كل من يملك ماكسيما يدخللللللللللل

[ماكس_2001]

السلام عليكم , , ,

شباب أنا طلبت راعين الماكسيمات علشان أحتاج إجاباتهم

عندي شغلة بسيطة حبيت أستفسر عنها

الحين أنا في الجو هذا بدون مكيف أمشي بالسيارة الحرارة تكون فوق الربع بشرطتين

ولو دعست تنزل

ولكن لو وقفت ترتفع وتوصل لين النص وأحيانا فوق النص بشرطة ومن ثم تنزل طبيعي مع المراوح

هل هذا الشي طبيعي !!!

ويأثر على عمر المحرك

لأن في شباب قالوا لي فصل رديتر طبقتين

وتشوف الحرارة دايم تحت

وحبيت أعرف هل يعني مفيد الرديتر بوطبقتين !!

ووين أفصله لو في أحد منكم يدلني على محل بالدمام أو الخبر

وياليت كل واحد يقول تجربته للحرارة في هذا الجو ووين توصل معاهـ

والله يعطيكم الف عافية

[مكس جدة]

شوف اخوي بالنسبة للحرارة الحمد لله السيارة ماقصرت معاي بس مرة واحد وكان الجوي مررررررررررررررة حار لما تطلع يدك من الشباك وانت ماشي 80 تحس يدك بتولع
بالنسبة للحرارة :

انا عندي الرديتر اشوفة قسمين ورا بعض ونفس الحجم من الوكالة ماسويت فية حاجة.

لما ادعس تكون الحرارة عادية عند الربع.

لما اوقف في الحر مدة طويلة والسيارة شغالة ترتفع قبل النص بشوية.

علما ان السيارة 2005 30gv

[Ultra_Lights]

وعليكم السلام
أخوي مشكلتك بسيطه و سيارتك مافيها الا العافيه
أقول لا تفصل راديتر ولا هم يحزنون
( [هذا شي طبيعي ) السياره فيها اوتماتيك للمراوح اذا كانت واقفه والمكيف ماهو شغال أكيد المكينه راح تسخن لما توصل لدرجة حراره معينه تشوفها عندك في الطبلون وعلى حد علمي تكون على النص بعدها تشتغل المراوح لمدة 20 ثانيه ثم تطفي تقريبا.
أما ان الحراره ما ترتفع لما تشغل المكيف, هذا شي ثاني انت لما تشغل المكيف من المفروض ان المراوح راح تشتغل وهذا بطبيعته راح ينزل من حرارة المكينه لما تكون السياره واقفه
واذا تبي النصيحة لا تفصل راديتر لانه ما راح يكون أحسن من الوكاله والافضل للسياره ان الحراره تكون على الربع ما تكون طايحه تحت

وبالنسبه لك أخوي مكس جدة الطبقتين اللي تقول عنهم عندك الاول للمكيف والثاني للمكينه
طبعا اللي للمكيف مافيه ماء يكون فيه فريون للمكيف

[شاعر المكس]

شوف يالغالي ..

اي ملاحظه على حرارة الماكينه لا تهملها ..
بس سؤالي ..

هل قبل توقفك كنت تسير بسرعه عاليه جدا ؟؟
اذا كان جوابك نعم فهذا شي طبيعي
اذا جوبك (( لا )) يمكن تحتاج تنظيف و تسييخ الرديتر و التشييك على بلف الحراره و حساسات المراوح .. لعلمك ترى فيه بلفين للحراره

عن سيارتي اثناء التوقف ترتفع الى الثلث الأول و بعدها تشتغل المراوح و تنزل الحراره بس ما تتطلع الى النص الا في حالة السرعه فوق 160






وبالنسبه لك أخوي مكس جدة الطبقتين اللي تقول عنهم عندك الاول للمكيف والثاني للمكينه
طبعا اللي للمكيف مافيه ماء يكون فيه فريون للمكيف


مكس جده يقصد رديتر رصتين او طبتين عشان ياخذ مويه اكثر و تبريد اعلى .. بس مشكلة الرديتر التفصيل نفس المعدن يختلف عن الوكاله و بالتالي تبريد اقل ... لأنه ما يمتص الحراره بشكل كافي ..

[...مكس والهواء عكس...]

اول شى ا نه طبيعي ترتفع الحرارة اذا كانت السيارة واقفه او تمشي ببطء بدون ماتشغل المكيف لان المراوح ماتشتغل الا بعد النص او مع المكيف اما انك تمشي بسرعة وتنزل برضوا شيء طبيعي لان الهواء الخارجي يندفع الى داخل السيارة فيساعد على البرودة اما انك تفصل رديتر بو طبقتين كلام فاضي مع احترامي ...
وشكرا

ولـــــــــــــــــكـــــــــــــــم خـــــــــــــــالـــــــــــــــص تـــــحـــــيــــــــــا تــــــي...

[ماكس_2001]

مشكورين شباب
طيب اليوم وأنا طالع بالليل
يعني السيارة لها حووووول الـ 12 ساعة طافية
توني مشغلها رحت مشوار وماكنت داعس
مشوار يمكن مسافة 15 كيلو
وأنا بالمشي الحرارة كويسة
بس يوم وقفت وطبعاً بدون مكيف إرتفعت إلى فوق النص بشرطة ومن ثم نزلت تحت النص
يعني تتوقعون وش المشكلة !!
ليه قتلكم بركب رديتر بورصتين أو ثلاث
لأن كل أصحاب الماكسيما أو الأغلب بيشتكو من الحرارة
وفي ناس يقولون إحنا مغيرين مراوح وناس تقول مغيرين حساسات المراوح
وناس تقول مغيرين راديترات
وأكثر شي الاحظه إنهم يقولون مفصلين راديترات بوعينين أو ثلاث عيون
علشان كذا أنا حبيت أستشيركم بلأول
وقلت ممكن إنه ينفع
وخاصتاً إن إحنا بعد كم شهر راح يدخل علينا الصيف
والواحد ودهـ مايهمل المشاكل وبعدين يتوهق
وبصراحة أنا فقدت الماكينة من قبل وموضبها وكان السبب الحرارة
ومابي أفقدها من جديد
فـ شوررررررركم !!؟

[ماكس_2001]

نسيت أقولكم إن الراديتر اللي عليها تجاري شبه أصلي له تقريباً 4 شهور
وعندي راديتر قبل موجود بالبيت أصلي مركبه 7 شهور وفكيته لأنه مسدود والريش حقته مطعوجة أغلبها
يعني تتوقعون لو أصلحه أو أسيخه بالمعنى يتعدل أنا أخاف مايتعدل لأن الريش داخله على داخل مدري من أيش !! أو إني أتوكل وأفصل راديتر بـ عينين أو ثلاث عيون
بإنتظار ردودكم . .
ولا تحرموووني من إقتراحااااااااتكم

[المكس الضبابي]

مشكله ابو رصتين يا عزيزي انه نحاس مو المنيوم ... مايصلح لانه اذا احتر ما يبرد بسهوله مثل الالمنيوم

[فايز الشرقيه]

هلا اخوي ان شاء الله مافي الا كل خير
بس اذا انت ناوي تفصل رديتر روح صناعية القطيف واسال وراح يفيدونك
بس زي الشباب اقولك مايصلح تدري ليش تعرف مصنع السلامه للرديترات صناعية الدمام
رحت له اول وقال والله ياخوي مايصلح مع الصيف والله يبهذلك بس تبي نصيحتي حاول
تنظف الرديتر الاصلي وابي ادلك على محل بس ترى سعره غالي بس شغل مايحتاج
اسم المحل التسامح للرديترات الي شغال هناك مصري بس شغله محترم
انت روح ود له الرديتر الاصلي وخله ينظفه ويعدله لك اذا فيه طعجااات
ونفس الوقت شيك على طرمبة الموية يمكن ماتدفع او انه مجيمه وماتحرك المويه وعشان كذا يحتر الموتر
شوف انا اعرف واحد عنده مكس 2001 واربي كره الموتر من الحراره ركب رديتر اصلي ومانفع وغير بلوف ومانفع
اخر شي قالو له غير الطربمه المويه وغيرها والحين ماشاء الله على موتره مايعرف الحراره
واتمنى لك التوفيق وانا اخوووك وارجوا اني افدك /اخوك فايز

[مكس جدة]

السلام عليكم
اخويUltra_Lights كلام اخوي ماكس سبيد صحيح

[ماكس_2001]

الله يعطيكم العافية
ومشكورين ع الجهووود
وإن شاء الله راح أبلغكم بكل جديد أسويه

[ماكس_2001]

شبااااااااااب
خلوني أقولكم تجربتي بالمكيف وبدون . .

بلأول : مع المكيف
لما أكون ماشي على خط دايم تكون فوق الربع بشرطة وأحيان تنزل على الربع تماماً وحتى لو وقفت كذلك تبقى ثابتة يا فوق الربع أو على الربع

ثانياً : بدون مكيف
لما أكون ماشي تكون دايما فوق الربع بشرطة ولو وقفت ترتفع وتوصل إلى النص وأحيانا فوق النص بشرطة وبعدين تشتغل المراوح وتنزل

معلومات :-
- ( الراديتر اللي عليها جديد ولكن مو حق الوكالة )
- ( راديتر المكيف ماغيرته من شريت السيارة وأحس إن فيه أوساااااخ )

على علم بأن موديل السيارة 2001

[يوسف 20]

شبااااااااااب
خلوني أقولكم تجربتي بالمكيف وبدون . .

بلأول : مع المكيف
لما أكون ماشي على خط دايم تكون فوق الربع بشرطة وأحيان تنزل على الربع تماماً وحتى لو وقفت كذلك تبقى ثابتة يا فوق الربع أو على الربع

ثانياً : بدون مكيف
لما أكون ماشي تكون دايما فوق الربع بشرطة ولو وقفت ترتفع وتوصل إلى النص وأحيانا فوق النص بشرطة وبعدين تشتغل المراوح وتنزل

معلومات :-
- ( الراديتر اللي عليها جديد ولكن مو حق الوكالة )
- ( راديتر المكيف ماغيرته من شريت السيارة وأحس إن فيه أوساااااخ )

على علم بأن موديل السيارة 2001

اخوي هذا اللي يصير معي بالضبط بالماكسيما 2002

واشوفه طبيعي ( ولاتنسى تشييك على مويه الرديتر )



- ( راديتر المكيف ماغيرته من شريت السيارة وأحس إن فيه أوساااااخ )

اظن ماله دخل بحرارة السيارة

بالتوفيق

[ماكس_2001]

مشكور أخوي يوسف 20
بس في شباب أركب معاهم الاحظ إن الحرارة عندهم ثابتة ع الربع سواء بمكيف أو بدون
ولو إرتفعت ماتوصل للنص أبداً على عكس سيارتي بدون مكيف توصل لفوق النص بشرطة وبعدين تنزل

[المكس الضبابي]

بقولك على شغله .. اذا كنت تتمشى على سرعه ضعيفه ترتفع الحراره وتشتغل المراوح سواء كنت واقف او تمشي بسرعه خفيفه لكن لو مشيت لمسافه اكثر من 10 كيلو وبسرعه وحده راح تكون الحراره ثابته

بالنسبه مع تشغيل المكيف لازم الحراره تكون ثابته واقف او متحرك لان المراوح شغاله على طول ...

اذا كانت الحراره ترتفع مع المكيف والسياره واقفه معناها راديتر المكيف يحجب المراوح من سحب الهواء للتبريد

وتقدر تجيب فاين وتحطه لى راديتر المكيف والمكيف شغال تشوف قوة سحب المراوح قويه ولالا ..


بالنسبه للراديتر الى انت مركبه وش نوعه وسعره ؟ وهل هو المنيوم او نحاس

[Italian.Maxima]

مساء الخير..

طبيعي اخوي انها ترتفع شوي زياده لما توقف..والحراره الطبيعيه عندي فوق الربع بشي بسييط.. بالتوفيق

[ماكس_2001]

بقولك على شغله .. اذا كنت تتمشى على سرعه ضعيفه ترتفع الحراره وتشتغل المراوح سواء كنت واقف او تمشي بسرعه خفيفه لكن لو مشيت لمسافه اكثر من 10 كيلو وبسرعه وحده راح تكون الحراره ثابته

بالنسبه مع تشغيل المكيف لازم الحراره تكون ثابته واقف او متحرك لان المراوح شغاله على طول ...

اذا كانت الحراره ترتفع مع المكيف والسياره واقفه معناها راديتر المكيف يحجب المراوح من سحب الهواء للتبريد

وتقدر تجيب فاين وتحطه لى راديتر المكيف والمكيف شغال تشوف قوة سحب المراوح قويه ولالا ..


بالنسبه للراديتر الى انت مركبه وش نوعه وسعره ؟ وهل هو المنيوم او نحاس

هلا أخوي المكس الضبابي
ربي مايحرمني منك , ,
يالغلا الحرارة أمس وأنا راجع من خط الجبيل - الدمام
مع مكيف الاحظها كانت فوق الربع بشرطتين ثابتة
والراديتر اللي مركبه بصراحة والله مدري ركبته من قبل 5 شهور تقريباً
وكان تركيبه مؤقت لأني قبله ركبت الأصلي حق الوكالة وكانت ترتفع معااي حرارة وإكتشفت إن الراديتر مسدود
عاد مدري ودي أروح أسيخ الراديتر الأصلي الحين وأركبه بس المشكلة إن إغلب الريش اللي فيه مسدودهـ أو بالمعنى متفعصه فهل هذا يضر !!
وبعدين رديتر المكيف هذا لو بلقاهـ جديد كم سعرهـ وهل القى منه تجاري أو ينباع بالمحلات حقين الراديترات وإذا بنظفه هل أستطيع

[توأم روحي]

المشكله في المراوح احتمال كلتش المراوح فيها مشكله

مادام الحراره اول الربع شرطتين فالرديتر ماخذ كفايته بالتبريد

[ماكس_2001]

طيب أخوي ممكن أعرف كم سرعة لها المراوح بدون مكيف
على علم بأن المراوح تشتغل عندي من وصولها قبل النص بشرطة
بس في ناس قالولي إن المراوح تشتغل في الربع ع السرعة الأولى
ولو مانزلت تشتغل توماتيك ع السرعة الثانية فور وصولها للمنتصف هل هذا صحيح !!

[MAX'93]

ممكن سؤال من جدك انت منزل موضوع عن حرارة الماكسيما ما ادري عنك بس ما شا الله ما ودي احسد نفسي موديل موتري 93 والحرارة ماطلعت فوق الربع ابد ... اسمع انا وش مسوي مفصل رديتر المنيوم مو نحاس النحاس اقوى وارخص بس الالمنيوم اخف وافضل في التبريد اذا وقفت يعني في الزحمات وشي ثاني اذا مرة تأزمت حالتك مع الحرارة اشبك المراوح مع السلف يعني اول ما تدق سلف اسمع المراوح تشتغل ولا احد يلعب عليك يقول بعدين تخرب انا شابكها سنة كاملة المشكلة الوحيدة الرمانة حقت المراوح انتبه عليها وشاور لك ميكانيكي انا ما ودي تاخذ كلامي واذا جا موترك شي لا قدر الله تجي تلكمني خخخخخخخ انا اللي خلاني اسوي كذا ان موديل سيارتي قديم وبس وىسف على الاطالة...

[alyasser]

السلام عليكم
اخي ( ماكس 2001 ) مشكلتك بسيطة فقد واجهتني هذه المشكلة

1- ركب الراديتر الاصلي وتاكد من نظافته (سوله تسييخ )

2-تاكد ان المراوح شغاله (وانت واقف تقول ترتفع الحرارة الى النصف وفوق النصف افتح الكبوت وتاكد من ان المراوح شغال ودفعها قوي )

3-حط ماء الرديتر الاصلي سعره تقريبا 60 ريال +ماء مقطر ( عن تجربه )

اذا لم تتحسن الحرارة غير بلف الحرارة

وباذن الله سوف ترجع الحرارة زي ما كانت واحسن .

[ماكس_2001]

أول شي راح أسيخ الراديتر الأصلي وأركبه وأقولكم النتائج ..
الف شكر للجميع

[ماكسيما سيلفر]

انت مشكلتك في المرواح حق السيارة شيك عليها ممكن وحدة ما تشتغل او انها تشتغل وتفصل

[ماكس_2001]

شباب سؤال الله لايهينكم , ,
أنا راديتر المكيف عندي أحس إنه يحجب الهواء الداخل للماكينة
لأنه مطعج ومانظفته من طلعت السيارة . .
السؤال : الأصلي منه بـ 900 ريال ولكن في تجاري وسعرهـ بـ 250 ريال
هل ممكن أركب التجاري وهل تتوقعون راح يأثر لو ركبت راديتر مكيف تجاري
ملاحظة هامة / أتكلم عن رديتر المكيف الراديتر الأول وليس راديتر الماكينة