مشكلة ما في أحد حلها ... ميـن يقـدر يحلها

[max_2003]

السلام عليكم ورحمة الله وبركاتة


كيفكم شباب


ما ابي اقول قصتي لكم

اذا قلتها كل واحد منكم ينكسر خاطره علي ^_^


راح اقولكم بإختصــار شديد...

سيارتي : مكسيما
موديل : 2003
القير اوتوماتيك


مشكلتي تقريبا صار لها 9 الى 10 شهور
وخويكم من ورشة الى ورشة
حتى صار السوارية واليمينه يعرفوني ^_^

مشكلتي...
عند التغير من ثاني الى ثالث ما يغير على طوول يعني كأنه يفضي ويرتفع Rpm بعدين يعشق ثالث
خلوني افهمكم أكثــر ....

حطو ببالكم ان القير عادي
وانت ماشي والنمره على الثاني وتبي تعشق ثالث كأنك تفضيها وتدعس بنزين بعدين تعشق ثالث

هذي المشكلة تصير اذا كنت امشي خفيف يعني عند لفة او مطب او امشي على مهلي وغالبا تصير عند سرعه ثلاثين
اذا كنت امشي بسرعه ما تصير

زي ما قلت لكم..
تصير بين الثاني والثالث بس
وبين الاول والثاني توني قمت الاحضها

راح اقولكم بعض اللي سويتة
فحصت عند محل دكسول المعروف في صناعية الرياض
قال الكهرب مافيه شي
وبالاخير فحصت عند الوكالة
وتخيلو ...
قال ما فيه شي

زيت القير تمام
فلتر القير غيرته جديد من الوكالة


شباب
اللي عنده حل
لا يبخل علينا


والله يعطيكم العافية

[السيف الهلالي]

اخوي هذي المشكله صارت لواحد من الشباب بالباترول تبعه

وكانت المشكله الكتاوت ...


فما أدري كيف نظام المكس كتاوت ولا لا ما عندي خلفيه ..

لكــن الآدمي اعتتقد وداها الوكاله .. وصلحوها لــه ..


انا ودي انك تشيك هل فيها كتاوت للقير المكس !!

افحصها اذا في .. لأني بصراحه غشيم بهالشغله

[MAX^2004]

هذا نظام القير عادي

من يوم شريت الماكس وكالة وهي كذا

[بو نوره]

انا مكسيمتي مافيها هالشي وهي موديل99

بس انا اشك في السنسرات او يمكن عندك دبات السياره تكتم على الهوى

[كــاتم العبرات]

في موتري نفس اللي تقول عنه ومع هذا الكمبيوتر يقول ان القير توب ونسبه نظافه القير او شى زي كذا 97 %




الا ابي أسألك اذا دعست للموتر كل الدعسه كيف التبديل الاول والثاني هو شوي خشن والا لا؟؟؟

[max ss]

اتوقع مافي حل غير تغيرلك القير بكس

بس الصراحةماني متاكد ولا تأخذ بنصيحتي اسئل الشباب اول

سلام

[BIG TIME]

اخوي نصيحة مر على ورشة شلنجر بالصناعية القديمة ولاتقرب الترايستار نصااااابين وبقوة

[max_2003]

هلا وغلا

السيف الهلال
مشكور
بس ما ادري هل فيها كتاوت او لا؟؟
بس بسأل عنها

ولك مني جزيل الشكر




كاتم العبرات
اذا دعست قوي تبديلها مافيه شي
بس اذا كنت امشي على خفيف تصير المشكلة


اخوي
بيق تايم
اقولك ولا تزعل
كلهم نصابين
حتى انهم ماهم حاطين علامة نيسان على لوحة المحل

وفيه واحد نصحني من احد المحلات الكبيرة
يقول المكس صعبه يبيلها وكالة افضل ...


والف شكر لك اللي رد

[راعي ألتيما]

ما أقدر أفتي فيما لا أعرف .........

أسأل الله العظيم أن يوفقك وييسر أمورك وترجع السيارة أفضل من السابق بإذن الله العظيم ....

وسامحني حبيبي والله ما أعرف بالماكس نهائياً ....

[max_2003]

راعي التيما

الله يجزاك خيــر حبيبي


ما قصرت وربـّــي

[AUS]

asalamo 3alykom
this is my first respond i hope you will have some benefit
the problem is a mechnical problem with one of those things
1-the clutches for the 3rd gear are worn out and need to be changed
2-the springs for the piston are broken and need to be changed
3-the oil pump is dameged and need to be checked out
those are the most important reasons that causes this problem
one of my cousin had this problem with his chev and he changed the whole transmission box because it will cost you more if you want to fix your transmission box
i advise you to go and buy used one better for you
but you have to make sure that the seller will gave you warranty on that used one.

[AUS]

am sorry for writing in english
iam very slow in typing in arabic
;-)

[رحال300]

اتوقع من الحساس حق القير

[max_2003]

رحال
غيرت الحساس وكالة

ما ننحرم منك


Aus

معليش انا ثقافتي فرنسية ^_^

ترجم لنا الله يعطيك العافية

[AUS]

أنا آسف بس بطيء في الطباعة بالعربي
شف يا اخوي , مشكلتك صعبة شوي
القير الأوتو فيه لكل غيار كلتشين او اكثر حسب نوع السيارة
المشكلة سببها احد هذي الاشياء
1-الكلتشات للغيار الثالث بحاجة للتغيير لانهم متآكلات
2-السبرنقات للبستن اللي يضغط علي الكلتشات ممكن تكون مكسورة
3-مضخة الزيت اللي تضخ الزيت عشان يضغط على البستن ممكن بحاجة الى تغيير
واحد من اقاربي حصلت له نفس المشكلة وكان عنده مشكله في اول نقطتين , وكان الغيار الثاني و الثالث ما يركب.
اعتقد انو بيكلف تصليحه اقل شيء 3000 درهم(كلهم بيتفلسفوا عليك) بس ما اعرف اذا اقل من هذا السعر (يمكن لان سيارة قريبي امريكي وسيارتك يباني) بس نصيحة مني اذا المشكلة صلها فترة و ما في حد قادر يحلها احسن روح دور على واحد مستعمل وتاكد يكون نظيف وركبه احسنلك(تاكد انه خبير في التركيب ايضا)
على العموم يا اخوي ما تضغط على القير لغاية ما تحصل حل لا تأثر على اشياء ثانيه في السستم
و سبب انك ما تحس فيها لما تشد لانه أصلا ال rpm يطلع فوق و ما تحس ان الغيار ما ركب (بس في الأصل هو ما ركب على طول)
هل انتا تفحط في سيارتك كثير او تترايس فيها كثير لانه هاي المشاكل تنتج عن هذه الأسباب(حتى لو كنت تفعلها في الأول و بعدين توقفت )
و أي واحد يفحط أو يشد على الغيار يؤدي الى تآكل الكلتشات, بس مو ضروري تبين المشكله على طول, ممكن بعد فترة
أرجو اني اكون افدتك :-)
اعذرني في مشاكل الطباعة
نص ساعة جالس اطبع خخخخخخخخخخخخ

[max_2003]

الله يعطيك العافية

راح اسأل عن اللي كتبت

ما قصرت يالغلا



وسوري تعبتك معاي ^_^

[AUS]

لكان ليش انا مسجل في المنتدى :-)

[ماكس والقلب منحاس]

تبي الكلام لا تروح الا الوكالة ترا المكس مو اي واحد يفتح الكبوت

[barham]

انا صار في سيارتي القديمة مكس 2000 بالفة السيارة تصير شبه توقف علي ووديتها الوكالة و قالوا ان البانزين ما يوصل للمحرك يعني ينقطع عنه