شباب ابغى رايكم

[Dr_ T I I D A]

طبعا الاحمر او الاسود الداخلية بتكون بيج لاني ما احب الداخلية السودا

[AMG 7.3]

اكيد اسود .

[n8shBnDy]

انا من رايي يا...

>> اسود من جوا بيج

او

>> ابيض من جوا اسود

الاحمر حلو بس اتوقع بتمل منه بسرعه..

تحياااتي..

[الخاطــــــــــــــــف]

يا الأسود او الؤلؤي الصراحه رووعه

انا عندي G35 سيدان لؤلؤيه ومن داخل بيج صدق روووعه

والأسود حلو بعد

ولاكن الاحمر مادري خخخ بتمل منه بسرعه مثل ماقال أخوي n8shBnDy :)

[AMG 7.3]

خلك زيي ابيض من جوا اسود *_^

[Dr_ T I I D A]

طيب والباقين

[ماكسيما911]

احمر ومن الداخل بيج :)

وبالتوفيق

[محمد فكري]

اسود على اسود والمنيوم بدل الخشب

والله طررررررررررررر

الصاحة انصحك ان تعيد النظر في الداخلية البيج ........لانها مب شي مووووووووووووووووووووووووووووووووووووول

[{ الـبـاسـل }]

يا شباب ترى الناس اذواق

يعني مو غريبه شخصين يختلفوا

ولكن في نفس الوقت ( من شاور الناس شاركهم عقولهم )

بما انك حدد اللون الخارجي ولو اني افضل الابيض - لان يبين تفاصيل السياره بشكل اجمل بكثير


ولكن
اسود افضل من احمر برأيي


بالتوفيق

[AMG 7.3]

اسود على اسود والمنيوم بدل الخشب

والله طررررررررررررر

الصاحة انصحك ان تعيد النظر في الداخلية البيج ........لانها مب شي مووووووووووووووووووووووووووووووووووووول

تتوفر داخلية المينيوم في الخليج ؟؟

[محمد فكري]

for sure if u make an ordar & it was written in the car cataloge

[F M]

اسود وانت مغمض

[AMG 7.3]

for sure if u make an ordar & it was written in the car cataloge

والله الالمنيوم حلو .. بس الخشب مع الاسواد , ابداااع

[أهم شي]

أخوي أنا عندي أحمر وكل اللي شافوها عندي يقولون أحلى لون على الجي 35 اللي اخترته ..

لأن الأحمر حقها حلو وملفت يعني تشوفه من آخر الشارع ..

وفي النهايه الناس اذواق ..


وانا حقتي مركب عليها جنوط 20 ان شاء الله بنزل صورها بس المشكله صارلي حادث واذا صلحتها بحط الصور ..

[محمد فكري]

حتا الابيض من داخل اسود والله حلو ويكون خشب او لمنيوم لان صحيح كلهم حلوين ويا الاسود

[Dr_ T I I D A]

اسود على اسود والمنيوم بدل الخشب

والله طررررررررررررر

الصاحة انصحك ان تعيد النظر في الداخلية البيج ........لانها مب شي مووووووووووووووووووووووووووووووووووووول

احس الداخلية السوداء لسيارات الاجرة بس البيج يجي افخم <<<<<دا رأيي
عموما مشكور على ردك الحلو

[Dr_ T I I D A]

مشكووووووووووووووووووووورين وماتقصروا

[xs3odix]

والله كلهم حلوين بس انا اقول اللؤلؤي لان الاسود والله بيتعبك صح انه هيبه وسيد الالوان بس بيذبحك بالغسيل اسال مجرب والله انه علله بس اذا تغسل يصير شكل الموتر خيالي

[Dr_ T I I D A]

طيب احد يعرف الموعد الاكيد والمواصفات الاكيدة للدفعة اللي جاية

[xs3odix]

يقولون مع بداية السنة الجديدة

[ms_subahi]

والله منتظرينها من زماااااااااااان.....خلاص طفشناااا.....انا مستنيها تجي وابحجز وحدة حمراااا....

[xs3odix]

ايه والله من ناحية طفشنا صدق طفشناا

[Dr_ T I I D A]

طيب مافي ولا حبة من 2007؟؟؟؟؟

[محمد فكري]

ياجماعة روجوا احجزوا سياراتكم لموديل 2008

ابشركم يا اهل الامارات

خذو الانفنتي اي موتر منها في مهرجان دبي للتسوق

لان الجي 2007 لما نزلت في المهرجان نزل سعرها 6 الاف درهم

كان سعرها 135 الف صار 129 الف

طبعا 2008 راح يزيد سعرها

[راعي tiida]

الاسود احسن يا دكتور تيدا اخوك ( راعي التيدا )

[Dr_ T I I D A]

المشكلة ان الموظفين عندنا في جدة كل يوم يرمولنا كلام غير
واحد قلي السيارة راح يكون فيها نافيقيشن وواحد تاني قال مايدري
وواحد يقول السعر حيزيد 5 الاف والتاني يقول حيزيد 10000
ماتعرف تصدق مين
يقولولك مافي ولا سيارة وبعدين تشوف5 او 6 سيارات واقفة قدام المعرض غير اللي معروضة جوا المعرض
يعني هما مايبغونا نشتري ولا ايش؟؟؟
وبعدين لما تروح تقول للموظف ابغى احجز يقولك مافي حجز لما تجي دفعة جديدة نتصل عليك
خلااااااااااااااااااااااااص انا ابغى ابكي<<<<<خخخخخخخخخ<<<ميت من القهر

[AMG 7.3]

^^ نفس حالتي 100&#37;

انا كرهتتتتتتتتتتتتتتتتتتتتتت الحمراني

[xs3odix]

الي يقهرك بوكالة الحمراني ان موظفينهم ماعندهم سالفه ,, يعني ما عندهم خبرة ابد ابد

على العموم ننتظر بداية السنه الجديده ونشوف

[ms_subahi]

كنت احسب نفسي الوحــيد طلعتووو كلكم زيي هاا...خخخخ((( ما ادري ايش اللي رامينا على الحمراني ))

[صريح للغاية]

ههههههههههههه
والله نفس الحالة يا شباب وانا من قطر ..
اتصلت اليوم بقسم مبيعات الانفينيتي رد علي واحد مصري
اسمه (جون) --->> معروف ، هو الوحيد الله يرد عالتلفونات ..

قلت له متى تنزل G35 موديل 2008 ؟!
قالي لسه واللهي ، لكن هي نفسها زي الـ 2007 ..
موديل 2008 ممكن حينزل شهر 6 ..
لكن السعر هيزيد 20 او 30 الف ريال ..
----->>> بااااااااااال اشدعوه ..

وبعد قالي
طيب انت تيجي تشرفنا ، هنشربك أحلى فنجان (آهوه) = قهوه ..
والكلام عالتلفون ما ينفعش .. ومن هالكلام الفاضي ..

مناك لله يا وكالة الانفينيتي وموظفينها التعبانيين الفاشلين ..

ما اقول غير الله يعيين بس .. وحسبنا الله ونعم الوكيل ..
بالله عليكم ، هذه وكالة وموظفين يبيعون سيارة فخمة ؟!
والله وكالة شيري الصينية او سونغ يونغ كثير عليهم ...

تحياتي لكم
صريح للغاية ..

[محمد فكري]

^
^
^
هههههههههههههههههههههههههههههههههههههههههههههههههه ههههههههه
كل يوم دق عليه وخبرنا شو صار بلغته هو

ههههههههههههههههههههههههههههههههههههههههههههه ه

[AMG 7.3]

ههه شهر 6 مرة وحدة هذا يبيك تشتري ال2007

[Dr_ T I I D A]

تحس انهم جايبين الموظفين من حلقة الخضار او سوق الغنم

[AMG 7.3]

صحيح !! . .

[n8shBnDy]

شباب انا رحت وكاله الجبر بالدمام وقالو لي ان شاءالله بتنزل بعد شهر الى شهر ونص..

والفرق بين 2007 و 2008 نافيقيشن + بلوتوث فقط... << على كلام الرجال

ويقول السعر راح يكون من 140 الى 145

[الزنقل]

اقول حبيبي من الدخل والخارج أســــــــــــــــــــود
+تضليل اسود 100%

[Dr_ T I I D A]

ايوة تضليل اسود عشان يوقفوني في اول تفتيش ويقولولي (شيل التضليل)
وبعدين اسود من جوه في جدة اللي درحة الحرارة فيها دايما -تحت الصفر-

ماينفع ياحبيبي