المساعد الشخصي الرقمي

مشاهدة النسخة كاملة : مقارنة بين الباترول و التويتا لاند كروزر


باترول4800
15-05-2003, 12:53 AM
السلام عليكم و رحمة الله وبركاته

اخواني انا عندي نية اشتري سيارة و انا محتار بين الاند كروزر وال باترول .. فاريد رايكم بس الله يخليكم وضحولي ليش الاند احسن عن الباترول .. او الباترول احسن من الاند ..... و شكرا
ملك التحديات
15-05-2003, 05:04 AM
ابشر اخوي باترول4800 ان شاء الله راح انزل موضوع كامل بس اصبر علي هاليومين مشغول و لاكن انا اوعدك ان طلبك راح يكون خلال يومين جاهز.

تحياتي لك
باترول4800
15-05-2003, 02:56 PM
مشكور اخوي والله ما تقصر بس بقيت رايكم شو احسن الاند ولا الباترول و ليش
باثفايندر
15-05-2003, 03:04 PM
مقارنة بسيطة
الباترول اخف وقوي في التطعيس ومكينته اقوى من اللاند وارخص سعرا منها
adel
15-05-2003, 10:59 PM
هذي مقارنة سريعة بين السيارتين حسب المواصفات الخليجية و عندي مقارنة تفصيلية بحاول اني انزلها ايضا الليلة او غدا

يمكنك تحميل المقترنة على شكل ملف ادوب اكروبات بالضغط على الرابط التالي
قم بوضع الفارة على الرابط و من ثم اضغط زر الفارة اليمني و اختار حفظ باسم او save target as

http://www.nissan-arabia.com/storee/pdf/partolvscruser.pdf
yasin
16-05-2003, 03:42 AM
الباترول ترى زين انصحك فيه ومثل ماقال اخ باثفايندر ارخص من اللاند كروزر وخفيف (3)
ولك الاختيار
N i s s a n
17-05-2003, 11:41 AM
النيسان احلى بوايد من الاند و خاصه النيسان اليديد
الصراحه مكينه النيسان اليديد و هي ال4800 سي سي اقوى لانها اكثر فالسي سي اما الكروزر8 سلندر 4700 سي سي و القوة بالحصان اكثر فالنيسان و هو 280 حصان اما الكروزر فمكينته 250 حصان هذا والله تعالى اعلم....


الكارونه والدفريشن .. النيسان أقوى ويستحمل أكثر ..
التويوتا اللاندكروزر .. أقل تحمل من النيسان في الكارونه والدفريشن ..
البدي .. النيسان أقوى ..
(5)

منقول
http://community.webshots.com/sym/image5/2/83/15/61628315QyKzpR_ph.jpg
ملك التحديات
18-05-2003, 01:13 AM
يا شباب احب ابين لكم نقطه مهمه جدااااا

الباترول اثقل في الوزن من اللاندكروزر

لاكن للي يجرب السيارتين يحس ان الباترول خفيف في وزنه و لاكن العكس الباترول ثقيل جداا و اثقل من اللاندكروزر الثمانيه سلندر.
اي شخص يجرب السيارتين يحس ان اللاندكروزر اثقل في الوزن و السبب ضعف المكينه و ضعف التسارع . اما الباترول العكس قوه و سرعه في التسارع و هذا يخليك تحس ان الباترول خفيف في وزنه .

على فكر فرق الوزن بين الباترول واللاندكروزر الثمانيه سلندر ما يتعدى 50 كيلو بس .

اتمنى ان المعلومه وصلت بشكل جيد (3)
عااشق الماكسسسس
18-05-2003, 07:42 AM
خذها مني طلع باترول ولاتشاور لاند حق تكشيخ
الربع الأسود
18-05-2003, 03:09 PM
السلام عليكم ورحمة الله وبركاته

خذ لاند ولا تبالي إن اللاند من شيم الرجال (10)

أقو توكل على الله وخذ لك لاند لأنه أقوى ويتحمل أكثر وبعدين الباترول ترى يتفكك عليك بسرعة وصحيح انه في التطعيس اخف لكن اللند اقوى منه وترى الباترول ال TOP كامل المواصفات يشفط بنزين شفط مهوب صاحي

أسئل مجرب ولا تلحسه كله ( هههه نصيحة محشش ) وذا تبي لاند مواصفات حلو خذ لك قطري ولا إماراتي ...

اللاند في قطر GX.R كاااااااااااامل المواصفات فيه شاشة ومواصفات موووووووووو موجودة بالمرة في السعودية(5) وترى ال GX.R زين وخفيف ولا يسحب بنزين كثير لأنه 6 سلندر .....


وأتمنى أني أمون أفدتك عزيزي .....
Crazy Driver
19-05-2003, 01:37 AM
شوف تبي الصراحه الباترول اقوى من اللاندكروزر وأفسى منم اللاندكروزر بشوي.
ولكن بالمقابل الباترول ارخص من اللاندكروزر.

والمرابط مالة اللاندكروزر اقوى من الباترول (يعني بالباترول تسمع قرقعة اصوات بعد فتره من الزمن).

واذا كنت راعي وناسه وتبي مكينه قويه وسياره سواقتها ممتعه انصحك بالباترول.
واذا كنت راعي كشخه وتبي سياره سواقتها ممله ومتعبه انصحك باللاندكروزر.
ملك التحديات
20-05-2003, 03:11 AM
اخوي الربع الاسود السفاري الجديد 4800 اقل صرفيه بنزين من اللاندكروزر الثمانيه و السته سلندر جربت السيارتين السفاري الجديد و اللاندكروزر السته سلندر .
تانكيين في اللاندكروزر على سرعه 160 تمشيك 570 كيلو هذا من واقع تجربه .
تانكيين في السفاري على سرعه 160 تمشيك 600 كيلو مع العلم ان تانكي السفاري اصغر من اللاندكروزر.
التانكي الرئيسي للسفاري =95 لتر و التانكي الفرعي 40 لتر
التانكي الرئيسي للاندكروزر= 96 لتر والتانكي الفرعي 45 لتر.
يعني السفاري اصغر تانكي من اللاند بفرق 6 لتر و مع ذلك يمشك مسافه اكثر من اللاند .

المشكله كانت في السفاري من موديل 1998 الى 2001 يصرف بنزين بشكل خيالي لاكن االموديل الجديد انتهت هذي المشكله لان المكينه مطوره بشكل كبير و مدخلين عليها تقنيات جديده تقلل صرفيه البنزين و تزيد العزم مثل نظام VTC و نظام NICS و هذي التقنيه جديده مابعد توصلها التويوتا حتى في اللكزس .
باترول4800
20-05-2003, 12:38 PM
والله احترت .. لكن تقيبا انشالله بلخذ نيسان .. انا سمعت انه الباترول يتقرقع و يطلع اصوات عندما يكمل سنة و لكن حتى 2002 و 2003 يتقرقع و يطلع اصوات(16)؟



شكرا على ردودكم
الربع الأسود
21-05-2003, 01:18 PM
كلامك صحيح أخوي مجنون جلوريا ...... يمكن يكون كلامي خطأ

أخي العزيز باترول 4800 : كلامك اللي قلته أنا مجربه الباترول يطلع أصوات وطقطقه وتقرقع في السيارة بعد أول سنه أو سنتين ..... لأني زي ماقلت لك يتفكك من الداخل لكنه مايؤثر على قوة السيارة ومكينتها ....

وشكرا لكم جميعا ....
N i s s a n
21-05-2003, 05:08 PM
كل شي يعتمد على حسب استخدامك للسياره ..

ما شي سياره ما تتقرقع مع الأيم ..
ملك التحديات
22-05-2003, 11:42 PM
شباب صحيح ان الباترول بعد فتره تسمع اصوات قرقه داخل السياره و لاكن هذي الاصوات في الديكورات من داخل بس لاكن السياره بشكل عام صلبه و لا تتفكك و يعتمد على حسب الاستخدام في ناس تتفكك السياره معهم بعد سنه و في ناس تتفكك بعد ثلاث او اربع سنوات .

المعلومه الثانيه :
مشكله اللاندكروزر بعد 120 الف كيلو راح تغير جنزير المكينه ( سير التوقيت الداخلي ) و اذا تغير هذا الجنزير راح تفقد السياره ربع عزمها و هذي المشكله في جميع سيارات التويوتا .
انا عندي لكزس 99 غيرت الجنزير و الحين السياره حدها 210 لاكن قبل ما اغيره كانت تنزل تحت ال 220 (16)
و الحين قررت ابيع اللكزس و ارجع للنيسان بعد ما اكتشفت ان التويوتا سمعه على الفاضي .
N i s s a n
23-05-2003, 10:02 AM
والكروزر غيار اوتوماتيك بعد كم سنه يوم اتحطه في ال D وتعطي فل ريس تسمع نقعه في القير
الاجودي
25-05-2003, 10:21 PM
حياك اخوي

وهذي اول مشاركة لي

ونشاء الله تصير فاتحة خير

بالمختصر المفيد

اذا كنت ناوي تستخدم سنة سنتين وتبيع خذ لاند

اما اذا كنت تبي تستخدم خذ باترول



لان الباترول افضل واقوى

والاند يمسك سعره
ملك التحديات
27-05-2003, 04:52 AM
صدقت اخوي سوبر سفاري

معلومه : اللاند كروزر 6 سلندر يمسك سعره اكثر من ال 8 سلندر (5)
بومحظار
30-05-2003, 02:41 AM
اخوي باترول انا اقوللك خذ نيسان وريح نفسك لأن بيتنا بيت النياسين و التيوتا ومجبين جميع الانواع ... عندنا تيوتا 8 سلندر وتيوتا 6 سلندر ونيسان 4800 ونيسان القديم موديل 97 ربع ومكسيما لاحظت ان احسن سياره النيسان بصراحه ما فيها تعقيد .. اسمحلي طولت عليك لكن بقوللك مميزات او الفرق بين السيارتين في جميع الحالات اول شي اعطيك النيسان:
النيسان احسن في البر من الاند كروزر ويدخل البر بكل سهوله
النيسان اقوى في المحرك 280 حصان وصرف البترول نفس الاندكروزر 6 سلندر وبه قوه اكثر من الاندكروزر 8 سلندر
النيسان ما يعمل اصوات وكلها شائعات واخوي عنده النيسان القديم ربع ودائما في البر ولا فيه ولا صوت
النيسان يتوفر بقير جديد اتوماتيكي لا يوجد في الاندكروزر يتكون من 5 غيار وعلى الخط يعجبك مريح مره يعني اسوق 190 والار بي ام عند 3,600 دوره في الدقيقه يعني السياره مش حاكره ابدا
النيسان يختلف في تعليقه التحتي يعني فيه دفريشنين اما الاندكروزر فيه دفريشن واحد بس الي هو الخلفي
النيسان شبابي اكثر ويتحمل الشباب اكثر عن غيره.
..................................
الاندكروزر:
الاندكروزر مريح على الشارع الاسفلتي الذي به مطبات كثيره ولكنه يسبب القلبات ولا ينفع للتجاوزات السريعه تحس انه يميل كثير وممكن ينقلب بسرعه

النيسان صحيح انه اقسى شويه لكن ثابت مع انه مرتفع

الاندكروزر 6 سلندر قير عادي ممتاز وما يصرف بترول كثير
الاندكروزر تتوفر له اكسسوارات كثير مثل اغطية الكروم و الاشياء للزينة السياره وفي الامارات تتوفر له قطع غيار كثير من السيارات اليابانيه يعني زوائد عجيبه
الاندكروزر بابه الخلفي حلو احس انه اوسع من الخلف وكراسيه الخلفيه تنشال بدون براغي .
الاندكوزر 6 سلندر تصدق انه مافيه مرايا حق الي جانب السائق يعني اذا يبغي ايشوف نفسه .
الاندكروزر اغلى في سعره عن النيسان
......... السمووووووووحه على الاطاله
وانصحك تاخذ نيسان طويل لأن الربع ما ينزل بمكينة ال 4800 بل ينزل بمكينة 4500 كاربيتر يعني صرفه اكثر عن الطويل وتعبان في المشي بالنسبه لل 4800 وانا جربت معا الربع كنت اقدر اجي جنبه وادعس كامل واطوفه واخفف له وطوفه مره ثانيه
يعني عليك بال 4800vtc ما عليه كلاااااااااااام(12)
adel
30-05-2003, 04:20 PM
صراحة مشكووووووووووورين شباب على هالمعلومات الرائعة و المفيدة عن اهم سيارتين في فئتهما في السوق
التايه
30-05-2003, 06:03 PM
تسلمون شباب على المعلومات
وانا اقول ان الباترول احسن
وكلام اخوي نيسان صح
مافيه سياره ما تتفكك او تتكسر على حسب الاستخدام
وسلامتكم
ملك التحديات
01-06-2003, 11:50 PM
تسلمون يا شباب على تفاعلكم و ابداء آرائكم .
الفانـي
03-06-2003, 09:54 AM
اسمعني لاتطيع احد خذ لك ددسن 84 وتوكل على الله بس

تحياتي ... (3)
toyota
15-07-2003, 04:57 PM
الاند كروزر ما يتعلي عليه اي دفع رباعي اخر متانة وفخامة وتجهيزات وعملانية وعزم وايش تريد ثاني(10)
الاجودي
15-07-2003, 07:01 PM
اخوي toyota

اسمعني خل عواطفك على جنب وفكر بعقلك

انت شف قوة الاند وقوة الباترول بالحصان

قارن السعر قارن السعة

وانت تشوف ايهن احسن
الطاير
14-08-2003, 04:18 AM
يا حبيبي النيسان تقرقع لأنها راعية وناسه وطقطقه بعدين خذ نصيحتي وخذبنت عمك باترول مكينة وبدي وفي النهاية يعتمد على استخدامك وموديل 98و99و2000و2001 أفشل موديلات على الإطلاق .................................................. ....الله الله فيها
amd...1987
22-08-2003, 03:33 PM
هذا على حسب أستخدام الشخص
sars
22-08-2003, 11:30 PM
انصحك بالباترول ولاتبالي
صراحه الباترول ليومها ولا نهايتهاا احسن
شوف تاريخها اول وحكم من اول موديل نزل فيه وهوه محبوب عند الناس ومعروف صراحه .........
والكل يعرف عنه.
بس ادا تقول ليش وجود الاند كروزر اكثر.
لان دولا الي عندهم فلوس واجد يعني هوه صاحب عيله يشتريه لالن يحس افخم له والى عيلته.
مااقول شي ان عن الاند كروزر صدق صراحه هوه قوي وفخم بس الباترول عندجي احسن
حيث ان 2003 نزلوه صراحه بمميزات مدهله الحقيقه.
وسمح لي .
تحياتي:
سارز.
الكرولا الذهبي
11-04-2006, 06:42 PM
اللند كروزر 4 كامات والنيسان 2
اللند 5 غيارات اوتو والنيسان 4
التويوتا يتحم الكراف اكثر من النيسان والكل يعرف هذا الشي ونحن مجربين
مواصفات اللند احلى مثلا بلوتوث حساسات كاميرا هيدروليك ثمانية سلندر
وصرفيه في البترول اقل وهذه راي
حـاتـم
13-04-2006, 08:16 AM
أخوي الغالي

انا مجرب الباترول والاندكروزر

لكن ارتحت فالباترول وفعلا كلام أخوي كريزي درايفر 100% الاند سواقته متعبه

وتحس انك انت الي تسحب الموتر

الباترول انا جربت ال4500 مو الفتك ومجنون فيه فكيف 4800 انا صحيح عندي قرقعه فالسقف علشان الفتحه مع الوقت والدخلو للنفود بدون تنسيم بدأت تقرقع

اما غير ها مافيه اي قرقعه

والباترول يقرقرع من جوا السياره وتربيط وخلاص اما الاند

المقصوره ولاصوت والبلاوي جوا البدي والدليل

ان واحد من ورشه تربيط سيارات معروفه يقول لي ان الاند يتفكك من جوا المبات

والرفارف تتكسر مع المطامر فالبر ( على كلامه )

وبصراحه انا راعي بر 24/24 وآخذ باترول اما الي يطلع البر مره فالسنه

فأنصحه بالاند لانه موتر تمشيه وديره اما بر الباترول هو ملك البر وخاصه النفود

واذا على البنزين كلها واحد لفرق بسيط جدا جدا

انا موتري يمشيني حدود ال600 فالديره وبعد الفرارات يمسيني حدود ال700 كيلو لتانكيين

مع العلم اني اعبيه بـ100 ريال واذا انهبل عبيته بـ107

وشكرا


والله يوفقك فيما تشتري

أخوك / حاتم