربة يوصل الي سرعة 200 كلم
لا كن في معلومه احب اوضحها مع الاند كروزر
V8 اقوى بالخط و هذا الشي انا شخصيا مجربه
انا عندي باترول هارتوب 4800 موديل 2004
بالخط الاندكروزر V8 ما اقدر اطوفه .
vtc 222
06-08-2005, 11:53 AM
الفتك ماعليك يجيب اكثر ويطوف الكروزر

لكن مشكلته مقفول ع 210 ماينزل اكثر على طول يفصل

وطبعا هذا سيفتي من الشركة

لكن لو تفك الفصلة اتوقع ينزل تحت وياليت اذا احد جرب يقولنا
GX2005اماراتي
06-08-2005, 12:36 PM
السلام عليكم اناعضو جديد في المنتدى وحبيت اشارك في هذا الموضوع انا مجرب الفتك والاندكروزر الفتك يقفل على 210تقريبا او اقل شي بسيط والاندكروزر يقفل على 195 والصراحه ان الاندكروزر يروح على الفتك واللي مومصدق يجرب وبخصوص القفل الاندكروزر تقدر تفك القفل اما الفتك ما عندي علم وأخيرا............................................ ...........gx وبس
~~إنفنتي~~
06-08-2005, 12:55 PM
السلام عليكم ورحمة الله وبركاته

كلامك اخوي صحيح

لاكن بالدفع الرباعي اتحد الكروزر يجيبه
الباترول معروف
اقوى من اللاند كروزر بالدفع الرباعي

اسأل مجرب ولا تسأل خبير

تقبل تحياتي
GX2005اماراتي
06-08-2005, 01:45 PM
أخوي انفنتي الكلام الي تقوله مو بصحيح انا والربع مجربين النيسان والتيوتا في الب النيسان صج انه خفيف لكن موب اقوىمن التيوتا
~~إنفنتي~~
06-08-2005, 02:15 PM
شكرا اخوي اماراتي

لاكن انا مجرب

تصير احيانا اشياء ويحصل اشياء


تقبل تحياتي
NISSAN 4 EVER
06-08-2005, 07:15 PM
الباترول اقوى من اللاندكروزر في الخط وفي البر .
vtc 222
07-08-2005, 12:06 PM
اتحدى اي جي اكس صافي يروح على باترول صافي

هذا وانا سوبر سفاري فل اوبشن وجنوط 17 وجير اوتوماتيك ماراح علي جي اكس صافي جنوطه عاديه وعليه بوالين

اجل كيف لا جاله نيسان ستاندرد ابو اذاني هذا ولا اس جي ال 4800 جير عادي والله يقوله سلام سلام
جيتي الاسود
07-08-2005, 01:01 PM
مشكوووووووووور
ازحف تنحف
07-08-2005, 10:51 PM
الباترول كنج الصحراء على طووووووول

انا مرة قاومت بسيارتي الباترول مع لاندكروزر وكورولا

القومة الباترول الاول اكيد بعدين الاند بفرق 3 امتار تقريبا والكورولا والاند قريبين عن بعض

إلى 160 صار الباترول الاول زي ماهو والاند الثاني بفرق 5 امتار تقريبا والكورولا صار بعيد ووقف بعدين الاند تقريبا عند ال170 والكورولا وقف بعده على طول وانا واصلت لل190

والباترول 280 حصان والاند225
الباترول 0-100 9,3 ثواني
الاند 0-100 9,6 ثواني

يعني ماله داعي كل المحاولات من اصحاب الاند انهم يثبتون الاند اقوى
vtc 222
08-08-2005, 09:25 AM
بس الصراحة

اللاند اريح يعني مريح اكثر
NISSAN 4 EVER
08-08-2005, 08:01 PM
ممكن ان اللاتدكروزر اريح من الباترول لكن في مقابل الراحه الرساوه معدومه في اللاندكروزر وهو خطير جداً اذا بنشر عليك بعكس الباترول فقساوة تعليقه تعطيه ثبات ورساوه وتحكم افضل وامان اكثر لو حدث بنشر .
سعودي
09-08-2005, 12:08 AM
حقيقه انها سيارتين لها محبين كثير

والمشكله انه اذا واحد حب سياره او صار من معجبينها ايصير مايسمع ولايقبل أي انتغاد لها(وهذا الشي لمسته من الردود بالمنتديات)


الحين من السيارت الي عندي gx2001 تصدقون اني اخاف امشي عليه اكثر من 160 كم


خاصة اذا اهلي معي ماهو بثابت على الخط ويهوي ويذكرني بالكوابرس القديمه(من الخلف تطير وتنزل)

سالت شباب كثير لهم خبره مع gx قالوا هالشغله عادي

طبعاً كفراته عاديه قلت اركب بيلون قالوا لو بنشر عليك الله يستر خله كذا احسن

وحسب علمي هالشغله ماهي بالنيسان الجديد ولا القديم
* ابولمبه *
09-08-2005, 05:44 AM
مشكور اخ اسامه

معي باترول 2001 كلبليتر يجيب 200 كيلو وينزل عنها بعد

مو بس ال 2002 اللي يجيبها واعذرنا على المداخله بس لرفع معنوايات الاخوان :)

وفيه صوره الطبلون ابنزلها بأقرب فرصه
vtc 222
09-08-2005, 01:48 PM
من ناحية البنشر انا عندي 2005 سوبر سفاري وللاسف صارلي بنشر في التاير اللي ورا يمين وكنت ماشي عليه 160 وماشالله عليه الموتر مالعب فيني ولا شئ يعني صحيح انه زحف اشوي وهذا شئ طبيعي بس عدلته الحمدلله وعدت على خير

وااتوقع لو صار هالبنشر بالكروزر كان الله يستر ...
salehhd
10-08-2005, 02:19 AM
الباترول كنج الصحراء على طووووووول

انا مرة قاومت بسيارتي الباترول مع لاندكروزر وكورولا

القومة الباترول الاول اكيد بعدين الاند بفرق 3 امتار تقريبا والكورولا والاند قريبين عن بعض

إلى 160 صار الباترول الاول زي ماهو والاند الثاني بفرق 5 امتار تقريبا والكورولا صار بعيد ووقف بعدين الاند تقريبا عند ال170 والكورولا وقف بعده على طول وانا واصلت لل190

والباترول 280 حصان والاند225
الباترول 0-100 9,3 ثواني
الاند 0-100 9,6 ثواني

يعني ماله داعي كل المحاولات من اصحاب الاند انهم يثبتون الاند اقوى



هذي حقائق بالارقام وصحيح مافي داعي للفلسفه
عاشق 511
10-08-2005, 06:31 AM
مشكورين على الموضوع ونقول هلابك
stoot
20-08-2005, 03:43 AM
أخوي أسامة علي ما أظن أني بكذب يوم أكتب هذا الكلام لانه المتكينة أمريكي و327حصان وعزم وجديدة ... هذا اولا
ثانيا : لكل اعضاء المنتدى بدل ما تتفاخرون بسيارات يابانية وأمريكية وألمانية ... الخ
تفاخروا بسيارات عربية ( أدري انة مافية) بس ليه ماتشدون حيلكم وتسوون أول شركة سيارات عربية خليجية100%
والشغلة (أظن والله أعلم سهله) وأنشاء الله حكوماتنا الخليجية ما بتقصر

ويمكن تصنعون سيارة تقوم على كل السيارات وفي البر أحسن من كل السيارات وفي الخط أسرع من كل سيارات الدفع الرباعي وأكثرها ثبات وأقوى بدي
ولا تنسون أن كثير من العلماء اللي تسببوا في صناعة الكثير من الأشياء كانوا عرب .. والشغلة ما يبي لها إلا شويه همة وعزم وأصرار

والسلام عليكم
بوحمود_2002
21-11-2005, 04:52 AM
نيسان سفاري 2005 ويا جي اكس ار الاستيشن فلتر هدرز كامل والفتك فلتر بس والفتك جدام ومايشم ريحته لاخط ولا قومه واثنيناتهم بوالين ورنقات 16 يعني مافيه مستوى .... واذا بتقارنون قارنوا جي بالاستندر واحكموا .... وانا مجرب واشوف بعيني وماسمع باذني ^_^ وسلامتكم..
nadoore
22-11-2005, 12:15 AM
يا اخوان الباترول حقي مايمشي ليش؟

اللي عندي موديل 2001 فل اوبشن سوبر سفاري جير اتوماتيك

عندي النمرة الثالثة توصل لحد 160 وبعدين يعشق النمرة الرابعة والنمرة الرابعة ماتعطي ولا شي يعني تفضل السرعة زي ماهيا160

لكن في مرة جربت الزر اللى تحت الدركسون ( مثل الزر اللي في الماكسيما) ووصل معايا لحد 185 فقط

هل سيارتي فيها شي

المشكلة ان السيارة قبل 4 اشهر مسويلها صيانة من الصدام للصدام كلفتني حوالي 5000 ريال وغيرت فيها الديلكو واشياء كثيرة ومافي فرق لو احد يعرف سر في هذا الباترول هذا الموديل يريت يفيدني وشكرا