ســــــــــــــــــؤال عن الزد 280

[MATREX]

السلام عليكم ورحمه الله وبركاته

شلونكم شخباركم انشالله الجميع بخير

انا عندى سؤال

بالنسبه 280zx انا رحت لكويت قبل كم يوم وشفت اسعار الزدات 280 بس اسعارهن لاتقل عن 1400 دينار النظيف واسعارهم غاليه شوى..

فيه واحد نصحنى اروح ام القطيف فمادرى كم تسوى الزادت عندهم وهل هى نظيفه

واتمنى اجابه منكم

[حـ zx ـبي]

السلام عليكم ورحمة الله وبركاته


اخوي بالنسبه لسؤالك يبغي ليك واحد من الكويت يجاوب عليه او من السعوديه وبالنسبه للسعار بالبحرين عن ال 280 تحصله 1200 دينار او اكثر واذا نظيف نظيف حده يزيد سعره


وبالنسبه للزد 300 (z31): تحصلهم على 700 دينار او 800 دينار بس اذا نظيف نظيف نظيف مايطوف عن ال 1000 الا اذا كان ملعوب فيه يعني مركب عليه سامان


وطبعا للزد ال 240 اغلى وفيه ناس عندهم وتطلب فيهم اسعار خيالية


تحياتي لك

[LONDANY]

من ناحيه الكويت

اقوللك ان الزد لاجتك نظيفه ومكينتها ممتازه فتجيك سعرها غالي من 1800 وفوق

بس اذا جتك ملعون خيرها تاخذها بسعر رخيص 500 وفوق


وتحياتي

[سعودي]

بالنسبه لزدات بالسعوديه

اعتقد نفس الأسعار

وتعتمد على نظافة السياره

[Dr.ZX280]

حبيبي لو تروح وين بالخليج أو تسأل عن أحلى الزدات ............راح يقولون لك زدات البحرين يعيوني..........من ناحيه النضافه والإهتمام ............أما إذا سألت عن الأسعار فهي ئء280 تحصله على 1800 وفوق...........ويلي إقول زدات مال لكويت أنظف تراه يقص عليك أو على روحه .......ولو تبغي تتأكد روح شوف أفلام التخميس مال الرابطه وإستقنع....إطيحون تخمس وتكسر من قلب في السياره إلين مايكسرها ويعدمها........وطبعا لا ننسا أن أغلب الزدات في الأصل يشترونها من البحرين ويكسرونها في الكويت............................................ ........

[{ الـبـاسـل }]

ممكن مداااخله شباب

اخوي Dr.ZX280 ربما كلامك صح من ناحية الاهتمام والسمعه الكبيره للزد في البحرين لان الزد هو السيارة الاولى في الشهره في البحرين . بس مو معناتها ان بقيه دول الخليج ما عندهم زدات حلوه ونظيفه . . . كل دول الخليج فيها كذا وكذا
يعني لو تشوف زدات عمان المظيفه تستغرب تقول هذلين طالعين من الوكاله وما مشوا ي شارع
وفي نفس الوقت يااامااا نشوف زدات ارقامها عمانيه تدوووور في البحرين مشلخين ومسونها وانيت ومسافر فيها ولا مفتكر ( صح البحرين هذي ما يسونها يسافر بموتره ويكسره ))
لان هناك عندهم غيره وغيره...
وذلك الكويت لان اغلب المواتر اللي في الكويت الخشنه محتفظين بها اما البقيه مثل ما تشوف حالتهم قششششره .

وبالنسبه للاسعار يعتمد على النظافه والاضافات

[AYMANEZ]

ما ادري والله ابسأل لك

[300ZX2]

اخوي عليك بالوارد من المانيا
احسن عن الخليجي

[راعي zx300]

السلام عليكم اي لزدود هي اسعارهم وفي اجوون على 200 وفي 260 يبونه دينار4000 وفي توايتي يبونه 2500 دينار واما 300 فاسعارهم ارتفعت الحين بعضهم على 1500 وبعضهم على 1700 وشكرااا اخواني

[حبيب الروح]

السلام عليكم ورحمة الله وبركاته الزدات بالكوووويت ماله سعر بس اللي اعرفه النظييييف غالي حيل من 2500 وفووووق والجيد استعمالها تحصله 1200 والزين يعني شغال بس مراه يخرب يصلح مال تفجير بس على 300أو 400

[المدير العام]

شوف اخوي الزدات مالهم سعر معين يعتمد على النظافه يعني ال280 اذا نظيف وايد يوصل سعره فوق حتى 1800 ونفس الحال لل300 سواء كان 31 او 32 على النظافه بس بالنسبه لل280 فهوى ارغب

[GT-S89]

السلام عليكم بنسبا لموضوعك اخوى انا من الكويت وقولك زدات غاليه انت تقول لقيت نظيف 1400 بنسبا لى زين الى عطاك ها السعر ماقالك 2000او 2200 بعدين تبى تروح البحرين تشترى من هناك جص انك تبى تشوف نظافه من الخارجيه والداخليه بس ونت اتطالع فوق عيونك على البدى انزل وطالعه من تحت اول شى مصدى صدا تقول منقعه بماى وملح او تلقاه شواصيه مقصوصه وملحم وتلقا ارضياته ملبسه شفت الى قلته على زدات البحرين هى نفسها القطيف هى نفسها الكويت ولذالك انصح اى واحد يبى يشترى زد 280او 260او 240 غلطان وماعندا سالفه ماتسوى على امشى بسياره ولا رجولى تلعب با الارض ولا الشاضى يطيح صراحه اكثر الزدات الى اشوفها نضيفه وستعملتها ومضمونه من 1985 الى 1994 الى وهوا الزد اكس 300 بس وانا انصحك اتجه الى الجيتى من موديل 1987الى 2005 ههههههههه ادرى اهل ال 280 حقدو على هههههه لا هذى الحقيقه وسئل اى واحد والسلام عليكم ورحمت الله وبركاتو .

[GT خط سماء]

والله يا يا خوك زدات عدنا فى القطيف يعنى اغلبهم شباب اجيبوهم من امريكا بس (20) زدات عدنا قريب بينقرضو فى القطيف لان الكوتيييييين خموهم خم فى متوفرين بس مو كثر اول من ناحيه الاسعار تحصل واااااحد جديد جدديد 1600 دينار ما ازيد وكاله تشوفه هدا طبعا كوبيه اما الفور سيت نضيف نضيف ما ازيد عن 1300 دينار هدا 280
بصراحه انا اشوف الاسعار عدنا ارخص الاسعار فى البحرين خياليه بدات لما اشفون شراى من غير البحرين اغلون سعر
اتمنى محد يزعل منى (1) قبل فتره توهندرت بدون دكر اسماء يبغاء راعيه 2500 دينار بدون رنقات بصراحه سعر خيالى حتى لو سياره نضيفه ما توصل ليها ها سعر بعد فى ون ايتى بى الى اسموه البعض تربل يبغوه
800 دينار بصراحه الاسعار فى البحرين غاليه اشوى بدات سيارات داتسون يعنى اخوى ادا تبى تشترى سياره انصحك تروح الكويت او تجى عدنا الاسعار مناسبه حلوه بس نصيحه منى ادا تبى تاخد خد من طرف وااحد احسن لا تاخد او بس مشان لا اغشونك .

تحياتى

[مساعد العامري]

معليش ياشباب حنا عندنا بالسعودية الزدات شبه منقرضة لاكن الاسعار تكون على حسب النظافة فأنا شخصيا بعت زد نظيف جدا بقيمة9000 ريال سعودي شاص طويل أصلع موديل 80 وأيضا شريت خمس زدات أخرى تشليح ( سكراب ) قيمتها من 300 ريال الى 900 ريال وعندي قطع كثيرة للزدات من مكة المكرمة وجدة و هالحين عندي انظف زد في المملكة و أحب أقولكم شئ النظيــــــــــــــــــــــــــــــــــــــــــف يستاهــــــــــــــــــــــــــــــل
وسامحوني
أخوكم مساعد العامري 0500014889

[GT خط سماء]

اخوى مساعد العامرى مو كأنك مصختها اشوى انضف زد فى سعوديه (20) باين عليك ما شفت شى تعال شرقيا الخبر ودمام والقطيف زى دود تشوفهم بس مو مثل اول هم متوفرين صحيح تشوفهم بس الى اقصده انا مو مثل اول يعنى اخوانا اهل الكويت بدات هنا فى القطيف اجون يشترون رايح على طول يعنى كل ما بين فتره تسمع زد مبيوع على كوتييييين فى زدات نضاف انت تقول عندك زد انضف زد فى سعوديه تعال شرقيا شوف زود كيف نضافتها اكثر شى اجيبونهم من امريكا .
ادا تقول زدك انضف زد ورينا صور صور خير برهان نبى نشوف صور ها زد الى تقول انضف زد فى سعوديه مكه المكرمه انا خبرى فيهم احبون كرسيدا ام عواين (20) مديل 80 .
تحياتى لك ولى الجميع

[مساعد العامري]

اخوى مساعد العامرى مو كأنك مصختها اشوى انضف زد فى سعوديه (20) باين عليك ما شفت شى تعال شرقيا الخبر ودمام والقطيف زى دود تشوفهم بس مو مثل اول هم متوفرين صحيح تشوفهم بس الى اقصده انا مو مثل اول يعنى اخوانا اهل الكويت بدات هنا فى القطيف اجون يشترون رايح على طول يعنى كل ما بين فتره تسمع زد مبيوع على كوتييييين فى زدات نضاف انت تقول عندك زد انضف زد فى سعوديه تعال شرقيا شوف زود كيف نضافتها اكثر شى اجيبونهم من امريكا .
ادا تقول زدك انضف زد ورينا صور صور خير برهان نبى نشوف صور ها زد الى تقول انضف زد فى سعوديه مكه المكرمه انا خبرى فيهم احبون كرسيدا ام عواين (20) مديل 80 .
تحياتى لك ولى الجميع

[مساعد العامري]

أخوي خط السمــــــــــــاء الله يساحكك هلحين أنت مكذبني و متهمني أولا أنا ضد جميع أنواع Toyota وبالذات الكراسيدا ويكن في علمك اني مدمن لشئ إسمه Z
ثانيا الصور تراني بأرسلها و اكتب لك عليها تحياتي بس أعطني فرصة من شان أصورها لك وتراني ما أخذت في خاطري منك لاننا أنا وأنت وجميع مدمني الزدات عائلة واحدة و لازم نتفق
وأرجع وأقولك مشكور على التواصل (وترى جماعتي كلهم من الامارات بس خوالي من الأشراف الى هم أهل مكة )

[مساعد العامري]

ويش حالك ياأبو عمر عندي لك خبر زوين

[عاشق الSky Line]

مشكوووور

[بورش تيربو]

?????????????????????????????????????????????