استفسار

[قاهر الصحراء]

السلام عليكم


اشحالكم يا شباب ان شاء الله مرتااحين


فالبدايه حبيت ابشركم انه يوم السبت الماضي استلمنا السياره التيما 4 سلندر فول اوبشن بس بدون فتحه وجناح بسعر 78 الف درهم واللون ابيض


والسياره سيارة اخوي الصغير بس حاليا عندي في فترة التمرين


السياره ما عليها كلام


بس استفساري يا شباب .. المايك مال البلتوث وين مكانه بالضبط


لاني عفست السياره فوق تحت ما حصلته

[نواف5]

اولاً ألف مبروك
ثانياً يقولون انه موجود في المرايه الأمامية (اللي تشوف من خلالها السيارات اللي وراك)
وترى ماني متاكد!!!

وهذي صورة واضح فيها زر البلوتوث

http://www.up4uae.com/upfiles/vYN22496.jpg

[قاهر الصحراء]

اخوي انا قبل شايف الصورة

بس ها مش زر البلوتوث لانه جربته وطلع زر تشغيل المرايه بتعتيم ول بدون تعتيم هذا شغله


اما البلوتوث مب عاارف

وانا اسئل عن المايك اللي اتكلم منه لانه الصوت مره واضح حتى لو منز الشباك وصوت الريح صوتي يكون واضح فالاتصال

[نواف5]

خوك
والله ما عندي خلفيه لكن ان شاءالله الشباب يفيدونك فيه

طيب ما قريت الكاتالوج (دليل المالك)
ممكن يكون موضحين فيه
او يمكن مواصفات سيارتك ما يجي فيها بلوتوث ... الصراحة ما أدري!!!

الله يوفقك

[قاهر الصحراء]

اخوي السياره فيها بلوتوث

بس انا ودي اعرف مكان المايك وين بالضبط


وتسلم الشيخ عل المداخله

[CRAZY ALTIMA]

مبروك على السيارة الله يعطيك خيرها ويكفيك شرها


بس حبيت أسئلك هل فرشات الأرضية تحسها راكبة على نفس المكان ولا كبيرة (أنا أتكلم على الفرشات اللي ورى لأنها بتكون واضحة )

[lekwed]

الله يعطيك من خيرها ويكفيك شرها
انا والله جاي ابلحقك بالطريق
شوف دامك ما تدري وين المايك انا مثلك
بس دامه الصوت واضح
تمام
ليش تدور عليه دامهم حاطينه عندك فمك:)
يعني اقصد من قوة الصوت
احمد ربك واشكره :)
انا والله سيارتي بتطلع بعد العيد
ابدورلك فيها
خاصه اني اعرف الاماكن الي يحطون فيها البلاوي حقين نيسان
ماعليك ازهلها كلها كم يوم واطلعلك كل شيء
سلملم

[راعي الأرمادا]

أتوقع بالديركسون(المقود باللغة العربية الفصحى)
وعلى العموم انت ليش تدور عليه انا اسمع الي استخدموه يمدحونه وبخاصة المايك

[قاهر الصحراء]

يعطيكم العاافيه عل التواصل

اخوي راعي الارمادا بالعكس الصوت جدا رائع وواضح وانا كاتب في ردي الاول حتى لو كنت منزل الجامات صوتي يكون واضح

بس انا اسئل وين مكان المايك بالضبط

[أبو ميعـــــاد]

انا اعتقد بس مو متأكد ان السماعة المايك تكون عند اللمبات (مصابيح القراءة العلوية اللي عند ازرار الفتحة) تشوف فتحات صغيرة كأنها تهوية اظنها هي

بس بسألك هل السيارة تقفل نفسها بنفسها اذا سكرت الباب والمفتاح معاك بدون ما تظعط الزر والا لازم تظغط الزر

[فزّ الخفوق]

مبروك على اخوك السيارة ياقاهر



انا اعتقد بس مو متأكد ان السماعة المايك تكون عند اللمبات (مصابيح القراءة العلوية اللي عند ازرار الفتحة) تشوف فتحات صغيرة كأنها تهوية اظنها هي


عدل كلامك اخوي بوميعاد



والسيارة تقفل لحالها اذا كان المفتاح برا لكن بعد فترة تقريبا دقيقة ولا اكثر بشوئ

[قاهر الصحراء]

مشكورين شباب عل التواصل

وخلاص عرفت مكان المايك وين


شايفين الاضاءه اللي فالسياره في ليت برتقالي هذا هو المايك ( حسب الكتيب اللي فالسياره )

[lekwed]

ههههه شفته انا يوم جربت الالتيما في الوكاله
سألت راعي الوكاله قلتله هاللمبه الصغيره ايش
قال والله ما ادري
قمت قلتله خير ان شا الله
خخخخخخخ

وكاله وما يعرفون تقنيات الالتيما
ههههههههه