الحمد لله تم اليوم وصل الـ لولو بالسلامة

[Mr.Memo]

بسم الله الرحمن الرحيم

بعد حيرة اكثر من شهرين

كنت كل مرة أفكر بسيارة وبلأخير أصرف النظر عنها لكن لما وصلت الى التيما تعلق فيها قلبي :53:

فكرت بالكورولا 1.8 Gli 2007

وكامري 2006 و 2007 فل كامل

كراون فكتوريا 2000 /2002

واستقريت على التيما 4 سلندر فل كامل لون أبيض لؤلؤي رغم اني طلبت الداخلية تكون بيج لكن جات رمادي واعجبني الرمادي

السيارة وصلت امس على 12 بالليل صراحة انطباعي الاول عن السيارة سيارة رائعة

لكن عندي كم استفسار هل اقدر اشغل المكيف لان ماشاء الله الجو :91:

كم ريموت يجي معاها "ريموت الأبواب"؟

وشكراً :114:

[المكس الضبابي]

ان شاء الله يفيدونك اصحاب الالتيمات

بالنسبه للمكيف

والله العالم انه يقال انه يضر

عني انا شريت المكس من وكالتها والحين ماشيه 260الف
ومشغل المكيف اول ماطلعت من الوكاله :63:
والحمدلله كلش تمام

[MAX^2004]

عادي شغل المكيف

ومبروك على الألتيما
الله يعطيك خيرها ويكفيك شرها

بالنسبة للريموت تجي مع الفل أوبشن 4 سلندر ويكون جهاز واحد فقط

[ألتيما وبس]

مبروك
الله يعطيك خيرها ويكفيك شرها
وتجي معاها ريموت واحد

[-- الجنرال --]

ل



.

.

[لتم 2.5]

الله يعطيك خيررررررها ويكفيك شررررره

[ماكسيما911]

بالنسبه للمكيف ..انا شغلته في الالتيما حقتي اول ما طلعتها من الوكالة وهي ماشيه 12كم فقط ..

و الان هي ماشيه معي 50 الف كم وزي الحلاوة ما شاء الله ..

والريموت يجي واحدحتى في الـ6 سلندر ومفتاحين سوداء ..


والله يعطيك خير سيارتك ويكفيك شرها ..

تحياتي

[ابو سراج]

اصبر لين تكمل 1000 واذا طلعته من الوكاله شغل مكيف على كيفك

اضمنلك يعني ,, واذا شغلت المكيف عادي بس ماتدري يمكن يضر

[Mr.Memo]

الله يبارك فيكم اخواني


ومن ناحبة المكيف شكلي بأصبر لين انتهي من الـ 1000 كيلو كلها كم يوم واخلصها :32:


بس عندي سؤال ثاني :53: <<<<<<<<ياكثر أسئلته

النوافذ الأمامية اوتو لكن غريب انها ماتنزل اوتو من ضغطة وحدة الا انزل انا القزاز كامل؟؟؟

شاكر لكم اخواني على تفاعلكم ومشاركتم فرحتي :53:

:114:

[السيف الهلالي]

الف مبروك عزيزي ... يعطيك خيرها ويكفيك شرها ...


النوافذ الأماميه اذا كانت أوتو تنزل من ضغطه وحده .. يمكنك ما طولت بالضغطه .. جرب طول

وايضا بالمفتاح طول على زر فتح الابواب والسياره مطفيه تنزلك ... الاماميه فقط ...

لكن ما ترتفع ...

وايضا اذا دخلت المفتاح مكان الكيلون الخارجي .. اقصد من الحارج استعمال يدوي بدون زر .. وطولت على جهة الفتح تنزل اوتوماتيك ...


المكيف خذ راحتك حبيبي مافي خوف على ضمانتي ^_^

[مكس x مكس]

الف مبروك الله يعطيك خيرها ويكفيك شرها

ولا تعال اقلك ليه ما فكرت بالمكسيما ليش خليتها خارج نطاقك

[راعي ألتيما]

نصيحة لوجه الله وراح تفتكرها بعدين ...

لالالالالالالالا تشغل المكيف ابدا ابدا ابدا خلص الـ 800 كيلو فقط وبعدها شغل المكيف

وصدقني والله ثم والله المكيف والسيارة جديدة يأثر عليها كثيررررررررررر حاول تمرنها في الليل يكون الجو معقول شوية

وحاول تجيب فيها يوميا حوالي 150كلم ولا تزيد السرعة عن 80كلم/س في الـ 400كيلو الأولى ولا تزيد السرعة عن 100كلم/س في الـ 400 الثانية وفي الحالتين لا تشغل المكيف أبد

بعد الـ 800كليو شغل المكيف على أقل درجة ولا تدعس في السيارة لا تخلي الـ آر بي إم يزيد عن 3 بأي حال من الأحوال ولا تدوس فرامل دوسه قوية وتوقف السيارة بقوة وفجأة والله هاذي الحاجات راح تعرفها بعدين وراح تعرف تأثيرها على العزم ..

ولعلمك راح تشوف عزمها الكامل بعد الـ 10.000كلم
ومثل ما قلت لكل الشباب انتبه انتبه انتبه من المطبات عشات تبقى السيارة معاك مترابطة بدون أصوات مزعجة ..
ولا تنسى كمان البنزين عبي 95 تراه ممتاز ويعطي السيارة احتراق كامل في السلندر حتى ولو قالت لك الوكالة عبي 91 لا تعبيه ابدا ابدا تراه زفت والله اعبي عصير توت في التانكي ولا أعبي بنزين 91

وربنا يوفقك ... ووافينا بجديدك عن السيارة وقلنا كيف هي معك ... وأي شيء تبي حنا تحت أمرك ،،

وبالتوفيق يالغالي ،،

[Mr.Memo]

الله يوفقكم يا اخواني على المساعدة الفورية وجزاكم الله كل خير ووفقكم دنيا وآخرة.....آمين

بالنسبة للنوافذ عرفت لطريقة فكها اوتو.

البنزين اتورطت وعبيته فل 91 او ماطلعتها من الوكالة عادي بعد مايخلص أعبيها 95 مايضرها بشي ؟؟؟

عداد الكيلو مترات المربع الصغير اللي بالوسط موجود رقمين واحد فوق وواحد تحت وفي فرق بينهم اللي فوق أكثر من اللي تحت.<<<<<<وش الفرق :121:
http://www.moq3.com/img/uploads/N6797741.jpg

صيانة الألف كيلو متر وش اللي يغيرونه بالسيارة وكم ادفع لهم؟


انا الى الان ماشي حول 300 وماخليتها تعدي 100 والضغط ماتعدى 3 :45:


أرجع واشكركم وكلمة شكراً قليلة الله يعطيكم العافية اخواني :53:

:114:


:128: :128: :128: :128: :128: :128:

[MMS_6626]

الف الف مبروك

وعقبال ما تغلق ال 1000 كيلو

اولا بالنسبة للمكيف شغله عادي انا اول ما استلمت التيمتي شغلت المكيف حتى الموظف قل عادي ما يأثر في السيارة

بس انت لمن تشغله لا تقويه وخليه على الربع الاول

اما بالنسبة للعداد فالرقم الى فوق هو الاساسي ما تقدر تغيره او تمسحه

اما العداد السفلي فله وضعيتين A و B وهذه الوضعيتين تقدر تصفرها وتتحكم فيها وهذه تفيدك اذا مثلا تبي تقيس

المسافة بين مدينتين والا اي شئ تبي تسويه

وفي الاخير اقول الله يعطيك خيرها ويكفيك شرها

بس ما قلت لنا اخذت اوتو ولا عادي

ا

[Mr.Memo]

الله يبارك فيك اخويmms_6626

وأخذت جير عايدي
<<<<<<<من عشاق الجير العايدي :124:

:114:

[آهـات خـالـد]

وعليكم السلام ورحمة الله وبركاتة

صراحة أحسنت الأختيار

والله يعطيك من خيرها ويكفيك من شرها

[قـ أمامـك نيسـان ـف]

اول شي اسلام عليكم ثانين مبروك الالتيما ويعطيك خيرها وكفيك شرها ثالث شي لونك صابر سبوع تنزل الالتيما الجديديه رابع شي عندك كمبيوتر رحلات اذا كانها فول كامل يجي عداد كم يوصلك البانزين يعلمك كمكيلو
فض ام اتانكي بعدين عب بانزين 95 وفي الختام الله يعطيك خيرها ويكفيك شرها

[nissany]

ما شاء الله ,,
الله يعطيك خيرها ويكفيك شرها
انا موتري اربعه سلندر له شهر مطلعه و قير اوتو واعبي 91 ((للأربعه 91 لأن 95 للسته سلندر ))
حتى سألت الموظف وقال بالضبط ((الاربعه تعبي لها 91وفـــوق والسته 95 وفوق)) يعني تعبي 91 احسن وارخص ,, وانت حر ؟؟
بالتوفيق لك وللجميع

[التيما مميز]

أهلين وسهلين اخوي
حبيت أبارك لك مآشآء الله تبآرك الله 000ألف 000ألف مبروك يآ أخوي
الله يعطيك خيرها ويكفيك شرها وشر سرعتهااا
وأحسنت الإختيار الصراحه
وأحب أعلق على نقطة واحده .. اللي هي ,
انت عبيت 91 صح ؟؟ نصيحتي لا تفضي السياره راح تنعدم عليك
اللي سمعته انه فيه طريقة تفضي الخزان ما أدري تفك شي من تحت سويها وانت عند المحطة كذا يفضى تماماً
بس انك تمشي فيها الين تولع لمبة البنزين وتمشي تمشي صعبه والله ..
ع العموووم الله يكتب اللي فيه الخير ولا تنسى تحصنها
بالتوفيق ..

[الحارث الهمام]

ألف مبرك أخي الكريم ولكن بكم أخذتها وكاله أو من المعرض ؟؟؟

[Mr.Memo]

الله يبارك فيكم اخواني
ماتقصرون وعساكم دايم سالمين وبحفظ الله


الحارث الهمام

السيارة اخذتها وكالة بـ74000 أقساط

هذا العرض على التيما 2007 الاقساط بسعر الكاش

[مكس والهوا عكس]

الله يعطيك خيرها ويكفيك شرها

ويعطيك عليها طيله العمر يارب

واعذرنا على ردنا المتاخر لاني مشغوول شووي



تحياااتي