حساس دعسة البنزين في الالتيما

[الاجودي]

السلام عليكم

مساء الخير

صات مشكلة في سيارتي وحبيت اطرحها عليكم

اذا احد قد صارتله او يقدر يفيدني

سيارتي التيما 2005 سته سلندر

قبل اسبوع صارت تقطع بعض المرات

توقعت يبيلها تغيير فلتر بنزين

رحت الوكالة ابي اشتري فلتر بنزين قالوا ان فلتر بنزين الالتيما ما يتغير

وديت السيارة عند محل في شمال الرياض اتعامل معه دايم

كشف على السيارة وقالي السيارة فيه حساس دعسة البنزين

وقال انا ماقد غيرته ولا اعرف وين مكانه

وقالي لا توديها لاي احد يلعب فيها

وناوي اوديها الوكالة

وحبيت قبل اوديها الوكالة اسألكم اذا فيه احد طلعت معه نفس المشكلة

او يقدر يفيدني باي معلومة اكون شاكر ومقدر له

واسف على التطويل

[ghost]

وعليكم السلام ورحمة الله

يالغالي انا صارلي حادث قبل مده ومن بعده عانيت من مشكلة الحساسات والفحوصات من وكاله لوكاله

المهم المشكله اللي صارتلي
(السيارتي تقطع على الار بي ام المنخص ويوم توقف في الاشاره مثلا فيها تفتفه وتلاقي الار بي ام يطلع وينزل مو ثابت)

طبعا انا سويت كاي مواطن
غيرت بواجي لانه قالي انها محروقه + تنظيف بخاخات
وراحت المشكله لمدة يومين كامله ومن ثم رجعت

قلنا نروح للحل الثاني اللي هو حساس الهوا يمكن خربان
وفعلا تم الكشف في شركة الحمراني وقالولي انه يبيله تغيير + تغيير حساسين للمكينة
والتكلفه طلعت فوق 2000 ريال
المهد دفعت فلوس الكشف ب 200 ريال واستلمت السياره وما سويت فيها شي

كملت بالسياره والتفتفه يمكن شهر وبصراحه صارت تضايقني هههههه
ويوم رجعت الشرقيه وديتاه عن شركة الجبر

وقلتلهم على المشكله وكشفو عليها وطلع عندهم حساس البنزين اللي بتقول عليه
وفعلا غيرولي هو وكان قيمته على 450 ريال والسياره لحد اليوم ضبطت معي بدون تفتفه ولا اي شي

بس بسئلك سؤال سيارتك كم ماشيه ؟
لانه يمكن تحتاج تنظيف بخاخات وبواجي
او يمكن حساس البنزين ابن الذين

الحساسات مشكلة في السيارات والله

ولو كانت مشكلتك نفس مشكلتي اللي وصفتها فوق
باذن الله 100% بس بتغير الحساس والسياره بترجع احسن من اول :)

سلامولي
وعذرا للاطاله

[راعي ألتيما]

شباب أسمعكم تتكلموا كذا يمين الله أحط يدي على قلبي ................. والله ولا تقول فلم رعب

حرام عليك خوفتوني .... وش كل هاذي المشاكل ... يااارب حوالينا ولا علينا .....

جوست مرة ثانية لا ترد ارجوك والله كلامك يخوف ....
يعني هاذي الحاجات طلعت بسبب الحادث اللي صار لك ؟؟؟ وللا طلعت فجأة ؟؟؟

قسم بالله شكلي ما راح أسرع أكثرررر من 80كلم/ساعة

إني داع فأمنوا يا أخوااااان ........
يااااااااااااااارب استر علينا ووفقنا ولا توقعنا بهذي الحاجات اللي نسمعها
.... يااااااااااارب لا توريني بوابة الحمراني وباعد بيني وبينها كما باعدت بين المشرق والمغرب إلا إذا كنت داخل عشان صيانة دورية ... قولوا آمين يا مسلمين .........

[الوكالة]

8
8
8
هههههههههههههههههههههههههههههه
المهم
اخوي جوست ما قصر و انا بصراحة مالي خبرة في الالتيما

[baboon]

ممكن من حساس الهوا

لان تصير معاي بعد ما اغسل السيارة <<<<<< مركب انتيك فتبلع بعض الاوقات ماي

افصل البطارية و رجعها مره ثانية يمكن تضبط معاك هذا انا الي اسويه

[ghost]

هههههههههههههه راعي الالتيما
حلو دعائك تصدق
ابغاك تنشره لكل امام في المسجد
عشان يقولوه في كل صلاة جمعة :63:


انا المشاكل صارتلي بسبب الحادث
وجا في الواجهه
ويمكن بسبب الورشه لانه كانو بيلحمولي قربة الهوا وكانت في محل ثاني والحبيب شكله كان يحرك السياره ويمشي فيها بدون فلتر ولا قربه ولا شي !!

المهم يا راعي الموضوع
انتا سويت الحل من الارخص للاغلى والله لايحوجك للاغلى
يعني زي ما قالك بابون
1- جرب تفصل البطاريه
2- يمكن المشكله من البخاخات والبواجي
3- حساس الهوا الملعون
4- حساس البنزين

وان شاء الله تنحل مشكلتك

والالتيما زي الحلاوة ماشاء الله لو تحافظ عليها
سلامولي

[الاجودي]

اشكر الجميع على الردود

الي سويته

1-غيرت بواجي قبل فترة قبل تطلع المشكلة
2-غيرت بعض الكوايلات مع البواجي لانها كانت تعبانة
3-سويت تنظيف بخاخات بعد المشكلة ومافي فايدة

رحت امس يوم الاثنين للوكالة وعطوني موعد يوم الثلاثاء القادم

يعني بعد اسبوع

قلت للموظف وين يابو الشباب انا اراجع طبيب اسنان

يمين يسار ابي اقرب الموعد بس مافي فايدة

رحت الصناعية سويت فحص كمبيونر ماعرفوا المشكلة

اليوم الصباح الثلاثاء اتصلت على وكالة الحمراني في القصيم

شرحت المشكلة بالتفصيل

قالي شكلها منظم بخاخ

جيبها لي اسوي لها كشف بـ 300

وشكلي بظرب مشوار من الرياض للقصيم عشانها

وتحياتي للكل

[راعي ألتيما]

ربنا معاك قسم بالله العظيم قطعت قلبي حاسس بالمشكلة اللي إنت فيها ...

أستعين بالله وحده وقبل تدخل الوكالة قول : (اللهم أكفنيهم بما شئت) وربنا راح يجعل لك مخرج ....