استفسار وارجو الرد بأسرع وقت

[alazmi]

شباب انا والله مخطط اشتري جيب باث ومدري اي مو ديل اخذ 2003 ولا 2002 ولا 2001 ولا 2000
وانا اسمع من الناس يقولون يصرف صرف بانزيل وكله خرابات وانا اذا باخذ باخذ الدرجه الاوله فول اوبشن
وارجو ان مايرد علي اللي اللي عنده جيب باث واكون شاكر لكم

[LONDANY]

اهو من ناحية يصير فهو يصرف بس اذا كانت تطير فيه

و2003 وفوق اقوى من 2001 وتحت

[alazmi]

:> شلونه بتطعيس يطلع علي السفاري ولالا

[مجنون باترول]

ههههههههههههههههههه
مافيه جيب يطلع على الباترول
يمكن يطلع علية
بس بالاحلام

[ربع باترول]

اخوي alazmi با النسبه للباثفدر فهو جيب ممتاز بكل ما تعنيه الكلمه من معنى
1- شكله شبابي + منظره خلاب
2- مريح جدا
3- قوي بالحيل

بالنسبه للموديل اخوي 2004 او 2003 لان الباثفندر القديم احصينتوه كانت معقوله اما بالنسبه للجديد اخوي فزادت الأحصنه بفرق كبير

بالنسبه لصرف البانزين اخوي الجيب يصرف بس مو زي الباترول

بالنسبه للتطعيس هو ممتاز وقوي وما عليه يمشي زي الألف ( ما شاء الله عليه )

بس معليش ما يروح على السفاري ال (vxr) ما يروح على السفاري الجديد 4800




واذا كان عندي اي غلط في المعلومات يا ريت الشباب يوضحون

ونأسف على الأطاله

[alazmi]

يعطيك العافيه وماقصرت اخوي يعني تنصحمي في موديل 2003 و2004 يعني احسن اثنين نزلو

[turkiq]

اخوي انا صاحب باثفايندر 2002 وصارله معي سنتين يعني خذ الكلام اللي عليه العمد

السياره اذا جينا نوصفها اجمالا فهي بحق تمثل القول المعروف
(خير الامور اوسطها) بكل ماتعنيه من معنى
فهي وسط في كل شي

ثانيا
سالفة انها تصرف بنزين اقول وبكل تاكيد
الباثفايندر صرفيته معقوله
واحسبها معاي

اذا عبيته فل بحوالي 58 ريال يمشيني حوالي من 460 كلم الي 520 كلم وهو ما يعني ان كل 100 كلم تكلف حوالي من 9 الي 11 ريال


وعليك انت ان تقدر وتقارن بسيارتك الحاليه اذا كانت متوسطه زي الماكسيما مثلا او اسال احد عنده سياره توسطه شرط انه يكون دقيق في الحساب
في النهايه يطلع الفرق بسيط ولا يكاد يذكر زي مثلا 2 ريال او 3 ريال لكل 100 كلم


والناس يجيهاالشعور بانه يصرف لان الخزان من وجهة نظري صغير نوعا ما لذلك يشوفون عداد البنزين يتحرك بسرعة ويقولون يصرف


ثالثا
لازم كلمة الحق تنقال السياره تظهر فيها اصوات صوت من الباب الخلفي (حجرة التحميل) وا عتقد هذا العيب تم تلافيه في 2003 و 2004
وصوت اخر محير داخل الطبلون يظهر بالذات عند ارتفاع درجة الحراره الخارجيه زي في النهارمثلا والصوت على العموم خفيف


رابعا
انصحك ب2003 او 2004 لان الفرق بينهم وبين 2002 كبير من ناحية القوة 250 حصان مقابل 185حصان ل2002
وهذي تراها نقطه اساسيه لاتفوتك


خامسا وكنصيحة اخويه

اذا كان طلعتك للبر قليله انصحك بقير اوتوماتيك والله تشتري دماغك وتريح نفسك
واذا كنت دايم تطعس اكيد العادي بيتحملك
اقول الكلام هذا لان التوماتيك عند التطعيس ترتفع حرارته بشكل ملحوظ



سادسا
اذا كنت مقتدر ماديا وفيك حيل تصبر انتظر كمان 8اشهر لان 2005 بيتغير كليا واعتمد كلام واحدخبير في شئون نيسان


واخيرا وقبل كل شي استخر الله


وتمنياتي لك بالتوفيق




اخوك تركي

[alazmi]

يعطيييييييييك العافيه وانشالله انا باخذ تماتيك لأنه مريح القير عادي يتعب حق الديره وراحت ايام البر

[turkiq]

نسيت اقلك ان فكرة شراء الفل اوبشن فكرة خاطئة جدا جدا جدا جدا

بالذات مع الباثفايندر لان الفل سعره في التسعينات يمكن 93000 ريال

واللي تحته ب78000 ريال يعني فرق حوالي 15000 ريال

مقابل ايش مقابل كرسي كهرباء للسواق ما تحركه الا مره في السنه!!!!!!!!!

و كراسي جلد عمرهاىقصيرفي اجوائنا الحاره ويحتاج عنايه!!!!!

ومثبت سرعه مايستخدم في المدينه!!!!

والله حرام15000 ريال

وانا قبل شراء الباث حقي كنت في نفس موقفك وقررت اني اشتري النوع الوسط والحمد لله انا ماني ندمان اليوم بالعكس احس اني اتخذت القرارالصحيح

وشكرا

تركي

[alazmi]

يعطيك العافيه اخوي وماقصرت انا باخذ كامل والكامل الله بس بدون فتحه لأأن الفتحه تتوسخ الديكور اللي فوق
وباخذ كراسي مخمل مو جلد مواصفات خاصه من الكويت :> ومشكور علي الرد السريع