رايكم يهمني بالنسبه Fx 2008

[ابوطلال]

السلام عليكم...
اول مشاركه لي في المنتدى الرائع جدا ما اقولها مجامله لاكن الموقع يحكي عن نفسه

انا ناوي اشتري Fx35 2008 ان شاء الله وصراحه والحق ينقال ما كنت معجب بالسياره لكن بعد ماشفت موقعكم

وكلامكم عنه صراحه اعجبني ونويت اشتريلي واحد امس رحت للحمراني الوكيل في السعوديه حصلت

سعره ب 170 ويقول عليه تخفيض له اسبوع واساسا سعره ب180 بدون نفقيشن وبلوتوث والنفقيشن سعره 6000 وسألت الموظف عن نزول الشكل

الجديد مع العلم اني ما دريت انه بينزل شكل جديد الا منكم قالي هذا يعني 2008 ماله شهرين نازل

وموديلاتنا الجديده ننزلها في شهر شوال او ذو القعده اللى هي 2009 قال ماجانا شي اكيد بس احتمال ينزل

الشكل الجديد في عام 2009 في امريكا وبعدها بسنه او سنه وثمان شهور يجي بالخليج رايكم هل كلامه صحيح وابي رايكم

وهو الاهم اشتري واحد الحين ولا انتظر وثاني شي افكر اقول حرام اشتري الحين ونفس الشكل له 4

سنوات او اكثر مع العلم اني معجب بالشكل هذا بس حرام اجلس 6 او7 شهور وينزل الجديد ويروح هيبته
ولاتقولون لي اشتر واحد الحين وقبل لاينزل الشكل الجديد بعه واشتر الجديد لانه بيطيح سعره ادري

طولت عليكم وبربرتي واجده لاكن تحملوني. (:

[EMIRATES_GUY]

نصيحتي اخوي انتظر الشكل اليديد

ما اعتقد انه نزوله عندنا راح يطول اكثر من سنه

[ابوطلال]

اشكر مرورك الكريم يا اخي العزيز...

ما اخلتفنا الشكل راح ينزل بعد يمكن اقل من سنه بس في امريكا وتعرف يبيله على ما اعتقد سنه او اكثر الين يوصل لنا في الخليج . وخوفي انتظر وينزل 2009 نفس الشكل ويتغير 2010 في الخيلج اكون صبرت سنتين .

[البحراني]

الشكل الجديد بينزل في امريكا بعد شهور بسيطه على اكثر تقدير 5 الى 6 شهور

وعندنا حسب الي لهم علاقه بالشركه واخوان يعملون داخل الشركه راح ينزل بشهر سبتمبر او اكتوبر
يعني بعد 6 الى 7 شهور

وللعلم هناك نسختين من السياره بنوع 6 و 8 سلندرات موجودين في دبي في المقر الاقليمي لنيسان في الشرق الاوسط، قاعدين يجرون عليهم التجارب ويعتبر هذا وقت مبكر على اختبارهم مما يعني ان السياره راح توصل خلال الفتره المذكوره

اما سالفة 2010 مستحيل ومن سابع المستحيلات

انفينيتي انتهجت نهج طرح الطرزات في وقتها عندنا
والدليل هو الـ G35 الي بقت فقط سنتين بالشكل القديم ولما غيروا الشكل، تم جلب نسخه بشكل مباشر لدبي لإجراء التجارب وبعد طرحها في امريكا بشهرين طرحت عندنا مع ان الشكل السابق لم يأخذ سوى سنتين

وهذا الشي تكرر حدوثه مع الـ G37 كوبيه فطرحت في امريكا موديل 2008 وعندنا 2008 نفس الشي

كما ان عندنا مصادر عطتنا الخبر اليقين عن تغير الـ Fx لموديل 2009 عندنا من عامين وكلامهم اقترب من التحقق فمثل قلت لك السياره موجوده في الامارات من الآن للتجارب

فهل تعتقد يجربوها من الحين حق يطرحوها بعد سنتين؟؟

[ابوطلال]

اشكر اهتمامك لموضوعي اخوي البحراني..

اوكى ما اخلتفنا انه بينزل بعد 6 او 7 شهور بس في امريكا ويبغاله سنه اقل تقدير عشان ينزل للخليج

مثل ما حصل للمديل 2004 كان نازل في امريكا من تقريبا 2002 وبعد سنتين جابوه لنا واتوقع راح ينزل

الشكل الجديد في الربع الاخير من سنه 2009

يعني افهم من كلامك يا البحراني انتظر الشكل الجديد

[kaka2010]

السلام عليكم <<<تتوه مسجل بقراطيسه :d

تصدق نفس الشئ حاصل معاي نفسي اطلع السيارة وخايف يتغير شكلها
بس انا افكر اشتريها الان واذا تغير شكلها استبدلها على طول
وش رأيكم؟

[ابوطلال]

هلا وسهلا بأخوي kaka2010

وعليكم السلام.. ولي الشرف صراحه ان اول مشاركه لك رد علي موضوعي

والله ياخوك انا فكرت اسويها مثل قلت اذا نزل الجديد راح يطيح سعر القديم وبقوه فحرام صراحه

اشتري واحد الحين ب170 واذا بعته زين يجيبلي 130 بعد ما ينزل الجديد بس ان كانت دراهمك واجده

زينهاالله يهنيك فيه مقدما شكلها مالنا غير الصبر بس عساه مايطول نقول ان شاء الله

[البحراني]

ياحجي اقولك في امريكا بعد 5 او 6 شهور وعندنا بعد 6 او 7 شهور

ردي طويل شرحت لك عن موعد نزوله والمصادر والموديلات الاخرى الي نزلت في موعدهاغيره وماتأخرت سنه!!!

عزيزي مو بس الاف اكس نزل بعد سنتين عندنا بل كل موديلات انفينيتي عدى الكيو 45 لأنها طرحت قبل طرح الماركه كإضافه فاخره لسيارات نيسان، كان وجودها هو مجرد تجربه هي مع الجيب السابق شبيه الباثفايندر QX4

تدشين الماركه الرسمي عندنا كان لموديلات 2005 ولهذا طرحت السيارات في هذي السنه مو قبلها، لأن في عام 2002 و 2003 ماكانت نيسان تفكر تطرح ماركة انفينيتي عندنا

ولما صار تغيير لأشكال الموديلات قامت انفينيتي بطرح موديلاتها بالشكل الجديد في نفس الفتره الي طرحت في امريكا

وفي لك مثالين اكررهم الي هم الـ G35 والـ G37 فهما كانا موجودان من عام 2002 في امريكا وجو عندنا موديل 2005 عندما قررت نيسان طرح الماركه عندنا وتغيروا في امريكا الاول عام 2007 وجاء عندنا في نفس الفتره ولموديل 2007 ايضاً وبعد شهرين فقط من طرحه في امريكا <<< لاحظ شهرين مب سنه، كما تغير الثاني لموديل 2008 وهاهو عندنا لموديل 2008

فأذا اخذنا بكلامك فلماذا طرحوهم في نفس الفتره الي طرحوهم في امريكا ولماذا لم يأخروهم سنه حسب نظريتك؟؟

وعلى فكره ماكان هناك Fx يباع عام 2002 بل اول موديل هو 2003 في امريكا وهذا طبعاً مثل ماقلت لك قبل طرح الماركه عندنا

كلامي الاخير السياره راح توصلنا خلال هذي السنه لموديل 2009

والي عندي قلته وانت على راحتك

تحياتي

[ابوطلال]

اشكر مرورك مره اخرى اخوي البحراني واشكر اهتمامك لتزويدي بالمعلومات

اذا باخذ على كلامك وانتظر ان شاء الله اللين ينزل موديل 2009 واكرر شكري لك اخوي البحراني

واتمنى ان موديل 2009 يكون بمواصفات افضل من الحالي من ناحيه الرفاهيه والفخامه والتكنلوجيا

بس بسألك اخوي البحراني متى موعد معرض جنيف هو في الشهر القادم بس عندك خبر هو في اوله

ولا اخره ؟

والله يقويك

[صريح للغاية]

وصلة مفيدة لـ موضوع في نفس السياق:-
http://www.nissan-arabia.com/vb/showthread.php?t=32571

الله يوفقك ..

تحياتي
صريح للغاية

[ابوطلال]

اشكرك اخوي صريح للغايه على الرابط صراحه استفت منه معلومات الف شكر اخي الكريم

[ابوطلال]

اشكرك اخوي صريح للغايه على الرابط صراحه استفت منه معلومات الف شكر اخي الكريم

والله يوفقك الجميع ان شاء الله

[البحراني]

راح يكون مزوود بمحرك جديد بقوه تفوق الـ 300 حصان على عكس الحالي الي قوته 275 حصان والثمانيه سلندر بقوة 400 حصان

وراح يكون مزود بنظام ملاحه ثلاثي الابعاد ويعمل كذلك عن طريق اللمس وهو غير متوفر بالحالي
وراح يكون التشغيل بكبسة زر وهو كذلك غير متوفر بالحالي

وراح يزود بنظام المراقبه المركزي ذو الاربع كاميرات
ونظام منع الانحراف عن الطريق
ونظام مثبت السرعه الذكي المطور

راجع بعض ردود هذا الموضوع على الرابط التالي ففبها شرح للمواصفات المذكوره وبالتحديد الصفحه الخامسه
http://www.nissan-arabia.com/vb/showthread.php?t=32418

تحياتي

[murano]

انتظر الشكل الجديد رح تكون سيارة رائعة
أهم شيء فخامة وجودة المقصورة الداخلية
رح تكون أعلى بشكل كبير

[F M]

على البركه مقدمن

ونصيحه اشتر 2008 افضل

لانه 2009 اكيد راح يرتفع سعره ممكن اكثر من 200 الف ريال ..

[C.Ronaldo]

اخوي حط في بالك ان اذا نزل الشكل الجديد راح يرتفع سعره ويصير تقريبا 220 الف اذا ماتفرق معاك اقولك اصبر احسنلك لأن اذا شريت 2008 وانتا تقدر على 2009 راح تندم لأنه كشكل ومميزات متطوره افضل بكثير من الحالي ...

والله يوفقك ان شاء لله ويباركلك فيه ان كان 2008 او 2009 موفق ^_^

[ابوطلال]

هلاوسهلا بأخوي البحراني كفيت ووفيت وبيض الله وجهك والف شكر وماقصرت على المعلومات.

...............................................

اهلين بmurano بنتظر وزي ماقلت اهم شي الفخامه.

...............................................

هلا بأف ام والله انك صادق بيكون غالي بس المشكله بتروح هيبه 2008.

..............................................

مرحبا بأخوي C.Ronaldo اتمنى يكون سعر 220 8 سلندر والسته يكون اقل لان بيني وبينك غالي ان كان السته 220 وانا ناوي على سته سلندر ان شاء الله

الف شكر للجميع والله يقويكم ويوفقكم ان شاء الله

[G-3-7]

اخوي السلام عليكم
انا انصحك انك تصبر شوي لان Fx 2009 راح يتغير شكلها و سعرها راح يكون اغلى