دعوة إلى تجمع كبير في الرياض لسيارات إنفينتي

[برستيج]

بسم الله الرحمن الرحيم


السلام عليكم، إلى مالكي سيارات انفينيتي دعوة مني لكم خاصة لإقامة تجمع كبير في الرياض لسيارات انفينيتي بجميع طرازاتها وموديلاتها M , FX , G , Q , QX - هدف هذا التجمع هو التعرف على مايخفي كل اسم من اسماءكم - كأول تجمع لمالكي انفينتي في الرياض ، نجتمع على الخير ونفترق عليه ، بالنسبة لمكان التجمع مبدئياً خلف كلية التقنية في آخر الشارع ، وراح يكون هناك جلسة منها لراحة القدمين وتقديم واجب الضيافة من شاي وقهوة وخلافه ومنها تمويه للشرطة ان الموضوع عادي شباب واتجمعوا ايش المشكلة يعني !!! ، بالنسبة لي فلي باع طويل في التجمعات في موقع آخر اتحفظ على اسمه، التجمع راح يكون يوم الأربعاء 20/03/1432هـ - الموافق 23/02/2011م، الحياء ممنوع او بمعنى اصح اللي فيه حياء لا يجي، التجمع راح يكون الساعة 9:00م بعد صلاة العشاء، ويستمر على حسب استمرارية وصول اعضاءنا الكرام يعني إلى الساعة 2:00ص ماعندي اي مشكلة وعشاكم علي، تأكدوا اني راح انزل الصور بإذن الله، فممكن تكون صور سيارتي لحالها وممكن تكون وحوالينها أعضاءنا الكرام، طبعاً أنا حالياً مسافر دبي لمدة 5 أيام إعتباراً من اليوم ، بإمكانكم التواصل معاي بعدة طرق اتصال:


عن طريق الآي فون : E65F0B79


الإيميل : dhomwww@hotmail.com (dhomwww@hotmail.com)


أو عن طريق رقم الجوال : 0545554445


ومثل ماقلتلكم الهدف التعارف، ولا بد من الدخول للموضوع بين فترة وأخرى لأي جديد .


وتقبلوا تحياتي،،،

[ḾЯ.3Ž๑Ž]

موفقين انشاء الله

[ALTIMA 3.5 SE]

موفقين ان شاء الله يا رب

وان شاء الله يجي عدد حلو

وتقبل مروري

[MaxiQtr]

الله الله فالصور:dhh:

[NiSSaN.PaTRoL]

موفقين ..~

[zool-15th]

موفقين وربي يحفظكم وييسر عليكم
وان شاء الله بنشطف نشوفكم :dhh:
<<<<<<< وش دخله صح خخخخخخخخخخخخخ

[+{meemo}+]

موفقين اصحاب الإنفينيتي

[برستيج]

يامالكي انفنيتي وينكم، كل الردود من مالكي نيسان الله يعطيهم العافية، نبغى الحماس والإندفاع، مانبغى مشاهدات من غير ردود.

[altima2008_4462]

بالتوفيق لك يا بطل

وان شاء الله تشووف تفاعل من ملاك الانفنتي

[the 1st fx50]

سجل عندك واحد حظور

وانا من الحين بروح للموقع وبفرفر:go:لين ادوخ

[برستيج]

لحد الان ما فيه الا واحد مشكورا وين الشباب الباقين أبشركم رجعت من لأس فيغاس العرب (دبي)

[برستيج]

ياشباب شدوا الهمه التجمع قرب وأي استفسار الرجاء الإتصال

[ḾЯ.3Ž๑Ž]

باقي يومين
لا تنسون الصور ياحلوين

[طير السعد11]

بالتوفيق ياشباب

وياريت يكون فيه تجمع شامل لاصحاب المكس والالتيما والباترول والانفينتي بيوم محدد راح يكون تجمع رهيب وكبيرر

[وضح النقاء]

اخوي بريستيج،
عدد ملاك انفنتي ليس كثير في هذا المنتدى لذلك لا تستغرب عن قلة التواجد

وعموما ، ليش ما تراسل الاخ فيصل وهو عنده رابطة خاصة فيه وبكذا تقدر تجمع اكبر عدد ممكن من الحضور

وانا اعتذر لاني من خارج الرياض

بس لاتنسون الصور .. <<< اهم شيء

[d7oom]

هلا اخواااني كيف حالكم

ألاخ فيصل مسوي اجتماع لملاك اف اكس انفنتي بكرة الثلاثاء

انا مادري عندكم علم والا لا

[foxdie]

السلام عليكم ورحمه الله
---------------------
أولاً : أشكر الأخ برسيتيج على السعي لجمع أكبر عدد ممكن من ملاك سيارات الأنفينيتي ( وفقه الله ).
ثانياً : أعتبرني من الحاضرين ( إن شاء الله ).
---------------------
طبعاً بأسم ( رابطة جماعة الأنفينيتي FX ) : فقط خاص لأصحاب الأنفينيتي FX القديم أو الجديد والأهداف موضحة مسبقاً في موضوع سابق بأسم :
اقتراح ( لتجمع لأصحاب fx )... تفضل وأقترح وقرر معنا
http://www.nissan-arabia.com/vb/showthread.php?t=46984&page=1
---------------------
وأجتماعاتنا تكون فقط رسائل على الأيميل فقط لا غير وليس في الموقع ( للمشتركين في الرابطة فقط لا غير )
---------------------
وطريقة الإنضمام :
إذا أردت الإشتراك في (رابطة جماعة الإنفينيتي FX) - فقط كل ما عليك هو أرسال رسالة على البريد الإليكتروني التالي:-
faisal.fraih@gmail.com
---------------------
ووفق الله الجميع بما يحب ويرضى

[the 1st fx50]

حلو حلو

ان شاء الله وعدنا بكرا

فيصل بحاول اجيب فهد؟

[FAT ZEEZ]

الله يوفقكم يارب وان شاء الله يكون تجمع خير ومحبه

[برستيج]

ياشباب التجمع غدا وأي استفسار فقط الاتصال والتجمع شامل سيارات انفينيتي بجميع موديلاتها وفياتها وأخوي فيصل شاكر لك ردك وشرف لنا حضورك وكذلك الاخ ون ست ، ابشروا بالخير والله يحيي الجميع .

[برستيج]

ياشباب بالله سجلوا رقم جوالي عندكم من باب الإحتياط للي يرغب بالقدوم للتجمع، باقي على التجمع 9ساعات، لحد الآن عضوين فقط اتمنى ان العدد يزيد اكثر من كذا، وإن شاء الله نقضي وقت ممتع ومفيد ويكون باب لتجمعات اكبر من كذا خاصة في منطقة الرياض.

[برستيج]

ياشباب بمناسبة عودة ابومتعب لأرض الوطن لاتنسون الأعلام فرصة تجمع واحتفال :dhh:

[the 1st fx50]

ماعليك برستيج

ان شاء الله يزيد الحظور

بس وينك رحت ولا لقيتك:victory:
متحمس

[برستيج]

ون ست ، هلا حبيبي إن شاء الله بالنسبة لي قبل 9 راح اكون متواجد في الموقع بس لا تنسى تنسق معاي بالجوال ، وكذلك اي احد من الشباب يرغب بالقدوم .

[برستيج]

مساء الخير على الجميع، ابشركم ياشباب تم التجمع بنجاح ولله الحمد والمنه، على الرغم انني لم اتوقع حضور احد والسبب زحام الاطرقه والإحتفال بطريقه همجيه بقدوم الملك عبدالله حفظه الله، عدد الحضور الكلي 5 اشخاص: برستيج، وfaisal وfx 1st وممثل مبيعات انفينتي، وسطان (ابن خالتي). وعدد السيارات ثلاثة : FX50S وFX35 وM45 . وللاسف لم يكن هناك الوقت الكافي للتصوير وكذلك الإضاءة الردئية ووقت الليل لم يساعدنا على التصوير، ابتداء التجمع متأخر من الساعة 10:00م إلى الساعة 2:00ص ، تبادلنا فيه اطراف الحديث عن مستقبل انفنيتي والتطورات القريبة وتبادلنا الخبرات واستمعنا لآراء بعضنا بخصوص تجمعاتنا القادمة وكيفية التنسيق لها + ولكي يكون الحوار ممتعاً لابد من وجود الشاي والقهوه والحلويات واختتمنا تجمعنا بعشاء وتفرقنا إلى تجمع آخر بإذن الله تعالى.

[FAT ZEEZ]

ماشاء الله على تجمعكم رااايق ..

وواضح ان السهره حلوة الله يعطيكم العافية

وان شاء الله نشوف تجمع قوي ومميز المرات القادمة

تحياتي للجمييييييع 000000