وش رايكم بالباترول الربع ؟؟

[Mr_3oz]

السلام عليكم

انا ناوي اشري جيب باترول ربع 2005 بس محتار شوي
لانه كل من سألته ما نصحني يقولي انتبه تراه يتفكك وحبيت اخذ رايكم
وكيفه مع صرفيته ؟؟ يقولون يصرف واااجد

وياليت اللي يعرف عن الاسعار والمواصفات ووو ما يبخل علينا
او اي نصايح عن سيارات ثانيه مشابهه لها او اي افكار الله يعافيكم ؟؟
ومشكورين

[الفتى]

السلام عليكم ورحمة الله وبركاته ياخوي ماعليك من كلام الناس من ناحية يتفكك كلام فاضي أكبر دليل شركة أرامكو ماتاخذ الا الباترول في التنقيب وغيره وكذالك وزارة الداخليه واهل القنص وتبغى تتاكد اكثر اسال واحد مجربه اما في الصرفيه الله يعينك لان الربع سعته 4,5 اما القيمه ماعندي فيه اي خلفيه ــــ وتقبل تحياتي

[نانش]

حبيت افيدك ان الداخلية صحيح بتقرقع معك بس فية محلات تسويها بس ترى كلها كلبسات ماهي بلوط عشان يربطونها
بس تبي رزة خذة خذ لون بني

[GTS-R]

والله انا من ناحيتي انصحك انك تأخذه بعد اذا كامل مواصفات

[ولــد العاصمة]

السلام عليكم ورحمة الله وبركاته


اخوي هو زين و حلو

بس فيه عيبين هو صرفيته لبترول وسعره مرتفع يعني عدنا في الامارات عند المسعود ب 125 الف

[هاوي البراري]

السلام عليكم ورحمة الله وبركاته
اخوي الموتر حلو وشكله الجديد مو معقول
بس سعرة غالي شوي
عند الحمراني الستاندردs بـ80000
والفل الكامل بدون فتحه ب 108000
والي معه فتحه بـ112000

الموتر حلو ويستاهل قيمته مو مثل ربع التيوتا بـ103000 الستاندرد يعني بدي ومكينه ومكيف بس

[Mr_3oz]

مشكورييين شباب ماقصرتم

بس يسولف لي واحد امس يقول ان صرفيته من 2002 قلت لان الشركه ركبوا بخاخات

يقول تفرررق مررره

صحيح الكلام ؟
و مشكورين

[ابوفيصل]

اقول ماعليك من كلام الناس خذ رايك وتوكل على الله

[راعي الداتسون]

اكيد هو يصرف بترول لانه 8 سلندر بس هو قوي وادوم عندك مدة
هو اقوى من اللاند كروزر

[نيسان بترول 200]

والله أخوي انا انصحك به

انا شاري مرتين نيسان بترول بصراحه سياره توب ماعليها كلام

و بعدين انا كان عندي نيسان 98 و الحين عندي 2004 اشوف صرفيت 2004 اكثر

بس انا اشوف الشكل القبلي احلا بوايد عن 2005


و هذا راي

[harb300]

اخوي مساك الله بالخير
معاي باترول ربع 99 فاكه على يدي وعلى قد حالى ( الجيب فاضي ) بس والله ماقدرت استغني عنه بالمرة رغم الضروف اللي مريت بها واللي امر بها .

(مشاويرك ماهي كثيرة خذه ولاتشاور)

[Mr_3oz]

مشكوريين شباب

بس غالي الستنادر ب 80 ولا لا؟؟؟

[لاند كروزر]

السلام عليكم جميعاُ

اذا تبي تشتري انا انصحك بلاند كروزر لعدة اسباب

1_ قوه
2_ تحمل
3_ يمسك سعره يعني شيك بيدك متى مابغيت تصرفه تصرفه
ياليت تشيك على الموقع هذا وتشوف وش يسون الشباب وحكم بنفسك

لضغط هنا (http://www.efi4500.com/vb/)

http://catalog.boloto.ru/foto/b/land-cruiser_02!.jpg

[فلاح]

ربع ب80 !!!

اشور عليك تشتري باثفايندر افخم واريح واكشخ واقوى

وتحصل سعره مدين في المعارض بحدود 84 الاوتو بدون فتحه