الفهــــــــــد
30-04-2003, 07:10 PM
بسم الله الرحمن الرحيم
حسب طلب اخوي عادل ابكتب مغامراتي في البر وهي عبارة عن مواقف طريفة ومشاكل واجهتنا وضيعات في البر واشياء كثيرة اتمنى تحوز على رضاكم وابكتبها على شكل حلقات واليوم هي الحلقة الاولى...
ابداء معكم بأسواء موقف واجهني في البر لحد اننا قمنا نتشهد
في اجازة الحج قبل سنتين كان لنا مخيم في الخفس وكنا مجموعة كبيرة من رجال وشباب وفي يوم 8 ذي الحجة قرروا الشيبان اننا نرجع الرياض نصوم يوم عرفة ونضحي في الرياض ونطلع وهذا الي صار لكن يوم عرفة الصبح اتفقنا حنا الشباب اننا نطلع للمخيم بدون ماحد يدري وطلعنا كنا 7 شباب اكبرنا ابو22 سنة واصغرنا ابو18 سنة المهم وصلنا الظهر وجلسنا ريحنا وبدت الحكية اول شي ماكان في احد يطبخ مافي الاعامل سوداني بس وحنا مانعرف نطبخ ولا نعرف نزين قهوه للفطور (اول مارجعت تلعمت اطبخ واصلح القهوة ازين من اي واحد) افطرنا تمر وشاهي وبدا المشوار مع القرارات السقيمة للشباب واولها عشان ماحد يدري اننا طلعنا المخيم من وراهم قررنا مانذبح من الذبايح الموجودة لكن نقط ونشتري طلي ونذبحه وهذا الي صار شرينا طلي بسبع مية ريال (طبعا ليلة عيد الضحية وفي وسط الخفس) وبدينا نذبح الطلي شاف الموت قبل مانذكيه (سبع شباب كل واحد معه سكين ويحجز له مكان في الطلي عشان يتولاه) الاول ذكا الطلي بطريقه حلوه وهي انه قص راس الطلي مره وحده وراح في طرف وقعد يصلخ الراس(13) والبقيه تصلخ الخروف في هل الوقت طلعت انا واثنين للمحطه نجيب ببسي وما اليه المهم في الرجعة كنا نسولف وانا اسوق والوقت ليل لما وصلنا المخيم ودخلنا بالسياره في وسطه اكتشفنا اننا غلطنا ودخلنا مخيم بدوي وطلعنا مسرعين في هل اللحظه الدنيا ولعة وانقلب الليل نهار من الرشاش الي انطلق ورانا وحنا نزبن لمخيمنا ونقول لباقي الشباب الي صار تطوع واحد وقال ابروح للبدوي انا والعامل السوداني ونفهمه القصة قلنا اوكي وراح ولما رجع قال ان البدوي يقول انه انسرق منه طليان قبل يومين وانه شاك ان الي سرق حنا ورجعنا نسرق زود وانهم قالو له تعال شف المخيم حقنا كبير وعندنا حلال ومحنا محتاجين نسرق وتقهو معنا البدوي توصف المخيم وقال روحو وانا بلحقكم طبعا شباب متاثرين بالافلام الامريكيه قلنا اكيد بيجمع ربعه وبيجي يذبحنا ويسرق المخيم وينحاش لان المخيم كبير مره وفيه خيام واجد وكرافانات حقت الحريم وسيارات الوابت والكنور وتعرف البدوي يحتاج هل الاشياء الحين حنا جلسنا في بيت الشعر وهو مسكر ومفتوح فيه شق صغير والسوداني قال ابروح اطبخ الذبيحة مابين مقلقل ومشوي يعني كامله حنا قعدنا كل واحد يعطينا حل للموضوع الي قال واحد يوقف جنب الشق ولادخل البدوي يضربه بخشبه ونربطه والي قال ننحاش ونبلغ امن الطرق وطلع بينا واحد شجاع قال انتم اركبو السيارة وخلوكم ورا البيت جاهزين وانا باستقبل البدوي لاجا اذا سمعتو شي انحاشو وبلغو واذا لقيت انه ماهو ناوي شر باشر لكم وتعالو طبعا هو شجعنا بهل الكلام وخللنا نجلس كلنا والي يكتبه الله يصير في الوقت الي حنا قاعدين ننتظر فيه كل ماطال كل ماخفنا اكثر وقاعدين نفكر اذا ذبحنا البدوي اهلنا وشلون بيجيهم الخبر ووش بيسون في الوقت هذا دخل السوداني وهو يضحك قال انا بصراحه رحمتكم الموضوع ومافيه كذبه حنا رحنا ولقينا عامل سوداني في مخيم البدوي وانه يقول انه لما طلع يشوف السياره الي دخلت المخيم خر نجم في السما وهو الي حسبناه رشاش( الي يذكر قبل سنتين خر نجم مو شهاب في السماء في هاك الوقت وكتبو عنه في الجرايد وكان قوي لحد ان الابره تشوفها وقت خرته) طبعا مايحتاج اقول لكم وش سوينا في خوينا الي راح مع السوداني. تعشينا بعد هل المغامره وحنا انفسنا مسدوده من الخوف الي جانا وردينا الرياض وماحكينا الموضوع لحد عشان مايضحكون علينا....
هذا اول قصة لي وانشاء الله الجاي احسن واتمنى تكون اعجبتكم واسف على الاطالة بس عشان القصة تصير مشوقة اكثر
اخوكم الفهـــــــــــــــــد.....
(6)(6)(6)
حسب طلب اخوي عادل ابكتب مغامراتي في البر وهي عبارة عن مواقف طريفة ومشاكل واجهتنا وضيعات في البر واشياء كثيرة اتمنى تحوز على رضاكم وابكتبها على شكل حلقات واليوم هي الحلقة الاولى...
ابداء معكم بأسواء موقف واجهني في البر لحد اننا قمنا نتشهد
في اجازة الحج قبل سنتين كان لنا مخيم في الخفس وكنا مجموعة كبيرة من رجال وشباب وفي يوم 8 ذي الحجة قرروا الشيبان اننا نرجع الرياض نصوم يوم عرفة ونضحي في الرياض ونطلع وهذا الي صار لكن يوم عرفة الصبح اتفقنا حنا الشباب اننا نطلع للمخيم بدون ماحد يدري وطلعنا كنا 7 شباب اكبرنا ابو22 سنة واصغرنا ابو18 سنة المهم وصلنا الظهر وجلسنا ريحنا وبدت الحكية اول شي ماكان في احد يطبخ مافي الاعامل سوداني بس وحنا مانعرف نطبخ ولا نعرف نزين قهوه للفطور (اول مارجعت تلعمت اطبخ واصلح القهوة ازين من اي واحد) افطرنا تمر وشاهي وبدا المشوار مع القرارات السقيمة للشباب واولها عشان ماحد يدري اننا طلعنا المخيم من وراهم قررنا مانذبح من الذبايح الموجودة لكن نقط ونشتري طلي ونذبحه وهذا الي صار شرينا طلي بسبع مية ريال (طبعا ليلة عيد الضحية وفي وسط الخفس) وبدينا نذبح الطلي شاف الموت قبل مانذكيه (سبع شباب كل واحد معه سكين ويحجز له مكان في الطلي عشان يتولاه) الاول ذكا الطلي بطريقه حلوه وهي انه قص راس الطلي مره وحده وراح في طرف وقعد يصلخ الراس(13) والبقيه تصلخ الخروف في هل الوقت طلعت انا واثنين للمحطه نجيب ببسي وما اليه المهم في الرجعة كنا نسولف وانا اسوق والوقت ليل لما وصلنا المخيم ودخلنا بالسياره في وسطه اكتشفنا اننا غلطنا ودخلنا مخيم بدوي وطلعنا مسرعين في هل اللحظه الدنيا ولعة وانقلب الليل نهار من الرشاش الي انطلق ورانا وحنا نزبن لمخيمنا ونقول لباقي الشباب الي صار تطوع واحد وقال ابروح للبدوي انا والعامل السوداني ونفهمه القصة قلنا اوكي وراح ولما رجع قال ان البدوي يقول انه انسرق منه طليان قبل يومين وانه شاك ان الي سرق حنا ورجعنا نسرق زود وانهم قالو له تعال شف المخيم حقنا كبير وعندنا حلال ومحنا محتاجين نسرق وتقهو معنا البدوي توصف المخيم وقال روحو وانا بلحقكم طبعا شباب متاثرين بالافلام الامريكيه قلنا اكيد بيجمع ربعه وبيجي يذبحنا ويسرق المخيم وينحاش لان المخيم كبير مره وفيه خيام واجد وكرافانات حقت الحريم وسيارات الوابت والكنور وتعرف البدوي يحتاج هل الاشياء الحين حنا جلسنا في بيت الشعر وهو مسكر ومفتوح فيه شق صغير والسوداني قال ابروح اطبخ الذبيحة مابين مقلقل ومشوي يعني كامله حنا قعدنا كل واحد يعطينا حل للموضوع الي قال واحد يوقف جنب الشق ولادخل البدوي يضربه بخشبه ونربطه والي قال ننحاش ونبلغ امن الطرق وطلع بينا واحد شجاع قال انتم اركبو السيارة وخلوكم ورا البيت جاهزين وانا باستقبل البدوي لاجا اذا سمعتو شي انحاشو وبلغو واذا لقيت انه ماهو ناوي شر باشر لكم وتعالو طبعا هو شجعنا بهل الكلام وخللنا نجلس كلنا والي يكتبه الله يصير في الوقت الي حنا قاعدين ننتظر فيه كل ماطال كل ماخفنا اكثر وقاعدين نفكر اذا ذبحنا البدوي اهلنا وشلون بيجيهم الخبر ووش بيسون في الوقت هذا دخل السوداني وهو يضحك قال انا بصراحه رحمتكم الموضوع ومافيه كذبه حنا رحنا ولقينا عامل سوداني في مخيم البدوي وانه يقول انه لما طلع يشوف السياره الي دخلت المخيم خر نجم في السما وهو الي حسبناه رشاش( الي يذكر قبل سنتين خر نجم مو شهاب في السماء في هاك الوقت وكتبو عنه في الجرايد وكان قوي لحد ان الابره تشوفها وقت خرته) طبعا مايحتاج اقول لكم وش سوينا في خوينا الي راح مع السوداني. تعشينا بعد هل المغامره وحنا انفسنا مسدوده من الخوف الي جانا وردينا الرياض وماحكينا الموضوع لحد عشان مايضحكون علينا....
هذا اول قصة لي وانشاء الله الجاي احسن واتمنى تكون اعجبتكم واسف على الاطالة بس عشان القصة تصير مشوقة اكثر
اخوكم الفهـــــــــــــــــد.....
(6)(6)(6)