شو سالفة هالحركه بالألتيما.. صح أو لأ!!!

[maxx_boss]

يا شباب أول شي باركولي.. ترقيت من مكسيما 2001 إلى ألتيما 2008 6 سلندر فل كاااامل "جلد وفتحه وزينون... إلخ"

وانا أتصفح اليو تيوب شفت هالحركه بالألتيما كوبيه :
http://www.youtube.com/watch?v=-PnfjLGDNU4

واللي مايقدر يفتح الرابط بشرحله شو الحركه: تقدر بالريموت كنترول تفتح زجاج وفتحة سقف السياره واتقفلهم كمان.. وكل هذا عن بعد

السؤال حد جرب هالحركه تشتغل معاه أو لأ؟؟؟؟
والسؤال الثاني إذا صحيح إنها تشتغل فهل عالألتيما كوبيه بس أو السيدان كمان؟؟؟؟

[أبو ميعـــــاد]

اولا مبروك الموتر والله يهنيك

ثانيا ليه ماتجربها بموترك وتشوف

وان عندي خبر انك تقدر تفتح النوافذ الامامية عن طريق الريموت لكن ماتقدر تسكرها

[m.s.d]

مبروك عليك الموتر الله يعطيك خيره ويكفيك شره

[انفينتى]

مبرووووووووووووك اخى الكريم

انا بعرف انك تقدر على جميع انواع انفينتى تنزل الجامات فقط
وفى سيارات الصالون والكوبيه فقط مو الجيب ان حبيت ترفعها لابد ان تستعمل المفتاح الميكانيكى ( العادى) خلف الريموت تجده

[AUS]

^^^^
كلام صحيح 100%

[ماكسيما عيوني]

ايه نعم تقدر تنزل النوافذ الامامية عن طربق الريموت
بس تبي تغلقها لازم من داخل السيارة
والحركة موجوده بجميع فئات الالتيما الاربعة والستة سلندر

[maxx_boss]

مشكورين شباب على الردود وبالنسبه للأخ اللي سأل ليش ما جربتها على سيارتي.. الجواب لإني ما استلمتها بعد.. يعني تقريبا على نهاية الأسبوع... أخخخخخخخخخ الوقت يمر ببطء شدييييييييد

[BmW_FaN]

موجوده عالانفنتي و الالتيما 6 سلندر 2006 بعد

بس تنزل ما ترفع

مجربها بنفسي

[abuaziz5]

ممكن تشرحو لنا الطريقة مع تحياتي

[info]

ممكن تشرحو لنا الطريقة مع تحياتي

السلام عليكم ...

انا لا املك هذه الجوهره الثمينه ..

لكني رأيت الطريقه هذي على المرسيدس ...

وهي انك تضغط على زر فتح الابواب مع الاستمرار <<< يعني تتم ضاغط عليه فتره معينه ..

هذا ما لدي واذا كانت الطريقه تختلف اعتذر عن المعلومه ..

[tntn707]

^
^
^

صح كلامك

[barham]

بالالتيما القديمة تقدر تفتح بس النوافذ الامامية بس اليديدة ما ادري بس اتوقع يصير

[زد2008]

سلاااام


الله يعطيك العافية

[ما أسمع في المكسيما]

بالفتاح تنزل وترتفع
بالريموت تنزل فقط

[info]

بالفتاح تنزل وترتفع
بالريموت تنزل فقط

كيف ؟؟

هي اصلا ما لها مفتاح ..

ممكن توضح ؟

[AUS]

اخواني تفتح بالريموت لو تميت ضاغط على زر فتح الابواب فوق ال3 ثواني
وفقط تفتح النوافذ اللي تكون اوتو(يعني تفتح وتسكر بضغطة واحدة)

ولو حبيت تسكر الابواب لازم تستخدم المفتاح اللي يكون داخل الريموت وتضعة في فتحة الباب وتبقي ضاغط عليه لتسكير الابواب لمدة فوق الثلاث ثواني وتسكر النوافذ

هذه الخاصيه تكون للنوافذ الاماميه في حالة السته والاربعة فل (لانه كلا النوعين ياتي بنوافذ اماميه اوتو)
اما الاربعة استاندرد فتأتي بنافذة واحد اوتو فقط واللي تكون نافذة السائق وما اعرف اذا متوفرة في هذا النوع والشباب بيجربوا وبيفيدوا ان شاء الله
والسلام