هام جدا عن كفرات الماكسيما ...

[الكنترول]

السلام عليكم ورحمة الله وبركاته

عندي سيارة ماكسيما 2002

ومشكلتي بعد 7 شهور من طلوع السيارة من الوكالة شفت انتفاخ في احد الكفرات( مدري العيب من السواقه ولا من الوكالة بس بصراحة اعتقد طبيت في مكان مو مريح للسيارة )
المهم ما حصلت كفر نفس النوع حتى من الوكالة ( مدينة جدة ) وهي من النوع (55/ 215 ـ v ـ والجنط 16 )

سؤالي الاول : اين اجد هذه الكفرات
سؤالي الثاني : هل هناك ضمان على الكفرات
سؤالي الثالث : لو اخذت اي كفر( من غير الوكالة ) نفس مقاس الجنط فيه مشكله ام هناك مواصفات خاصة لكفرات الماكسيما

الف شكر لكل من يرد

[yasin]

الاخوى الاعضاء يفيدونك أكثر

للأسف ماعندي أي فكره

[ماكسيما2000]

الأخ الكنترول ...

السلام عليكم ورحمة الله وبركاته

الكفرات عليها ضمان .... سنه فأكثر ..

وبالنسبة لكفرات الماكسيما فهي ميشلان ... وضمان الميشلان معروف أنه مفتوح ... (( يعني يضمنون لك الكفر إلى أن تتمسح النقشة ))

فأنصحك أخي أنك تروح لوكالة الميشلان .. وتعرض عليهم الكفر ... وإنشاالله يتعاونون معك ويبدولنه مجاني ...

أما إذا ما أحد فادك منهم .... فالله يعينك على سعره ... ( حوالي 470 ) ريال ...


عساني أكون أفدتك إنشاالله

أخوك ماكسيما 2000

[adel]

تعقيبا على رد اخوي ماكسيما 2000 هذي ردودي على اسئلتك
الاول : اين اجد هذه الكفرات
.... هذي كفرات ميشلان و وكيلها الجفالي
الثاني : هل هناك ضمان على الكفرات
..... ضمان الكفرات سنة من شراء السيارة للكن الضمان لا يغطي الاصابات بفعل القيادة او سؤ التخزين فقط الضمان يغطي العيوب المصنعية
الثالث : لو اخذت اي كفر( من غير الوكالة ) نفس مقاس الجنط فيه مشكله ام هناك مواصفات خاصة لكفرات الماكسيما
.... ميزة الكفر اللي عندك انه فيه نقشتين داخليه و خارجية حيث ان احدهما تعطيك ثبات اعلى و الاخرى تعطيك نعومة عالية في القيادة و يمكنك استخدام اي نوع اطارات اخر على ان يكون نفس المقاس دون مشاكل تخاف منها

[الكنترول]

الله يسعدكم ان شاء الله على هالردود السريعة والله لا يحرمنا منكم

[adel]

هلا اخوي كنترول
ما دام الاجابة عندنا فالرد ان شاء الله دائما بيكون سررررررررريع

[عاشق الموج]

يعطيكم الف عافية على هذي المعلومات الروعة

تحياتي للجميع (6)

[MAX 2002]

السلام عليكم ...

والله يا خوي نفس المشكله صارتلي يسمونها الكفر ( حبل ) ... معاي ماكسيما 2003 الجنط 17 يعني الكفر 17 المهم أخوك أكل مطب ماشاء الله عليه ما يحتاج ( طبعا شوارع جده ) ومعروفه كيف ماشاء الله الشوارع مايحتاج ؟
وهذا الكلام بعد 3 شهور من خروج السيارة من الوكاله ... المهم أخوك راح شركة نيسان وكل الوثوق بوجهه ( لأني سمعت ضمان لمدة سنة ) المهم عطوني ورقه وحولوني شكرة الكفر الي هي برجيستون وبعد لطعة في الحر ومن قسم لقسم ومن فرع لفرع قرروا أخيرا فحص الكفر ويشوفوا العيب من ايش ... هل من الكفر ؟ أم من السواق ؟ والكفر ماشاء جديد كأنه محد مشي عليه ... المهم جابوا خبير ياباني من عندهم وفحص وطبعا اخوك ما في راسه E انجليزي المهم جابوا واحد يترجم ... ( والله كأني صرت واحد مهم ) بس من بعد هواش ومصايحات المهم قال العيب منك أنته أكل مطب أو طلعت فوق شي ... وصار يشرحلي بالصور وبيده ... المهم قلتله والزبده قال نعطيك خصم 30 % والكفر قيمته أصلا 615 ريال على ما أذكر المهم قلتلهم لأ ... لأنه في واحد أعرفه أخذ خصم 75 % ... وأنا رايحلهم على بالي بيعطوني كفر مجانا ببلاش ... (6) المهم من هنا ومن هناك صار الخصم 50 % وآخرها قالولي ادفع 230 ريال وهات الكفر الخربان والباقي عليهم ....
وبس هذي قصتي ....

انشاء الله أكون ساعدتك بشي ... وأي خدمات آمر أنا جاهز

وآسف لأني طولت عليكم ... (4)

أخوكم MAX 2002

[adel]

MAX 2002
المشكلة الخاصة بالكفرات هي من المعروف دائما تكون خاصة بوكيل الكفرات في اي نوع سيارات لان الكفرات غير مشمولة بالضمان الخاص بالسيارة و انما ضمانها من وكيل الكفرات و هنا تكمن المشكلة الرئيسية ان وكلاء الاطارات عادة لا يهتمون بمشاكل العملاء بالشكل المطلوب
لكن لا تنسى ان مشاكل الكفرات و الضمان تعتمد على سبب المشكلة و مدة استخدام الاطار فان كان سبب تلف الاطار ليس عيب مصنعي فليس لك الحق بالمطالبة باي تعويض اذا كنت انت المتسبب بتلف الاطار

[الكنترول]

والله بصراحة عيب النيسان ما يهتمون بزباينهم

المهم تشتري السيارة وبس وشوف الكلام المعسول قبل تشتري

[التايه]

تسلمون شباب على المعلومات

[السماك]

الله يعينك.واسمع نصيحتي لا تدور على وكالة ولا ما يحزنون لأنك ما حتطلع معاهم بحق ولا باطل.