ماكسيمتي ( حادث + مطاردة + ماكينة ) سالفة تحتاج حل منكم ساعدوني

[ماكس_2001]

السلام عليكم . .
كيف الحآل ؟
والله من زمان عنكم
المهم شباب أنا عندي سالفهـ
يوم السبت الماضي الساعة 3.00 فجراً
جاني واحد راعي ماكسيما
وأنا كنت أتسحب ع الشارع لحالي وماشي 50 كم يعني مرة مروق
المهم جاني وكان يمشي تقريباً 100 كم وصقعني من ع الجنب الأيسر حقي
وإنحاش بدون فعل فاعل
لف علي وصدمني وكمل سيدة
يعني واضح متعمد
المشكلة أنا ماعندي عداوات مع أحد
بس بصراحهـ إنقهرت
قمت وطاردتهـ
وإستمرت المطاردهـ ساعة إلا ربع
( بلاغات ودوريات تكبس وتقطيع إشارات والعالم ورانا )
قلبنا الدمام لوس فيجوس ذاك اليوم
واللي يضحك بالموضوع إن السيارتين ماكسيمتين اللي يلاحقون بعض ( سيارتي وسيارته )
المهم أنا الغرض من المطاردة إني أبي آخذ رقم اللوحة وأخليهـ
أو إني أصدمه وأخليهـ يوقف
ولكن . . للأسف
ولا إشارة وقف
واللوح ماهي موجودهـ
المهم
وأنا مع المطاردة بلغت الدوريات
وعطيتهم المواصفات كامله
ومع المطاردة جت مطبة بالشارع وتعرفون مطباتنا كيف
كأنها بعير مسدوح بالأرض
المهم أنا الماكسيما عندي منزلهـ شوي من قدام
وجت المطبه وأكلتها وأنا مسرع يمكن أمشي 100
وأنا مكمل مطاردهـ معاهـ
بعد 10 دقايق بالضبط فجأهـ جت عيني على إمبير الحرارهـ
إلا والحرارة شابه وواصله فوق النص
المهم خفت وقلت خلني أصفط ع الجنب
توني بصفط إلا والسيارة طفت لحالها
حاولت أشغلها ماتشتغل
المهم خليتها لأني صدت الرجال ورحنا المرور وسوالف وأفلام صارت
بعدين رجعتلها اليوم الثاني
إلا والقى الماي حق الرايتر كله بالشارع
المهم قلت بجرب بس وبشغلها أشوف
وإشتغلت على طول طفيتها
وديتها الخضرية
وديتها عند محل رديترات قتله شالمشكلة
قالي روس الماكينة ضاربة
قتله يمين يسار قالي أتوقع كذا
مشيت ورحت عند واحد ثاني
قام وفتح الكبوت ولقى البلاستيك اللي فوق الراديتر الواقي يعني مكسور
وقالي منه المشكلة
قتله غيرهـ
والله وغيرهـ وصارت السيارة أوكي
بس في مشكلة الحين
بالليل توصل إلى تحت النص تقريباً ولو دعست عليها ترتفع
قبل كانت بالليل ماتتعدا الربع وحتى لو دعست ماترتفع إلا شي بسيط
تتوقعون الرآس فيه شي ؟
ولو فيه شي وش أسوي أوضبه
على علم بأن البنقالي نظف الراديتر وعبى موية وصيخه وغير البلاستيك
يعني مافي شي ماسواهـ
المراوح شغالهـ 100%
أنا أول ماصفطت أمس بالبيت فتحت الكبوت شيكت المويه لقيته مستواهـ بالنص يعني طبيعي
واليوم رحت أصلي الجمعه يعني صارلها واقفة تقريباً 10 ساعات
وقبل لا أمشي وأشغل السيارة قلت خلني أشوف الماي قبل ما أشغل السيارة
شفت البلاستيك إلا وأشوف الموي الأخضر تحت الـ Min ؟
شالحل شباب
المشكلة إني شفته الحين تحت الـ Min
ولو طلعت فيها بعد شوي ودعست عليها
القاهـ فوق الـ Mix
وآسف ع الإطاله

[سوار العسل]

أولا الحمد الله على سلامتك أخوي

ثانيا ما جربة تغير الرديتر

لأني أتوقع رديترك طبقتين مو ثلاث

ركب ثلاث طبقات وراح ترتاح

والله يستر عليك

تقبل مروري

[راعي الألتيما م ن ى 3 1 1]

الله يكون بعونك انا يالغالي مالي خلفيه بالمكس بس اتوقع لديتر لان التلحيم موكويس

وبعدين إنت ماتتحمل اي شي

روح للمرور وقولهم سيارتي مع الحادث تضررت وخذ خطاب منهم يحمل الي صدمك كامل تصليحات سيارتك

وودها للوكاله

[maxspeed]

هلا اخوي....

100% من الرديتر ولا شغله هدات ولا شيئ

سو له تنضيف وخلاص

[سعوودي 363]

الحمدالله علي سلامتك وسلامت السياره وانتبه تمشي والسياره مرتتفعه الحراره تروح المكينه سريع

[Dr_ T I I D A]

والله ماعندي خلفية بس الله يكون في عونك

[المكس الضبابي]

الحمدلله على السلامه .... اول حاجه اشترلك راديتر كوري بـ 350 واذا معك فلوس اشتر وكاله .. ومع الغطاء بـ 20 ريال

وشوف وخبرنا

[الوكالة]

اول شي اخوي الحمد لله على سلامتك


ثاني شي اتوقع الحرارة من قوة المطب و الصدمة اللي جت للسيارة صار هناك تهريب في ماء الرديتر او انو لي الرديتر فيه تهريب ولا شوف حساس الحرارة يمكن مع المطب اتفكفك من مكان

[my altima]

الحمدلله على السلامة .. اتوقع افادوك اخواني بخصوص الراديتر وانا اتوقع اشتر جديد افضل وإن شاء الله يبقى معاك أطول مدة ممكنة .. موفق بإذن الله .

[الوان]

ماكس_2001 شوقتنا لاخر القصة وش صار معاك بعدين وش قصة المشفط اللي صدمك؟؟

[راعي الزد]

ههههههههههههههههههههههه
والله خشيت جو معك تخيلت اني راكب معك اهم شي وش صار كمل القصه فقعت وجهه عدل مدل وليش صدمك وش عنده والاديتر على حسابي على الاصلاح من تشليح العقربيه فدا عيونك بس كمل القصه وشالسبب

[آلـ ـتـ ـيـ ـمـ ـآآ 2006]

السلام عليكم ورحمة الله وبركاته

أول شي الحمدلله على سلامتك .. والله يسامحه اللي سوا فيك جي ..

ثاني شي .. اذا تبا نصيحتي وطلعت المشكله من اول من الراديتر .. نصيحتي غيرها وخذلك راديتر ابو 3 عيون ..

ان شاء الله راح تفتك من الحراره اذا ماكان فيها شي .. ^_^ والسموحه ع القصور

[ابسعودو]

اخوي اتوقع البلف حق الحرارة اثناء تعبيت الموية قفل وهذي اعراضة نقص الموية في القربة اذا كانت باردة ثم زيادتها مع الحرارة
اما اروس ما اتوقع ابداً
قد صارت معي في مكس القربة تنقص وهي باردة وتزود وهي حارة وعلى فكرة بلف النيسان حق الحرارة يختلف عن باقي السيارات وحساس جداً والراديتر مايتعبا والسيارة شغالة مثل باقي السيارات لاازم تبر السيارة بالكامل لايقل عن 6ساعات حتى تسلم من قفل البلف وقد مرة عبيت السيارة موية وهي شغالة وقفل البلف ماادري لية ولو تشوف شكلة يختلف عن الثرمستات الأخرا يجي كامل بالكوع
وقيمتة 90 ريال ارخص من فك روس تأكد

[arabic]

الحمد لله على سلامتك بدل الترمستات حقها يجي اثنين _بلف الحرارة) وراح تضبط ان شاء الله

والله انك شوقتني للقصة وليش صادمك

شكله يمبا يسوي زيي المراية بالمراية وخش فيك وانحاش

ان شاء الله تاخد حقك منه

وزي ما قلت لك قبل تبدل رديتر وتكاليف غالية بدل الترمستات حقها

[ماكس_2001]

عدنا لكم وآسفين للتأخير
بالنسبة لسبب الحادث
الطرف الثاني كان سكران
المهم ماعلينا منه
صلح السيارة وكلفته تقريبا 1000 ريال
بس شغل بدي
أما الراديتر فأنا اللي كلتها
حاولت إنه يصلحه
بس المشكلة في تقرير الحادث ماكتبوا الراديتر
بس كتبوا الحادث والصدمات اللي جات بالسيارة
المهم أنا صارلي الحين 4 أيام وكل يوم أغير شي
أحاول أعدل الحرارة ولكن مافي فايدة
أول شي غيرت البلاستيكة غطاء الراديتر
لأني شفتها مكسورة وقلت يمكن منها المشكلة
ومافي فايدة
وبعدها قلت أغير الراديتر وركبت واحد جديد كوري
ومافي فايدة
وبعدها غيرت القربة مع إن مالها دخل
وبعد مافي فايدة
وشيكت ع المراوح
وطلعت سلمية ومافيها شي
وآخر شي رحت عند واحد له خبرة وشرحتله المشكلة وقتله عن الأشياء اللي غيرتها
وقالي باقي عندك 3 إحتمالات
قالي البلف جرب فكه ومو لازم تركب جديد
إن كان فيه عطل وفكيته إن شاء الله تنحل المشكلة
جربت وفكيته
ومافي فايدة
وقالي باقي إحتمالين يـ طرمبة الماء أو راس الماكينة
وصراحة ثنتينهم تكلف
ومابي أخسر زي ماخسرت قبل
ومين فيكم عندهـ ماكسيما
أبيه يقولي الحرارة بالظهرية كم وبالليل كم وإن زادت كم توصل
أبي معاونتكم . .

[BIG TIME]

لا راس مكينة ولا طرمبة الماء

100% من الكنداسة ومواصيرها مطعوج ولايطلع الهواء ويكتمها شيك عليه وباذن الله منه

[ماكس_2001]

شباب أنا كل شي سويته بالحرارة ومانفع
الحين الشي الجديد اللي طلع عندي
حساسات الحرارة
رحت عند واحد وشرحتله كل المشاكل السابقة وقالي أشك في حساسات الحرارة
قتله طيب شيك عليهم إذا كانوا أوكي أو لا
قالي المشكلة لازم كهربائي
رحت عند 5 كهربائين وللأسف قالوا مانعرف
المهم رجعت عند صاحبنا قتله طيب شالحل
قال شوف أنا بفك حساس المراوح
وبخلي السيارة مراوحها توماتيك تشتغل
وإنت لاحظ الحرارة كيف فيها
قتله أوكي
المهم صاحبنا فك حساس المراوح وصارت السيارة من تشغلها توماتيك تشتغل معها المراوح
المهم طلعت فيها مشوار أجربها
لاحظت إن الحرارة نفس ماهي ترتفع بعد مامشيت عليها مسافة وكنت داعس تقريباً 180
بس كان في فرق عن أول
بلأول كنت لما أمشي عليها مسافة طويلة وترتفع الحرارة فوق النص يقلب المكيف عندي
ولكن هالمرة يوم فك الحساس كانت مرتفعة والمكيف زي الحلاوة بارد ومافيه أي مشكلة
وأصلا فتحت الكبوت وحسيت إن الماكينة مو مرة حارة زي مايعطي الامبير درجة الحرارة
فـ قلت الحمدلله أكيد إن المشكلة من الحساسات
قلت يمكن يعطون قراءة خطأ للماكينة
وبسبب القراءة الخطأ يخف عزم السيارة وينقلب المكيف ويرتفع الماء للقربة وإلخ ..
بس المشكلة الحين إن سيارتي فيها حساسين
حساس حق أمبير الحرارة وحساس حق المراوح اللي إنفك
شلون أعرف من أيش الخراب
وصراحة مابي أخسر زي ماخسرت ع الأشياء اللي قبل
إنتوا وش رآيكم
هل إعتقادي صحيح ولا ماعندي سالفة
ولو في خراب يخص حساسات الحرارة وش الأرجح يكون الحساس الأول ولا الحساس الثاني

[BaRhOoOM]

السلام عليكم ورحمة الله وبركاته
الحمد لله على السلامة

انا الحمد لله ماقد واجهتني مشاكل حرارة بالسيارة

بس سواءا في الصباح او في الليل الحرارة ما تزيد عن الربع...واذا من دون مكيف على الربع تماما او فوق منه بشوي ,,, نفس الشي مع الدعس الحرارة مستحيل تزيد عن الربع ...

حبيت اوضحك كيف الوضع عندي بس انا ما عندي خلفية عن طريقة اصلاح المشكلة عندك

سلام

[Ra3y_Datsun]

المشكلة إني شفته الحين تحت الـ Min
ولو طلعت فيها بعد شوي ودعست عليها
القاهـ فوق الـ Mix
وآسف ع الإطاله

مع برودة المحرك وهو كان طافي يكون على وضع Minimum فهذا عادي

وإذا شغلت الموتر ومشيت ومع حرارة المحرك الطبيعية لازم يرتفع المؤشر

مؤشر دبة المويه للMax .

والله يسلمك من كل مكروه.



ومع المطاردة جت مطبة بالشارع وتعرفون مطباتنا كيف
كأنها بعير مسدوح بالأرض

^_^ هههههه وصف ولا أروع .. كأنها بعير مسدوح.