آه يا زمن

[Safari4x4ksa]

شباب .... السلام عليكم ... من زمان ما خشيت الموقع ... وشكله تغير وايد.... التغيير اكويس.

عموما . سيارتي سوبر سفاري 2001 وعندي فيها مشكله .. وهي عندما اوقف مثلا عند اشاره وبعدين امشي وانا صاغظ على دواسة البنزين على شان اسابق الريج ... اسمع صوت داحل الكبوت المكينه مثل ( كلك كلك كلك كلك ) وبعد ما تستمر السياره في المشي يروح الصوت مع العلم انا السياره معمول لها صيانة 60 الف في القطيف.. والكشلة الثابية ... احس ان قومة السياره ثقيله.....

ارجو من الشباب والمشرف ( على طاري المشرف منهو هالحين المشرف) عادل ولا غيره عموما كلكم فيكم الخير

ودمتم سالمين
اخوكم سفاري 4*4

[###أحمدي###]

هلا بيك اخوي Safari4x4ksa

وبالنسبة لمشكلتك انت اتحس

الصوت يطلع من cam shaft

لو من crance shaft .

[Safari4x4ksa]

اخوي احمدي... الله يعطيك العافيه

الصوت اللي اسمعه كانه شغله كهربائيه يمكن في هذا اللي والله نسيت اسمه... هذا اللي توصل اليه وايرات البواجي وفيه واير في الوسط...... يمكن يسموه الديلكو ...احسه كده والله اعلم

تحياتي

[###أحمدي###]

المشكله حلها سهل

عندك البوينت (point )

اللي موجود داخل الديلكو

يبغي لية تبديل ترى سعرة مو غالي

وما يكلف وامرة سهل .

[Safari4x4ksa]

اخوي احمدي... عيني عليك بارده ... والله سريع بالرد...

انت تعتقد السالفه هي الديلكو .. تشور علي اروح الصيانه في القطيف واقول لهم...

تصدق عاد من اسبوع ولعت اللمبات اللي في الطبلون والمكيف صار ضعيف وكل الكهرباء... رحت الوكاله بالقطيف قال لي المهندس .. ولد شاب سعودي والله فنان.. شال اصبع البتري وطفت السياره وقال عندك دينموت الجارج ما تعبي... عموما سعرها وايد غالي ب 2000 ريال ولا حبيت اغيرها وديتها بره عند باكستاني فكها ورحعها لاني ما لقيت رخيص ورجعت الكهرباء قويه... با شوف الحين بعد ما اشغل السياره وبفصل البتري هل اصطلحت تلقائيا او يبي لها تبديل...

هذا طبعا مشكله ثانيه... واريد نصيحتكم

عفوا عندي ملف حتى لو ضغطه تقول الرساله الملف حجمه كبيره وهو عباره عن صوره.... كيف اصغر الملف؟


اخوكم سفاري

[###أحمدي###]

هلا بيك Safari4x4ksa

ادا تسمع الصوت يعني من الديلكو

ياما اتغير البوينت او تعطية ميكانيك يفهم

علشان يضبط الديلكو ويعدل وضعيتة .

اما عن دينمو الجارج عقب ما شال الصبعة وطفت

السيارة معناتها ان الدينمو ما تعبي كهرباء للسيارة

وما عليك من الدينمو ترى تتصلح وتصليحها سهل طبعا

الا ادا ما احترق الملفاف مال الاسلاك اللي داخل و

وانشاء الله ما فيها شي ويرجع السفاري الى صحتة

وقوتة ويسابق الريح .

[Safari4x4ksa]

اخوي احمدي .. الله يعطيك العافيه

ما رديت على سؤالي... اشلون اصغر ملف صوره علشان ارفقه كتوقيع او تمييز الى اسمي لان الصوره اللي عندي حجمها كبير




ثانيا... ابشرك .. فصلت وايرات البطاريه وما زالت السياره شغاله... يعني ان الدينمو الجارج اوكي اصلحت

تحياتي

[###أحمدي###]

هلا بيك اخوي Safari4x4ksa

ومسامحة على التاخير في الرد

وبالنسبة لسؤالك للاسف انا مااعرف

اشلون اصغر وادا احد من الشباب يعرف

لا يبخل علينا بالرد .

[عاشق باثفندر]

تسلم اخوي احمدي (20)