المساعد الشخصي الرقمي

مشاهدة النسخة كاملة : سؤال عن التيما 4 سلندر


B.A
10-12-2007, 03:04 PM
السلام عليكم
يا اخوان انا بخاطري التيما 4 سلندر الشكل القديم من 2005 الى 2007 بس حبيت اعرف شنو مشاكل السياره وهل المكينه تستحمل بما انها 4 سلندر وكم عمرها الافتراضي واللي يحب يزيد اي معلومه عن التيما 4 سلندر يتفضل يفيدني فيها............... ويعطيكم العافيه
راعـي المدمرة5.7
10-12-2007, 03:18 PM
السياره مايحتاج

بس ابعد عن الـ 2005

خذ يا 2006 او 2007

بحكم ان الـ 2005 بعضها نازل بـ عيوب مصنعيه

وانا والله خبرتي فيها قليله < معه v6
التيما ن ق ط
10-12-2007, 03:33 PM
الالتيما 4 سلندر سيارة عملية ورائعة
الأقوى في فئتها 188 حصان - ثبات رائع بسبب تعليقها الشبه رياضي - هدوء اثناء القيادة ( عزل صوتي جيد )
شكل متميز وفريد - قطع غيار رخيصة نسبيا
سيارة نيسان معروفة بالعمر الطويل مع المحافظة خاصة في ناحية الماكينة و الجير
حاول ان تبتعد عن موديل 2005 بسبب وجود صوت في مساعدها اليمين ولكنه لايأثر ( انا امتلك واحده )

استخر وتوكل على الله
السيف الهلالي
11-12-2007, 09:56 AM
والله يقول المثل ما تعرف قيمته الشي الا لا فقدته ...



انا فقدت سيارتي واله واستخدمت الباترول لمده .. ثم استخدمت الكامري

ثم رجعت لي سيارتي الالتيما الاربعه سلندر ...


..................................

اختلاااف جذري في القيادهــ من مسكة الدريكسون الرائعه الثبات بالمنعطفات العزم الرائع على انها قير اوتو ...


وموجود تسارع لسيارتي بقسم المطارحات .. موضوع مسجل بأسمي ...


السياره ماشي عليها 70 الف ماشاء الله .. ما غيرت فيها شي سوى الكفرات يوم الامس ... اخذت طقم جديد نفس نوعية الوكاله ...

لأنه ارسى واقوى بالمنعطفات ... بريدجستون B390

طبعا المقاس 205/65/16


وماشاء الله رجع الثبات للسياره كما كان ..


الخط رائع والتسارع روعه الين الــ 160 .. بعدين يبدى يثقل .. مدري قد يكون من عندي لأ،ه قير اوتو ...


طبعا السياره تتأثر مع المطبات الواجد ...(( حافظ عليها تحافظ عليك))

صرفيتها رائعه انا اعبي 95 ..... اذا ثبت السرعه على 120 .. الربع الاول يكفيك 200 والثاني 190 الثالث 190 الرابع 160 كيلو تقريبا ....


تقريبا يمشيك الــ 600 كيلو بالرحه طبعا اذا مثبت على 120 ... لا تزيد ولا تنقص ... ومشي رايق


بصراحه اذا انت انسان رايق وسواقتك رايقه انصحك فيها ....


القطع لا بأس بها لحد الان ما شكيت ولا غيرت الا بحفمات اماميه كانت قيمتها تقريبا 200 ريال

والان بــ 160 ريال


وشد الفرامل والبريك فقط لا غير ....


وبالتوفيق
ماكسيما911
11-12-2007, 10:15 AM
اللي اعرفه ان الاربعة ممتازة ... وعندنا بجدة مليان منها خصوصا ليموزين << يعني حقت كرف

لكن انت خذ وحدة وحافظ عليها مثل ما قالوا الاخوان ^^

وبالتوفيق اخوي
A..S..A
11-12-2007, 10:55 AM
السلام عليكم
يا ابوي انا معي التيما اربعه سرندل موديل 2005 وماشاء الله ماشيه معي ولا واجهتني اي موشكله والحمد لله ولا غيرت فيها اي شي الا القزازه الاماميه حقت الراكب انكسرت ونسرق جوالي والحمدلله على كل حال
راعي ألتيما
11-12-2007, 10:56 AM
تعال حبيبي أتركك منهم ما عندهم سالفه خصوصا السيف الهلالي .... (أمزح لحديزعل كلكم على العين والراس والله)

شوف ... الالتيما الأربعة سلندر مثل ما قالوا الشباب سيارة روعة وقوية وثبات ورساوة وعزم وانا أكلمك عن تجربة انا معي 2006 وما شفت منها إلا كل خيررررر ولله الحمد ...
بالنسبة للموديل فعلا أبتعد عن 2005 يفضل تاخذ 2006 أو 2007
السيارة عملية فوق الخيال
أهم شيء حاول تبتعد عن المطبات بقدر المستطاع ...
حاول إذا أخذت أوتوماتيك لا تخليها تكتم معاك يعني أقصد أوزن رجلك على البنزين

أما كلام أخونا وحبيبناالسيف الهلالي بخصوص إن السيارة بعد 160 تثقل فهذا كلام غير صحيح إطلاقاً أنا سيارتي 4 سلندر أوتوماتيك بالعكس والله العظيم السيارة بعد 160 تطير معاك طيرررررررررررررررران وتوصل 230 بسهولة مطلقة
أنا أعرف إن اللي تثقل بعد 140 هي الهوندا الأكورد مش الالتيما .... وهذا أيضاً عن تجربة شخصية ...

أنصحك بالالتيما لا تفوتك والله روعة ولو تاخذها وتركب جنوط حتى لو تجارية وترصصها أرضي راح تمشي ولا ابن أمه عنده أربع سلندر يتحداك ...

تذوق طعم الألتيما عندما تراها في المقدمة ...
B.A
11-12-2007, 03:46 PM
الصراااااحه مادري شلون اشكركم مشكووورين على التوضيح بالنسبه للالتيما وبعد هالكلام مافي تفكير باخذ التيما وانا نوعيتي ما اتعدى 140 مايهمني العزم فوف ال 140 وبالنسبه لصرفية البانزين مناسبه جدا واذا باخذ 2006 او 2007 واشكركم مره ثانيه ويعطيكم العافيه
السيف الهلالي
11-12-2007, 05:36 PM
الف مبروك مقدما والله يعطيك خيرها ويكفيك شرها

واتركك من هالمبزوط (( راعي التيما)) ..


هههههههههههههههههههههههههه


ياعمي يبيك تصفي الطبلون .. ما عليك منه وزين انك بعقلك مو مثله طاير مطيور مجنون

<<== قول لنفسك


وانصح الاخ راعي التيما انه يشتريله بريال فول وريال تميس ويروح يتعشى وينام ههههههههههههههههههههههههه


^^^^^^^^^^^^

مقولته الدائمه المعفنه لوووول
رحال300
12-12-2007, 01:49 AM
السلام عليكم
حبيت اسلم فقط
لائن 4 سلندر مالي علم فيها
بس الى اعرف ان 2005 فيها عيب في المكينه والقير
والمساعدات وكراسي المكينه
والسلام عليكم
راعي ألتيما
12-12-2007, 09:01 AM
أقول حبيبي لا تصدق أخونا (السيف الهلالي) تراه مبزوط ومزمبر ههههههههههههههه
ههههههههههههههههههههههههههههههه
ههههههههههههههههههههههههههههههه

ترى سيارته فيها عيب ما تمشي أكثر من 160كلم/س أنصحه يدخلها الحمراني هههههههههههههههههه

أما أخونا (رحال 300) ما شاء الله عليه ضيع أم السيارة يقول الـ 2005 فيها عيب في الماكينة والجير والكراسي والمساعدات وكفراتها محبله والتانكي مخروم والهوبات يبي لها خرط ...........................ز (وش بقي يا رحال) ههههههه

على العموم سامحونا حبينا نفرفش على الصباح ...................... مع السلامة يا (سيف بن شداد الغايش الهلالي)
السيف الهلالي
12-12-2007, 11:05 AM
صحيح ..

لكــن ما ذكرت ان سيارتكــ تغير بطاريتها من نوع (( أبو بــس )) كل يومين ...

ارجوك كون واضح يا أخوي (( راعــي ألتيما ))

خخخخخخخخخخخخخخخخخخخخخخخخخخخخخ


ما عليك مننا احنا بنخرب موضوعك لووول
راعي ألتيما
13-12-2007, 10:13 AM
والله شكلك يا سيف يا هلالي إنت اللي يبي لك بطارية (أبو بس أسود)

بس أهم شيء يكون البس أسوووود

واللبيب بالإشارة يفهم ....

وللعلم فقط ..... السيارة اللي بعد 160 تصير ثقيله معناها الجير على وشك يرووووح يعني توظيب هههههههههههه

يا سيف الله يوفقك ويعطيك خير سيارتك ويكفيك شرها .... قل آمين .......... حبيت أمزح معك الله يحفظك
ألتيما اليتيما
13-12-2007, 07:38 PM
السلام عليكم



والله العظيم السيارة بعد 160 تطير معاك طيرررررررررررررررران وتوصل 230 بسهولة مطلقة
أنا أعرف إن اللي تثقل بعد 140 هي الهوندا الأكورد مش الالتيما .... وهذا أيضاً عن تجربة شخصية ...

أهلين أخوي

أنا معاي 2005 ألتيما اربعه سلندر اوتو ...

الأكورد بعد 120 أصلاً تجيك طايره ليش (( لانها خمسه غيار وأكثر إنسيابيه ))

وأيضاً معروف إن الهوندا ملكه الأوتو (( والنيسان ملك القير العادي ))

لكن الحق ينقال ...

بالنسبه لأخوي صاحب الموضوع ...

خذ ألتيما 2007 مخزنه ....

وواضب على الصيانه كل 40.000 وما جاك علي ...


تحيه طيبه
كــاتم العبرات
15-12-2007, 05:56 PM
الالتيما موتر ام 4 سلندر وهذه مهي مع خويي راعي لموزين ويكدها كد وما حط فيها ولا مسمار
هاوي الالتيما
16-12-2007, 01:57 AM
بس اقول اذا عن الصرفيه السته افضل من اربعه سلندر بكثيرر


ونشوف راي اللي عندهم سته سنلدر
الوكالة
16-12-2007, 03:23 AM
والله انا خبرتي في الماكسيما

بس ياليت يوم تشتريها تصورها وتنزل صورها
وعلى البركة مقدما