ياشباب ممكن

[باترول]

السلام عليكم
ياشباب انا رجال دائما اقنص بالبر وابي اشتري نيسان 2003 Sgl وانا عندي حاليا نيسان سوبر سفاري 91 ويقولون ان السفاري القديم افضل من الجديد بالبر
ممكن اعرف ليش النيسان القديم افضل ؟
وبعد في شي:
النيسان الاماراتي احسن من الكويتي ولا نفسه لان اباخذ واحد من الامارات
تحيااااااااااااااااااااااااااااااااااااااااااتي

[ددتسن85]

لا الجديد اقوى بكثير
ممكن القديم افضل من ناحيه الحديد والتفكك من موديلات 98-2001 لكن موديل 2002 اقوى
حديد وافضل حتى من القديم
بالنسبه للسؤال الثاني ما اقدر افتيك فيه
لكن ان شاء الله يقصرون معك اهل الامارت

[ولــد العاصمة]

الصراحة الجديد احسن


و عن الفرق بين الفتك الاماراتي و الكويتي انا ما شوف شي فرق

و انصحك في النيسان 2003 sgl_v

[لاند كروزر]

السلام عليكم ورحمة الله وبركاته

اخوي بترول صراحه اذا انت حاب تشتري باترول انا انصحك بموديل97م قزاز عادي مره لانه افضل مانتجته نيسان من حيث الشكل وتلقى سعره مناسب جداً بحدود 30 الف ريال النظيف منه
وهذا ممتاز للبر وبالنسبه لسؤل الافضل الشباب السعودي جرب النيسان العادي ووجدو انه افضل من الفل كامل بالبر لانه اقل ديكورات ولا يتفكك مثل الفل كامل بس فيه عيب انه يشرب بانزين
وفي منطقة القصيم يغيرون الأبر حق الكربريتر بأبر مازدا بس مايفرق الصرف كثير وسعره مناسب جدا
اما اذا اردت الافضل للمقناص وعندك دراهم تبي شي لك ولزمن انا انصحك GX من تايوتا
بس غالي تلقاه بالسوق بس قيمته فيه ومرغوب جداً وانت ابخص اسئل مجرب ولا تسئل طبيب

تحياتي لك ومقناص موفق

[نيسان بترول]

سلام عليكم
اخوي انصحك بنيسان 4500 موديل 1999 لان افضل في الصرفيه
و قوة مثل الجديد و تقدر اتغير في الشكل
و شكراً

[باترول]

هلا فيكم " بالنسبه لخوي الغالي لاند كروزر اني اشتري تويوتا هذي اغسل ايدك" والصرفيه كل النيسان يصرف, انا حاليا امتلك نيسان سوبر سفاري 91 اماراتي صرفيته معقوله

وانا لقيت فتيك 2002 سوبر سفاري وبصراحه عجبني وكاله الكويت لقيته " 7200 د.ك"

وانشاء الله اباخذه.

والسموووووووووحه على الازعاج والاطاله تحيااااااااااااااااااااااااااتي

[Z-1981]

هعلبلب

[Z-1981]

السلام عليكم لو سمتو ابي صور نيسان باب واحد موديل 2000

[Z-1981]

يا شباب ابي صور سفاري باب واحد موديل2000

[شبح الجنوب]

اخوي البترول موديل 97 والله كلام وزين خاصه بالبر والجديد افضل من ناحية القوه من موديل 2002 وفوق لاكن والله لو جربت الجي اكس بالمقانيص والبر لتدمن عليه انا مااقلك هالكلام الا من واقع تجربه ولك حرية الاختيار بالتوفيق يالغالي

[الوافي99]

اخي باترول يعجبني فيك تمسكك بالنيسان والنيسان الاندكروزر مابينهم فرق بالصرفيه النيسان تانكي واحد يمشي 450 ك الاندكروزر خل نقول 550 ك بس السؤال كم يفلل التانكي وهو طافي مافيه شئ الاندكروزر سعة خزانه اكبر ياخوان انا كمثال موتري باترول تانكيين افلله بـ107 ريال بس بينما صديق لي معه الاندكروزر 2003 تومتيك يفلله بـ134 فيه فرق يخلييه يمشي كيلوات زياده.

[الـمـطـيـري]

السلام عليكم
اخوي انا جربت الباترول القديم والجديد
تبي للبر عليك باترول 2002 Sgl الدرجه 3
والحمد لله عندي 2002 واحد صارله سنتين عندي كلا بالبر ماشكيت منه بشيء
واعرف 4 يدرون على 4800 لحد الحين مو محصلين :)
انزل حراج الكويت ماتلقا 4800 كلا قديم
والله اعلم