مشكلتي مع مكيف الماكسيما

[ابو نجود]

السلام عليكم
ياخوان عندي ماكسيما اخوي موديل 2000 مكيفها الكتروني وهي احسن فئه قير عايدي مكيفها فيه مشكلتين عقدتنا ونفكر نبيعها بسبب هالمشكه اول شي مستوى الدفع للفتحات الاماميه ضعيف مره وتحط ع 4 كنك حاط على 1 في اي سياره ثانيه واذا حطيته على القدمين اكرمكم الله قوى مره ولا فوق قوي بس مع الواجهه ضعيف مرررررررررررررررررررره ولايطلع الا شي بسيط واغلب الوقت مشغله ع القدمين عشان يطلع الهواء كله وش السبب منه والله حيرتنا وديتها لكم ميكانيكي يقولي الفلتر تنظيف وهي مافيها فلتر تحت الدرج . وش السوات

المشكله الثانيه
اصير مسكر الهوايه ويدخل على الهواء من برا لدرجه اكون واقف عند اشاره كل شكامين السيارات تدخل علي طفشتني وسواء سكرت الهوايه ولافتحتها الهواء يدخل يدخل ومشكله الهوايه بسيطه مقارنه لمستوى دفع الهواء وش الحل فيها

المشكله الثالثه
حتى وانا مسكر المكيف الهواء الخارجي سواء فاتح هوايه ولا مسكرها يدخل علي وروايح سيارات وحوسه طفشتني مره

وش حلها هذي ومشكلتي قد مرت على احد فيكم او لا ابي حل لها باسرع وقت

[روح رياضية]

الله يعينك والله ماعندي علم وان شاء الله الشباب يفيدونك وبتلقالها حل ان شاء الله

[ابو نجود]

وووينكم لو سمحتو افزعو لي

[نواف5]

هلا ابو نجود ...الله حيوه
هذا يا صديقي بوابات المكيف اللي تحت الطبلون فيها تسكير أو منكسر واحد منهم وعندك حلين
الأول انك تشوف كهربائي مكيف شاطر وخله يفكلك المسجل والحوسه اللي حواليه (الديكورات) وشيك عليه ويشوف وش المشكلة.
الثاني انك تفكه بنفسك واذا لقيت بوابة منكسرة او ثابتة (ما تتحرك) تروح للتشليح وطق لك وحده نظيفة وركبها وانتهت المشكلة....
تحياتي لك وخبرنا وش يصيرمعك من أجل تبادل الخبرات...

[Q45]

مكيف الماكسيما اذا كان في افضل حالاته من افضل المكيفات في الكفاءة و التبريد

يبي لك واحد شاطر و فاهم بالسيارات و صدقني راح يحل مشكلتك

اذا تبي رقم واحد يحل لك مشكلتك ابشر

[ابو نجود]

هلا ابو نجود ...الله حيوه
هذا يا صديقي بوابات المكيف اللي تحت الطبلون فيها تسكير أو منكسر واحد منهم وعندك حلين
الأول انك تشوف كهربائي مكيف شاطر وخله يفكلك المسجل والحوسه اللي حواليه (الديكورات) وشيك عليه ويشوف وش المشكلة.
الثاني انك تفكه بنفسك واذا لقيت بوابة منكسرة او ثابتة (ما تتحرك) تروح للتشليح وطق لك وحده نظيفة وركبها وانتهت المشكلة....
تحياتي لك وخبرنا وش يصيرمعك من أجل تبادل الخبرات...

الله يبقيك
طيب انت متاكد انهم ورا المسجل واقدر اشوفهم لان واحد يقولي بيقلع الطبلون كامل وخفت
وانا منيب فاضي اصلحهم ماقدر اشمعهم بشطرطون ولااسدهم بكرتون او شي ؟ لاني ماحتاج الهوايه ابد ولا لها لزمه عندي

ومشكله دفع الهواء هي الي تاعبتني اكثر شي تتوقع لها علاقه بمشكله الهوايه لان الدفع قوي من كل الاتجاهات الا مع الامام ضعيف مره ويطفش مايبخ هواء بس ولو نزلته على القدمين يصير قوى حيل او فوق الا مع الامام خربان يدفع هواء ضعيف جدا وصوت قوي ع الفاضي

[المكس الضبابي]

مشكلتك يعني مو من المروحه ... من فتحات التهويه .. 100 % مسكره مع تشغيل المكيف

عندي لك حل جربه .. خلي الهوايه مفتوحه للفتحات الاماميه وشغل المروحه فقط بدون مكيف

شوف الدفع كيف ؟

ومع تشغيل المكيف كيف ؟

طبعا والهوايه مفتوحه يعني ليت الهوايه طافي

[ابو نجود]

مشكلتك يعني مو من المروحه ... من فتحات التهويه .. 100 % مسكره مع تشغيل المكيف

عندي لك حل جربه .. خلي الهوايه مفتوحه للفتحات الاماميه وشغل المروحه فقط بدون مكيف

شوف الدفع كيف ؟

ومع تشغيل المكيف كيف ؟

طبعا والهوايه مفتوحه يعني ليت الهوايه طافي
ان شاء ياولد سدير ابشر فديت اهل سدير السنافيه
طيب واذا طلع الدفع زي مستوى الدفع وانا مشغل المكيف ؟ وشتطلع منه المشكله
لانه مع القدمين قوي ومع فوق قوي بس عيبه مع الفتحات القداميه مايبخ الا شي ضعيف مره
والهوايه مايفيد فيها افتحها ولا اسكرها ومدريت الا انها خربانه الا من ايام الشتاء اسكرها ماتتسكر ويدخل علي البراد وصرت احطها على الحار ادفالي لانها فاتحه وقبل كم يوم واقف عند اشاره وقدامي اسوزو ديزل كتمني كتمه بن الحرام بغيت افطس بمحلي

[ramzy21]

انا اتوقع والله اعلم هي فتحات التحويل عندك لا تطبق كامله ويصير تهريب فعند تحويلك لأماميه يندفع قوي لأنها تنطبق تماما واذا حولته على العادي يبقى فراغ مابين الفتحه والبوباه مشان هكذا بيصير الدفع ضعيف واغلب هذه الحالات بسبب دخول الأتربه من الفتحات لما تكون مفتوحه التهويه الخارجيه وكل الي بتحتاجه ان تفك الديكور والله يعينك وتزيت البوابات مع رشها بمنضف الصدء مثل wd 40 او اي منتج جيد وان شاء الله بتضبط وفيك تجرب انها تغلق تماما اولا قبل ان تعيد تركيب الديكور او يمكن تكون عندك اهواز التكييف الي خاصه بلأمامي منفصله وهذا احتمال ضعيف واتوقع الاحتمال الاول

[30GV-1]

بالنسبة للدفع الهوا غالبا يصير ضعيف اذا ثلجت تلاجة المكيف لكن انت تقول انه قوي من عند الرجلين اجل يبيلك تشيك على مجرى الهوا لايكون فيه قطعه طاحت منت داري عنها وسدت المخارج

اما موضوع الهواية هي اكترونية ... يعني شغلة فيوز اذا ما خاب ظني تلقاها احترقت شيك عليها وان شاء الله تظبط معك

والله اعلم

[ابو نجود]

لا وزاد الطين بله اسمع صوت بالمكينه يوم اشغل المكيف وانا جاي من الدوام لاحظته اليوم
واذا طفيت المكيف ماعاد سمعته
والصوت كنه صوت طاحونه خفيف يطلع لمايصير المكيف شغال واذا دعست زاد
واذا طفيت المكيف راح الصوت
شكله من البكره رمان الله اعلم والله جنان هالمكيف وبدا شغل البهذله
تتوقعون رمان خرب حق البكره وكم يكلف تصليحه وطريقه تصليحه كيف لازم فك كمبرسر وتفريغ غاز ورمانه بكم ادري ازعجتكم شباب بس تحملوني

[30GV-1]

الصوت اللي مع تشغيلة المكيف شكله من السيور بدت في العد التنازلي لانه المكيف يزيد من الضغط على السيور اما الكمبريسور انا ماعمري سمعت ان له رمان .... والله اعلم

ويمكن صوت رمان الدينمو وتجيك اثنين والواحد ب 35 ريال اذا ما خاب ظني ناسي والله بس حول هالسعر وتغييرها ما ياخذ وقت ..... نص ساعة الى 45 دقيقة

ولا تهوجس سيارتك مافيها الا الخير

[ابومهدي]

السلام عليكم
اخواني انا عندي ماكسيما 2000 فل اتوماتيك وعندي مشكله اول ما اشغل السيارة اسمع صوت كانه صوت السيور بس ياخذ كم ثانية ويروح واحيانا مع المكيف يطلع الصوت ممكن يكون من السيور؟
وسؤالي الثاني وين يكون فلتر المكيف موجود دورت عليه في الدرج مالقيته ولا حتى له مكان
وهل بلأمكان اني استخدم بنزين 91 الأخضر هل يكون له ضرر في المكينه وشكرا

[ramzy21]

السلام عليكم
اخواني انا عندي ماكسيما 2000 فل اتوماتيك وعندي مشكله اول ما اشغل السيارة اسمع صوت كانه صوت السيور بس ياخذ كم ثانية ويروح واحيانا مع المكيف يطلع الصوت ممكن يكون من السيور؟
وسؤالي الثاني وين يكون فلتر المكيف موجود دورت عليه في الدرج مالقيته ولا حتى له مكان
وهل بلأمكان اني استخدم بنزين 91 الأخضر هل يكون له ضرر في المكينه وشكرا


********************************************
ممكن يكون السيور صارت تعبانه يبي لك تبدلها فيك تعرف بالنظر لها فقط اذا شفتها متشققه او الاسنان متكسره بدلهم

واما بالنسبه للفلتر بتشوف خلف الدرج الي بالطبلون بس لابد من ان تفك الدرج مشان تشوفه
:secret_smile: