شباب هل هذا عيب صناعي؟ في الالتيما الجديده؟؟؟

[lekwed]

هلا والله وغلى بالشباب
انا والله من محبين هالموقع
وان شاء الله قريب ناوي على الالتيما بأذن واحد احد
بس الي قاهرني انه امريكي ومااحب انا مقاطع يعني المنتجات الامريكيه
:82: ..... الزبده اخلص علينا وشو العيب

طيب طيب ابقولكم

انا فتحت السيارة في الوكاله في طريق خريص
والسياره تجي فل كامل مع الفتحه
انا يوم فتحت الباب وسكرته وكانت الفتحه حقت السقف مفتحوه للأعلى من الخلف كشكل حلو يعني
العيب هو اني يوم سكرت الباب طلع صوت من الفتحه زي القرقه كذا
انا ودي اعرف هل المشكله من السياره لحالها ولا كل السيارات كذا

القهر اني رحت شفت الاكورد وكسرت الباب من كثر ما اسكره علشان ابي اسمع صوت بالفتحه
بس ماسمعت ولا شيء يعني ماشاء الله جوده في السمكره مدري تثبيت الفتحه :)

......
ليتكم تتأكدولي من هالشيء او اي واحد شاري التيما الله يخليه يشيك لنا في هالشيء
الله يعافيكم شباب

[شاعر مشاعر]

وعليكم السلام ورحمة الله وبركاته

لو كان عندي ألتيما كان أفدتك أكثر

ممكن السبب يكون من كثر إستعمال السيارة لأنها عرض

لكن إذا أنت جاد في الشراء شوف السيارات إللي في المخزن وجرب هل فيها نفس العيب

"لاتنسى الإستخارة"

تقبل مروريــ

[lekwed]

مشكور على مرورك اخوي بس كان ودي اتأكد بس ان شاء الله الشباب ما يقصرون

الله يعافيك على مرورك الكريم اخي

[بوحازم الشنفري]

السلام عليكم ورحمة الله وبركاته

أخوي معي انفينيتي ونفس الحالة لو مسوي الفتحة على الكعب يجي صوت لو أسكر الباب بس عادي، والسبب أن غطاء الفتحة عائم تقريبا وهذا الشي يجنب انه مثلا يجي شي ويوقف في مسار الغطاء فيخرب الفتحة مثل 99% من بقية السيارات التي تخترب من أشياء بسيطة وتعقيد زي كذا، يعني باختصار تقريبا مافي شي يمنع الغطاء من الارتفاع فوق شوية وأستنتج من هذا انه ما يمشي في مسار ضيق مثل باقي الفتح، لكن يدخل هواء عندي للسيارة بشكل بسيط لو فاتح بالكعب ومسكر الغطاء، لكن بالمقابل ماجالي أركب في سيارة ثانية من قبل وتكون الفتحة على الكعب وهادية لدرجة انك في أغلبية السيارات تسمع كأن اعصار فوق راسك.

أتمنى إني أكون وضحت، وعشان تتأكد روح واضغط الفتحة من تحت وشوفها لو مثبتة في مسار أو حرة، تحياتي لك أخوي، والسلام عليكم ورحمة الله وبركاته.

أخوكم في الإسلام

[ماكسيما911]

ما اتوقع انه عيب مصنعي .؟؟

يمكن انهم مسوينها لاهداف ثانية مثل اللي ذكرها ^^ اخوي بوحازم ؟؟

[هاوي الالتيما]

عاديه انا عندي 2007 ونفس الشي بس اذا اكلت مطب مايطلع صوت بعكس قفلت الباب


وكانت عندي كامري 2003 كانت تطلع اصوات وحتى اذا كانت مقفله


مااقول الا لا توسوس هذا شي عادي لو هي صلبه كان انكسرت على طول

[lekwed]

ايوه قال وسوس :)
اولا ياما ناس قالولي موسوس
انا هالكلام ماخذه من واحد
وانا ما اهتميت في الموضوع ابد بس يوم رحت وشيكت على كلامه في نفس السياره لقيت صوت
وبديت اوسوس ههههههههههههههه
لا والله عموما ما همني الصوت بس يعني قصدك يا اخوي ابو حازم انه اذا رفعت الفتحه شوي ما يطلع صوت
يمكن اني ما فهمت عليك ابقرا كلامك اكثر من مره
مشكورين كثير على الرد شباب والله يعافيكم على الافادة
اخوكم محمد

[بوحازم الشنفري]

السلام عليكم ورحمة الله وبركاته

لا عشان أوضح لك ببساطة، الأغطية الأخرى تحصلها مثبتة بإحكام، هذا قد يكون ميزة لكن لو جا وسخ في المسار يعسر حركته وقد يخرب الفتحة.

أما اللي فاهمه في النيسان والانفينيتي انه يجيك بدون مسار يعني حر فمافي خوف عليه يدخل غبار مثلا يثقل الحركة لأنه ما يمشي في مسار محدد، فهمت قصدي؟ تحياتي لك، والسلام عليكم ورحمة الله وبركاته.

أخوكم في الإسلام

[lekwed]

ايه الحين فهمت قصدك تمام
معليش تعبتك معاي
ومااقصرت اخوي
وابشرك شريت التيما 2008 4 سلندر فل كامل ... ادعيلي
الله يجزاك الجنه

[بوحازم الشنفري]

السلام عليكم ورحمة الله وبركاته

مبروك والله وصدقني خيار موفق تماما، وعسى ربي يعطيك خيرها ويكفيك شرها، تحياتي القلبية لك عزيزي، والسلام عليكم ورحمة الله وبركاته.

أخوكم في الإسلام

[اليث الابيض]

اخوي هاذا عيب صناعي بالدفعه الاولى من التيما وانا سالتهم شخصيا عن هاذا العيب وحتى الي تجي بدون فتحه والمشكله على قوله احد الباعه يقول ان فيه فراخ بين السقف والبطانه حقته بس الدفعه الثانية ماراح يسير فيها هالشي وللمعلوميه هالعيب با4 سلندر

[lekwed]

ما ادري الظاهر انا الي بيجيبونها لي من الدفعه الي بعد العيد
ما ادري هل هي الدفعه الثانيه ولا لا ما ادري
حيث انني ارى الاكورد اكثر من الالتيما في الرياض

جيد اني اكون فريد بين 10 اكورد 1 التيما
:)

[ألتيما وبس]

اذا اعتبر هذا عيب مصنعي فانه ان شاء الله سوف يتم تداركه واصلاحه
لكن اعتقد الشركة جعلت هذا الشئ لاسباب اخرى منها جعل التندة كانها مرنة وليست قاسية
والله اعلم

[lekwed]

والله الاكورد عند اخوي لا صوت قرقه في الفتحه ولا شيء
والفتحه عنده شغاله زي السلام عليكم
عموما اذا اخذت السياره وفيها صوت ابمر عليهم واشوف ايش بيصير معاي
مشكورين الله يعافيكم على الرد في الموضوع

دمتم سالمين