الفزعــة : مكسيما 2002 ماادري وش خرابها بوصف لكم واعطوني الحل

[غير الناس]

السلام عليكم


بالاختصار:


مكسيما 2002
اوتوماتيك
غيرت مكينتها والرديتر ... لانهم اختربوا ولما جيت باطلعا من الورشه غيرت فحمات السلف

وبعد ذلك
كانت تشتغل من سلف واحد بسرعه ما شاء الله عليها وكانها جديده

والحمد لله مشيها تمام .. لا تفتفه ولا تقطيع ولا اي شي وعزمها حلو جدا

اطفيها واشغلها بدون لا ريس ولا بنزين ولا اي شي

وبنفس اليوم اللي طلعتها من الورشه مشيت عليها 150 كيلو وطفيتها
بعدها بـ 1 ساعه جيت اشغلها

السلف صوته طبيعي لكن المكينه ما تشتغل حاولت كثير

فتحت الكبوت شيكت ع المويه + الزيت كل شي سليم البطاريه سليمه ...!!!

ومع كثر المحاولات اشتغلت ولكن يطلع منها دخان اسود

الحركه هذي تكرر معاي كثير وبعض الاحيان اشغلها واطفيها بنفس الوقت وتشتغل بس اظاهر اني اذا طولت عليها اكثر من 15 دقيقه وجيت اشغلها ترجع الحركه

المهم اني ما اعرف وش قصتها

قلت يمكن حرارة ... لكن حتى وانا بشغلها بعد ما اوقفها 12 ساعه تسوي هالحركه وبعض الاحيان من ثاني سلف او تجلس نص ساعه احاول فيها والله ما ابالغ

غيرت بواجي + كويلات كل شي سليم ...

قالوا لي منظم البخاخ طبعا ما غيرته لانه اخترب علي من قبل واعرف خرابه ما يسوي كذا ابدا ولو اخترب افصل فيشته وتشتغل السيارة ...

اعطوني حل انتوا قدها وان شاء الله القاء عندكم حل باسرع وقت

[نواف5]

اتوقع بالترتيب حسب القيمة
1-صفاية البنزين اللي موجودة عند المحرك ((100ريال تقريباً))
2-منظم الهوا (حساس الهوا) اللي موجود بالفلتر ((300ريال تقريباً))
3-طلمبة البنزين(fule pump) وهذي تكون موجودة بخزان الوقود(تحت المراتب الخلفية) ((غالية حوالي ألف ريال))
وإن شاء الله تكون مشكلتك بسيطة وسهلة...

[مكس جدة]

انا كلامي نفس كلام اخوي نواف5

بس
انا متاكد انة مو حساس الهواء لانة لو كان حساس الهواء مايمديك تشغلها والفيشة مركبة وتشغل وتطفي علي طول

[نواف5]

انا متاكد انة مو حساس الهواء لانة لو كان حساس الهواء مايمديك تشغلها والفيشة مركبة وتشغل وتطفي علي طول

اتوقع خوي مكس جدة انه مو شرط انها ما تشتغل اذا كان حساس الهوا مخترب ....لأنها ممكن تشتغل بس تتأخر ويطلع دخان أسود وأنا مرة صارت معي بهذا الشكل وغيرت حسس الهوا وفلتر الهوا واشتغلت فوراً ......

[مكس جدة]

ممكن اخوي بس انا كنت اقول الي صار معي وبصراحة الحساس حق الهواء هذا عيب من عيوب المكس

[يوسف 20]

وعليكم السلام ورحمة الله وبركاته

اخوي / هل انت تغير فلتر البزين اللي تحت المقاعد الخلفية [ موديلات 2000 يتخلف عن 99 وتحت ]
لانه مهم تغيره كل 50 الف تقريبا

اذكر اخرة مرة غيرته كان داخل الفلتر تراب لون مع البنزين زي القهوة التركية من كثر التراب :(

واذا عندك العطل بطرمبة البنزين الله يعينك على 500+ ريال

ان شاء الله ماتشوف شر بسيارتك

[غير الناس]

اتوقع بالترتيب حسب القيمة
1-صفاية البنزين اللي موجودة عند المحرك ((100ريال تقريباً))
2-منظم الهوا (حساس الهوا) اللي موجود بالفلتر ((300ريال تقريباً))
3-طلمبة البنزين(fule pump) وهذي تكون موجودة بخزان الوقود(تحت المراتب الخلفية) ((غالية حوالي ألف ريال))
وإن شاء الله تكون مشكلتك بسيطة وسهلة...

اشكرك اخ نواف

بالنسبه للحساس ... هم قالوا لي الحساس وانت عارف فيها حساسات كثير لكن لما علموني بالضبط الحساس القصود اللي هو خلف فلتر الهواء عرفت انه مش هو لانه اخترب علي قبل كذا واعرف علته .. ما يسوي هالحركات البايخه لو اخترب

شكر لك على المعلومات

[غير الناس]

انا كلامي نفس كلام اخوي نواف5

بس
انا متاكد انة مو حساس الهواء لانة لو كان حساس الهواء مايمديك تشغلها والفيشة مركبة وتشغل وتطفي علي طول


كلامك صحيح 100% صارت معي قبل كذا بس انا لما شرحوا لي المشكله وقالوا لي انه الحساس او المنظم على كلامهم توقعته شي ثاني غيره

[غير الناس]

اتوقع خوي مكس جدة انه مو شرط انها ما تشتغل اذا كان حساس الهوا مخترب ....لأنها ممكن تشتغل بس تتأخر ويطلع دخان أسود وأنا مرة صارت معي بهذا الشكل وغيرت حسس الهوا وفلتر الهوا واشتغلت فوراً ......


والله ما ادري بالضبط بس فعلا يطلع دخان اسود لكن لما تشتغل السيارة تكون على احسن ما يرام
لا تقطيع
ولا صوت

ولا كأن فيها شي بس بالبداية دخان اسود


يعني مدري وش علتها

[غير الناس]

وعليكم السلام ورحمة الله وبركاته

اخوي / هل انت تغير فلتر البزين اللي تحت المقاعد الخلفية [ موديلات 2000 يتخلف عن 99 وتحت ]
لانه مهم تغيره كل 50 الف تقريبا

اذكر اخرة مرة غيرته كان داخل الفلتر تراب لون مع البنزين زي القهوة التركية من كثر التراب :(

واذا عندك العطل بطرمبة البنزين الله يعينك على 500+ ريال

ان شاء الله ماتشوف شر بسيارتك


انا ولا عمري غيرت فلتر البنزين او طرمبة البنزين

كل اللي اعرفه طربمه البنزين تحت الفرش بالخلف وشفته قبل كذا لما اخترب علي الحساس اول مرة كنا شاكين الخراب منه بس طلع من الحساس

بالنسبه لفلتر البنزين وش قصته يعني ممكن يسوي كذا


بس عندي استفسار محير يعني لو كانت طرمبه البنزين او فلتر البنزين

لو كان احد منهم خربان
هذا يعني ان السيارة ما راح يكون مشيها صافي وراح تقطع بالمشي .. صح ولا انا غلطان لولا مهو شرط ؟؟؟

لان السيارة بعض الاحيان تشتغل بسرعه وبعض الاحيان تطلع روح الواحد حتى تشتغل واذا اشتغلت ولا كان فيها شي:nothing:

[Q45]

تصحيح

طرمبة البنزين سعرها حوالي الـ 300 ريال ، توني مغيرها من كم يوم

[غير الناس]

تصحيح

طرمبة البنزين سعرها حوالي الـ 300 ريال ، توني مغيرها من كم يوم



اشكرك على التصحيح


من وين شاريها شسم المحل والمنطقة


القطعة اصليه او لا؟؟

وممكن تقول لي وش الخلل اللي كان عندك وتصرفات الخلل واثارة ؟



شاكر لمشاركتك

[Q45]

انا يالغالي من الرياض ، و بالنسبة للمحل انا ما اذكر اسمه حاليا لانه مكتوب بالفاتورة و الفاتورة مو عندي الحين

كنت ماشي بالسيارة في الشارع و فجأة طفت علي ، وقفت على جنب و شغلتها و اشتغلت و مشيت فيها 10 دقايق و رجعت طفت ، شغلتها و اشتغلت و مشيت فيها اقل من دقيقة و طفت بالمرة ، صرت كل ما اشغلها تطفى على طول

ان شاء الله ان القطعة أصلية ، انا وصيت واحد عليها و جابها لي و قالي انها اصلية

اذا كانت السيارة من تشغلها تطفى عليك معناته ان البنزين ما يوصل صح

[غير الناس]

لا والله السيارة حالتها تختلف عنك


انا ما تشتغل الا بالصدفة واذا اشتغلت تكون عاديه جدا ولا كانه فيها شي والبنزين يوصل تمام مافيها تقطيع ولا تطفي بروحها

[ابسعودو]

انا اذكر قبل سنتين غيرت طرمبة مكسيما لواحد من اخواني 2001 الياباني 370 والأصلي 500 ريال
المشكلة طفت عند ايشارة
شف اذا عيت تشتغل فك المرتبة الي ورا وحاول تطقطق الطرمبة بخشبة بشويش مهوب تطقها بحديدة يصير عندك شرارة ثم تحترق انت وموترك نتبة اذا اشتغلت غير طرمبة
انا حاس ان عندك لي هوا او سلك مع تركيب المكينة مقلوب او مفصول شف اي احد معة مكسيماوتابع لياتها واسلااكها واحد واحد
بالنسبة للسلف انت متأكد منة

[glorea110]

السلام عليكم

اخي

اول شي اتاكد من طرمبة البنزين

الاحتمال الكبير ان تكون هذا المشكله

وشكرااااااااااااا

[عين(على شنو)!!؟]

السلام عليكم ورحمة الله وبركاته
عني مشكلة ياجماعة سيارتي اذتني كل يوم خربانه اما الحين طفت فجأه طفت من غير سبب او سابق انذار عند اشارة المرور . مع العلم اني مركب مكينه مع رديتر وسلف بتاريخ 9/1/2010 . السيارة مكسيما 2002 اريد حلا ملييييييييييييت خرابات.

[maxima2004gv]

أنا ما أتوقع حساس الهواء

بس يا حبيبي شيك على البوبينات و الفيوزات و رد لنا خبر

[maxima2004gv]

السلام عليكم ورحمة الله وبركاته
عني مشكلة ياجماعة سيارتي اذتني كل يوم خربانه اما الحين طفت فجأه طفت من غير سبب او سابق انذار عند اشارة المرور . مع العلم اني مركب مكينه مع رديتر وسلف بتاريخ 9/1/2010 . السيارة مكسيما 2002 اريد حلا ملييييييييييييت خرابات.
شيك على البوبينات و الفيوزات

و يا ريت شرح مفصل عشان نفيدك
و إذا شغلتها كيف يكون صوتها و و و ......؟

[محمد عاطي المحلبدي]

السلام عليكم ورحمة الله وبركاته
سلامات والله بس ابغى اسئلك هل فيها تفتفه / وهل عند التشغيل يخرج دخان اسود
هاذي ممكن تكون البخخات تطلع ني ويتكون كربون على البواجي مما يودي الى صعوبت التشغيل
وركب بواجي الاصلي وجرب وغير فلتر الهواء

[أبـوعـابـد]

طيب اخوي مافكرت توديها فحص كمبيوتر وان شاء الله تنحل المشكله .... وان شاء الله اخر المشاكل ...


وبالتوفيق //

اخوك - ابوعابد

[خليلوووووه]

نفس مشكلتي اعاني منها لي شهر معي مكسيما 2000
السياره تطفي فجاه وبالعنا تشتغل خاصه لا طفت الظهر
رحت للورشه غيرت 3 حساسات ومنهن حساس الحراره وغيرت كويل وبواجي وحطيت منضف بخاخات مع البانزين
ولا تحسنت انت نفس مشكلتي بالضبط حتى سيارتي تطلع دخان اسود والمراوح دايم شابكه ع اخر سرعه
هبلت فيني هبال

[خليلوووووه]

يجيها اوقات تصير زي الحلاوه مافيها ولا مشكله