عندك باثفيندر وغيرت له بواجي ...؟؟ ساعدني رجاء

[turkiq]

يا اخوان انا عندي بواجي الباث ابغى اغيرها خمسة منها سهله
يمكن لأي انسان يغيرها لكن السادس الله لا يوريكم مخشوش في
مكان ما يوصلة الجني الأزرق حتى بعض الكهرباءيين لما شافوه نصحوني
اروح الوكالة اغيره......
المشكلة اني اعيش في مكان بعيد عن الوكالة 240 كلم
دلوني رجاء كيف اغيره....؟؟؟

ثم للي غير فلتر البنزين قبل كذا وين مكانه بالظبط...؟؟؟؟



وشاكر لكم تعاونكم مقدما







تركي

[rashed]

السلام عليكم
اول شي الله يعينك على تغيير البواجي لانه لازم تروح الوكاله
السبب انه لازم يفكون براغي الثلاجه ويرفعونها عشان يبدلون البوجي السادس


وثاني شي بالنسبه لفلتر البنزين مكانه تحت السياره بين التاير السبير والبككس الخلفي

اتمنى اكون ساعدتك
وسلامتك

[black scorpion]

بصراحة البواجي 5 منها سهل تغييرها
السادس انا الحمدلله عرفت كيف اوصل له بس بعد عناااا ءشديد تقدر تغيره والطريقه كالتالي:
انا احط وجهه السيارة على الدرج حق بيتنا الين السيارة شوية وتطلع الدرج
اخليها تبرد تمام وفيه الحديدة اللي تجي ورا المكينه وهي شبه حاده المهم تلاقي مفتوح فيها زي القوس تقدر تدخل يدك فيها
الاداة اللي تستعملها مفتاح اتوماتيك بس اللي تقدر تغير زوايا الرأس لانك رح تدخل المفك بطريقه مايله للبوجي السادس.
ارجو انها وضحت الفكره

[black scorpion]

طبعاً انت تكون عالدرج فمستوى السيارة بيكون تحتك
يعني بتنزل عالبوجي السادس على طوووول
(انا مرة غيرت الخمسة والسادس ما قدرت(22) جبت ميكانيكي عالبيت غيره )(14)

[turkiq]

عزيزي اشكرك ولكن صراحه مافهمت وضعية السيارة
هل تعني انك ترفع السيارة على الدرج وتجي انت تحتها لكن بالطريقة هذي كيف تفك البوجي علما ان اتجاهه للاعلى مهو للاسفل
اما من فوق فمستحيل انك تشوف البوجي بعينك لان غطا المحرك بيضيق عليك صح????

ارجوا التوضيح اكثر واشكرلكلاتجاوبك


تركي

[N966P]

شف عزيزي

مفتاح البواجي لازم يكون مرن يعني فيه قابليه للثني

والوضعيه انك تخلي الموتر وهو بار حدّه

حط فرشه عالمكينه واركب فوقها ( هذا العامل اللي بالوكاله سوا هذه الوضعيه )

وخلك ماسك سلك البوجي لين تصيده بعدين افصل السلك وذلك بسحبه ثم دخل مفتاح البوجي ولازم يكون طويل

لانه محطوط بقلعه ودرين وزي ماقتلك المفتاح يكون قابل للميلان ( يتوجه لعة زوايا

وانا المهندس اللي في الوكاله قاللي هذه حركه عشان تجون عندنا

وتغييرهم في الوكاه بس شغل اليد 100 والبواجي بـ 50

الله يعينك حاول تستعسن بميكانيكي

[black scorpion]

انا قصدي انك تخللي السيارة قدام الدرج الين الصدام قريب يحك في الدرج ويصير مستوى السيارة وانت فوق الدرج اقل منك ويصير تزل وتتبع سلك البوجي السادس الين ما توصل له بس انتبه لان اليد احتمال كبيير تتجرح بسبب في حديده حاده تخبط ظهر الكف. ارجو ان الفكرة تكون وضحت (1)

[turkiq]

اشكرك N966p
على الرد والظاهر ان الوكالة عندها مفتاح خاص




اخوي العقرب الاسود اشكرك جدا واعتقد كلامك دقيق جدا ومن شخص مجرب والدليل..........(اللولو...) امزح معاك



الدليل ان يدي صارت كلها جروح بعد المحاولات
ولكن يقول المثل اعطي الخبز لخبازه ولو اكل نصه والله يعينا نروح الوكالة




تركي

[black scorpion]

انا ان شاء الله بنظف بخاخات سيارتي واخليها كم يوم وبعدين باغير البواجي بنفسي في البيت باذن الله .