المساعد الشخصي الرقمي

مشاهدة النسخة كاملة : الخبر اليقين عن مكسيما 2009


راعي زمانه
25-07-2008, 05:19 PM
السلام عليكم اعزاء القراء

اولا احييكم ،
ثانيا لا اود مفاجئتكم ، ولكني اعمل في وكالة نيسان , وانا شخصيا متحمس لمكسيما 2009 ، وقمت بطلبها من قسم مراقبة المخزون ولكن افادني مدير مراقبة المخزون ان مكسيما 2009 لازالت تخضع للتجارب والفحوصات ولن يتم طلب اي سيارة منها قبل 2010.
ومن يريد التثبت يراسلني على الخاص ، لاني مثلكم كنت انتظرها واجلت شراء سيارة التيما2009 بسبب ماكسيما 2009 لان المتوقع انها تكسر الدنيا .


محبكم
راعي الزد
25-07-2008, 05:26 PM
طيب مدامك شغال في الوكاله فيه قير عادي سيدان التيما 6 سلندر فل كامل ولا خرطي ؟
راعي زمانه
25-07-2008, 05:29 PM
لا يوجد قير فل كامل ، كل اللي صاير انه نزل قير جديد اكثر تطور من الاول لا يحضرني رقمه حاليا ، ولكن بكرة اتاكد لك من رقمه بالكاتلوج وارد في نفس هذا الموضوع
وشكرا
هـاوي
25-07-2008, 06:27 PM
][][هــــــــــلا وغــــــــــلا][][

يعني ماراح تجينا قبل سنتين قدام؟!
الأشتر
25-07-2008, 08:26 PM
انا ما ادري ليش هذي السياسة ( ان صح تسميتها بالغريبة ) ؟؟؟

معقولة ان تقوم نيسان بالمخاطرة بأسم كبير مثل المكس اللي معروف عنه بشبابيته و انتشاره في الخليج بالذات و الشرق الأوسط بشكل عام .. و ثانيا سوق الشرق الأوسط سوق مو هيّن..يعني مو اقل شأن من السوق الأوروبي او الامريكي اللي ينزل عندهم المكس بالنتظم ( يعني من 2004 وهو متغير عندهم) مو مثلنا صار له 8 سنين و لا فكرو يغيرونه..

ثالثا نيسان تملك اسطول ضخم من سيارات الدفع الرباعي ابتدائا من الـ X-trail الى الفتك و الباث و الأكس تيرا و انتهاء بالأرمادا اضخم سيارات نيسان ..يعني هذا الكم الهائل من سيارات الدفع الرباعي تحتاج الى ما يعادلها من سيارات السيدان.. يعني شنو المشكلة لو تم تنزيل المكس الى جانب الألتيما و جابو معاهم التيانا ؟؟ راح تتعدد الأذواق و يحس المشتري ان لديه متسع من الخيارات و بالتالي لا يحتاج للذهاب الى شركات منافسة لنيسان ..

:sm77::sm77:صج شي يرفع الضغط فعلا :sm77::sm77:

..انا صار لي كم سنة انطر الشكل الجديد من المكس و لا هو نازل بسبب هذي السياسة الغريبة ..
الوكالة
25-07-2008, 09:55 PM
شي بصراحه يكره الواحد في نيسان هي دايما عليها حركات ترفع الضغط

يعني معقولة سيارة زي الماكسيما والمنافس الاول للكامري ومافي لها اي تطوير او تعديل عشان تضل في منافسة الكامري شي غريب بصراحه
منتظر الجديد
26-07-2008, 01:02 AM
والله انك حبيب اي منافس للكامري

اسمع الكلام ولا ودي اكثر الكلام تأخرت الماكسيما عشان يمشي سوق الألتيما في 2005 .

والمكسيما جددت في 2004 وماصدروها لنا عشان لألتيما والخطة انه الجيل القادم 2009 .وبس لاأكثر ولا أقل.
المكس البترولي
26-07-2008, 11:52 AM
ياشباب الماكس الجديد راح ينزل انشالله

وانا سائل قطع الغيار قالي احنا قاعدين نجلب القطع تبعها

قولو انشالله
راعي زمانه
26-07-2008, 07:49 PM
عزيزي انا اشتغل في قطع الغيار ، والكلام هذا ماهو صحيح . لا احد يكذب عليك:sm99:
da7aam
26-07-2008, 08:20 PM
السلام عليكم ورحمة الله وبركاته
يا شباب في مره حد سئل الي يشتغلون في الوكالة
وطلع كلامهم صحيح
لانه مايعرف فيقول اي شي
انتظر المكسيما الجديده ياراعي زمانه
راعي الزد
26-07-2008, 11:10 PM
هههههههههههههه
حقين الوكاله اغبي ناس شفتهم
اجل واحد سائله بنفسي ربي لايوفقني يقولي الفتك 8 سلندر ومانزلوه هههههههههههههه
قلت ليش سلامات يالطيب مانزلوه قالي ياخي غالي ومحد بيشترررررررريه !!!
هههههههههههههههههههههههههههههههههههههههههه
واساله اقوله فيه التيما قير عادي يقول ابد مافيه واشر على الالتيما الحمراء كوبيه قلت وهذي وشي
ويقوم يطل فيها قال ايه مدري وخبص
وطلعت وانا اتحمد ربي
وسعو صدوركم شباب نيسان دجه دام الحمراني ماسك الكرسي
الأشتر
26-07-2008, 11:44 PM
افا عليك بس اخوي راعي الزد

مهما كان ترى اللي يشتغلون في الوكالة اوادم حالي حالك يعني لهم كرامتهم و ما اعتقد انهم يقبلو ان واحد يهين كرامتهم و يصفهم بالأغبياء..

صحيح ان احيانا تصدر منهم افعال ترفع الضغط لكن هذا ما يعني انا نهين كرامته ..فمهما كان هذا بشر و له احاسيس مهوب حيوان ..

تقبل نقدي يلغالي بصدر رحب.. ( عتاب احباب ان شاء الله )
tntn707
27-07-2008, 11:53 AM
شباب والله مدري بس ودي انها تنزل في 2009

وانا بنفسي سالت احد موظفي الحمراني واحد لي معه علاقه بسيطه

وهو الي خلاني اشوف الجيتي الي صورتها لكم

وقالي احتمال كبير انها راح تكون في 2009 قلتله اكيد قالي قول انشالله الى الان مافيه شي اكيد

بس احنا جاليسن ننتظرها عشان الكلام صاير يدور حولها في الشركه

وانشالله ينزلوها
أبو ميعـــــاد
27-07-2008, 03:36 PM
انا اتوقع نزولها راح يتأخر يعني مو على 2009 ولا يتأخر لين 2010

يعني راح تنزل بنفس توقيت المازدا 6 2009 نزلت قبل 3 شهور على موديل 2009 وحنا بذاك الوقت بشهر 5 من سنة 2008

ان شاء الله المكسيكا تنزل بشهر 5 او 6 من سنة 2009 كموديل 2010
راعي زمانه
27-07-2008, 03:37 PM
احب ان افيدكم بانه وصلت اليوم الى مستودعات الحمراني بالرياض اول دفعة من سيارات 2009 وهي انفنتي ( متنوعة ) وارمادا:sm225:
أبو ميعـــــاد
27-07-2008, 03:41 PM
احب ان افيدكم بانه وصلت اليوم الى مستودعات الحمراني بالرياض اول دفعة من سيارات 2009 وهي انفنتي ( متنوعة ) وارمادا:sm225:



الله يبشرك بالخير اخوي بس بغيت اسألك هل نزلت الجي السيدان الجديدة بمحرك 3,7
ALTIMA 4.5
28-07-2008, 12:23 PM
:sm56:مشكور على الخبر
راعي زمانه
28-07-2008, 03:56 PM
عزيزي ابو ميعاد

بالنسبة انفنتي 3.7 لم تننزل الى الان في الشرق الاوسط رغم انها نزلت في اوروبا وامريكا والسبب اما لانها لاتنطبق على مواصفات الشرق الاوسط او لانها بهذه المواصفات غالية ولا يمكن تسوق الا في اسواق اوربا وامريكا .
توأم روحي
28-07-2008, 07:39 PM
عزيزي ابو ميعاد

بالنسبة انفنتي 3.7 لم تننزل الى الان في الشرق الاوسط رغم انها نزلت في اوروبا وامريكا والسبب اما لانها لاتنطبق على مواصفات الشرق الاوسط او لانها بهذه المواصفات غالية ولا يمكن تسوق الا في اسواق اوربا وامريكا .

تأكد بس من الخلفيه مكتوب عليها جي 37 ولا جي 35

تأكد ياالابن البار بالحمراني تاكد
فتك2008
31-07-2008, 06:32 AM
يعطيك العافية وما قصرت اخوي ومجهود جدا جميل منك
راعي الزد
01-08-2008, 06:01 PM
افا عليك بس اخوي راعي الزد

مهما كان ترى اللي يشتغلون في الوكالة اوادم حالي حالك يعني لهم كرامتهم و ما اعتقد انهم يقبلو ان واحد يهين كرامتهم و يصفهم بالأغبياء..

صحيح ان احيانا تصدر منهم افعال ترفع الضغط لكن هذا ما يعني انا نهين كرامته ..فمهما كان هذا بشر و له احاسيس مهوب حيوان ..

تقبل نقدي يلغالي بصدر رحب.. ( عتاب احباب ان شاء الله )


بوسه على راسك ولاتزعل بس شي في نفسي من معاملتهم السيئه
BmW_FaN
06-08-2008, 02:12 AM
هلا والله اخوي
بس شو تفسر ظهور الماكسيما الجديده في رأس الخيمه فالامارات للتجربه ؟؟
هل يعني ذلك ان التجارب ستدوم فالمنطقه لمدة سنه ؟؟

ياخوي قبل لا تنزل الالتيما الحاليه شفناها بالامارات تجرب و مندوبين المبيعات كانو ينكرون انها بتنزل
و حد منهم يقول ما عندنا علم مع ذلك بعد مدة لم تزد عن شهرين تم طرح الالتيما فالاسواق !!

اتــوقع نفـس المــوال سيطبق على الماكسـيما و كلي ثقه انها ستسوق في رمضــان

بالنـسبه للجي فسمعت انه نزل 35 و ليس 37 و احتمال 2010 يتم طرحها فالخليج
و لو ارادو ان يغيروا المحرك منطقيا سيكون الاف اكس اول من سينال هذا التغيير بطرح محرك 37 عليه :)

شــكرا لك اخي على جهودك
و بـارك الله فيك
بعدهم ياالالتيما ..
06-08-2008, 10:48 AM
يارب ماتنزل الماكسيما 2009 >>> شاري التيما 2008 ومتحسف
BmW_FaN
06-08-2008, 05:14 PM
^^^^
نفس الشي قلته لما قالو بينزلون جي 37 سيدان لوووول
بس ياخوي في ناس تنتظر الماكسيما من سنوات :)
the future
07-08-2008, 05:14 PM
الله يبشرك بالخير ...

صراحه والله انها تستاهل الانتظار ... جمال , تصميم , فخامه , والله انها تسرق القلوب لدرجه ان واحد من اخويياي من متعصبين لتويوتا ... اعجبته السيارة ... وقال عنها انها لكزس مو مكسيما ( طبعا هو ما يعرف انها اقرب للانفنتي اكثر لان ماعمره شاف الانفنتي) ولكن ما شاء الله عليها شبهها بسيارة من ارقى السيارات العالميه

والله انك مو هينه يانيسان ... الى الامام ونحن وراءك
STRAWY
27-08-2008, 04:05 PM
يعطيك العافيه ع الخبر
Ali Al-Emadi
02-09-2008, 03:10 AM
بخصوص الماكس ،

حسب اللي قالي احد اللي يشتغلون بالوكاله ،


إن ما نزل الموتر في نهاية السنه هذي ، يعني شهر 11 او 10
راح ينزل بمنتصف السنه الجايه


إن شاء الله كلامه يكون صحيح


عن نفسي ، كنت افكر انتظرها ، بس يعيبها الدفـع الأمامي ،
ولكن الحمدالله توفقت وخذيت انفنيتي ،
مكس فضي 376
04-09-2008, 04:55 AM
انا كلمت وآحد من الوكآله

ويقولي المكس الجديدهـ رآح تكون الدفعه الثآنيه مو الآولى لآنه يبيلهآ شوي تعديلآت ومدري ايش << الحمرآني بينفضهآ نفض ..ومآرآح يبقي لكم الا الرآديو وبيقول هذي موآصفآتهآ :)


وان شآء الله تنزل برمضآن يآرب
صادق الأحساس
04-09-2008, 03:18 PM
^^^

زي شغل عبداللطيف جميل ..
ماكسيما2008
12-09-2008, 06:19 AM
اخوي السلام عليكم

بغيت منك خدمه مادام شغال في الوكاله
بغيت اسعار ماكسيما 2008 من ستاندر الى الفل كامل .. وبغيت اعرف متى بينزلون عليها عروض بمناسبة ان الموديل والشكل الجديد على وياليت تفيدني بقطع غيارها هل هي متوسطه او غاليه واكون لك شاكر