صدقوني أحتاجكم ياخبراء الماكسيمات لاتبخلون علي

[ماكس_2001]

السلام عليكم
أملك مكسيما وعندي الحرارة ترتفع وفي أجوائنا الحالية أي في درجة حرارة 25 في الصباح وأنا رايح الدوام
يعني وأنا ماسك الخط فجأة وصلت السرعة إلى 100 أشوف الأمبير ناقز فوق النص
ولو زدت السرعة يروح لفوق ماعندهـ مشكلة
لما أوقف جنب وأفتح الكبوت ألقى القربة ينغلي الموي داخلها وطالع دخان خفيف من جهتها وش أسوي ؟؟
أنا من أول كنت أشتكي من الحرارة من أيام الصيف
بس سويت كل شي يخص الحرارة ومافي فايدة
أهملتها وقلت الجو بيتغير وهي بتتعدل من نفسها
ولكن تعدل الجو والسيارة ماتعدلت
على علم إني كنت أطنشها وأمشي عليها وهي مرتفعة أحياناً
آخر شي توصلت له
إنو الروس فيها مشكلة
طيب الحين أنا مالي خبرة
في ناس قالوا يمكن قازقيت وناس قالوا يمكن روس
أنا الحين أبستشيركم أبغى أفتح الروس أو القازقيت كيف الطريقة ووين أوديها
وبكم تكلفني ولو طلعت المشكلة من القازقيت أو الروس وش أسوي ؟
وهل الروس تنخرط أو لا
تكفون أفيدوني

[ماكس_2001]

علشان توصلون لحل معاي
خلني أقولكم وش سويت
غيرت الراديتر ومركب أصلي
وغيرت البلف ومانفع قمت وشلته وصرت أمشي بدونه
غيرت طرمبة الماء
غيرت غطاء الراديتر
شيكت ع المراوح وطلعت تمام
وش باقي ماسويته !!!
قالوا لي شوف السنسر
طيب لو السنسر خربان هل بيقلب المكيف علي لما توصل فوق النص وبيخلي المآي يغلي ؟؟
لأني ماشكيت فيه لو إنه خربان راح يعطيني قراءة فقط ولكن مايقلب المكيف ويزيد المآي في الراديتر ولا؟

[مكس فضي 376]

اخــوي انا قد سـويت مسح روس ( خـرط) ..لآني مشيت فيها والحراره فوق النـص ..والرديتر انشعر

ومن بعدهـآ ومـشكلتي مـثلك ..يعني كل ماادعس تزود .. والقربه تمتلئ ...طنشتهآ وبديت مااسرع كـثير ..قلت بـ اصبر لمآ يتغير الجو وبشوف اذا بتضبط او لآ


والحـين لما برد الجو ولله الحمد ..كـل شي تمآم ..وانا آمـشي 200 الحرآرهـ تكون على الربع او فوق الربع بشي بسيط جداً <<اصلاً 200 حدهـآ :)


توقعآتي مـشكلتك الروس يآبعدي ...وان شاء الله يكون شي ثاني بسيط ..


ونـصيـحه اخــوي البلف لآتشيلـه !!

[maxspeed]

اخوي جيبها عندنا بالبحرين...

شغل اليد 100 دينار نفتح لك المكينه ونشوف ادا الروس متعوره نخرطهم وادا مو متعوره بس نبدل لك القازقيت وتستلم الموتر100%

هدا رقم اتصالي

059890940 رقم زين السعوديه

رقمي البحريني
0097339044727

ادا كنت من السعوديه اتصل على الرقم السعودي

تحياتي ايمن

[arabic]

اخوي جرب هالحل 80 ريال

اخوي روح ودها محل غسيل راديترات عند جهاز حق غسيل المكينة يشبك لي في الرديتر ولي من خرطوس الماي الخارج من المكينة ويضيف فلاش له او علب زيت بريك وراح تنظف المكينة يكرر هالعملية 7 مرات لين يصفى الماي وراح تشوف بغينك الصدى والاوساخ دي

انا مو من الرياض لكن انت اسال اخوي وراح تلقى نتيجة طيبه من هالعملية ولا الشرقية

[بو نوره]

غير قازقيت الهد (راس المكينه)وموضوعك خالص

ولاتهمل الهد عشان ما تخبط عليك المكينه

والمفروض ما تهمل المشكله

والمفروض تفحص اول شي ما تغير على كيفك

يعني غيرت الرديتر والطرمبه على الفاضي

..

[ددسني]

سلام
افتح راس الراديتر وخل صاحب الراديترات يصيخ الرديتر من فوق يفتح المسارات الداخليه لأن احيانا تكون المشكله منها ولاحد يدري عنها ألا واحد خبير عن المكسيمات وجرب ياقلبي والله يوفقك لأن قدصارت مره مع أخوي مكسيما 2004 قير عادي كانت ترتفع مابين النص وفوق النص بشوي ورحنا عند واحد وقلنى له المشكله الحاصله
وقلنا صيخو الرديتر زي ماقلتلك
وشكرا
دعواتك لنا وللجميع بالتوفيقok

[ماكس_2001]

عندي الروس أو القازقيت فيها مشكلة
المهم !!
أبغى أعرف أنا بدخلها ورشة الحين بكرا
وأبغى أعرف كم تكلفة شغل اليد . .
يعني بس الفك والتركيب حق الروس أو القازقيت
لأن شغل المكسيما قلق وأبغى أعرف بكم تقريباً شغل اليد
لأن مالي خبرة واللهـ
والسؤال الثاني كم تكلفة القازقيت ؟؟

[maxspeed]

هلا بالغالي.. القازقيت ماهو غالي.. انا اشتري قازقيتات المكينه كامله 350 ريال ..
بس نصيحتي لك كالأتي يالطيب..

انك تخليهم يشيلون المحرك بالخارج...
وبعدين يفكون الروس؟؟

بتقولي ليش؟؟ اقولك لإنه احتمال 50% من لبلوك و50% من الروس؟؟ طيب ادا فكو الروس والمكينه بره .. واتضح بأنه الروس صاحيه ولبلوك منه المشكله .. يكملوا عملهم ويشوفون حاله لبلوك يمكن محتاج Facing او ممكن الله لا يقوله مايتصلح ؟؟؟

ادا شلت المحرك بره ممكن تعمل له Full Overhul وكدا بترجع المحرك وكاله يعني كل الشغلات الضروريه الي محتاجه تبديل .. مثل Water Pump طرمبة الماي و Ring Pistonوطرمبة الماي يفضل انك تستبدلهم بما انك بتشيل المحرك بره وصدقني بالمستقبل بكون الفائده لك.. لو جيت وانت ماشلت المحرك بالخارج ولنفترض صلحت مشكله الهيدات .. بعد عندك طرمبه الماي اكيد من 2001 ماستبدلتها والكثير منا مايستبدلها وهي تسبب خرابات كثيره ومن ضمنها ارتفاع الحراره وبالتالي خساره الهيدات ..وسعر استبدالها ماهو رخيص لأنه بالعاده يحتاج الى شيلان المحرك بأعتبار بأنه سنين ماستبدلته فيصير مايطلع من مكانه الا بصعوبه بسبب ضيق المكان الموجود فيه وبسبب الصدى ..بإختصار شديد اقلع المحرك ..