باثفندر مجموعة اسئله عنه ...هل من مجيب؟

[مستفسر]

اعضاء المنتدى السلام عليكم ورحمة الله وبركاته ...

لكل ضيف حفاوته ...وطبعا انا طازه ...يعني لاحد يلمسني الا ومعه " بيز " :)
. وحفاوتي الاجابه عن اسئلتي.

1- كم انواع الباثفندر وما الفرق بينها .

2- هل يوجد منه ديزل

3-في السعوديه لايوجد فيه مثبت سرعه وسمعت ان الى في الكويت فيه مثبت هل هذا صحيح وهل م 2004 سيكون فيه مثبت اعني السعودي

4- هل يوجد منه انواع فيها مكيف خلفي

5- هل صحيح ان مقاس كفراته17 غير متوفره الا عند الوكيل.

6- والتكييف هل هو ممتاز والا مثل الامريكي .

وبوجه عام ماهي عيوب الباثفندر .

وتكفون يااهل المنتدي لاتفشلوني وردو على .

اخوكم
مستفسر

[باثفايندر]

حياك الله اخوي مستفسر في المنتدى(3)
شكله من اسمك تبي تسألنا وتمشي مثل الباقيين(14)
1-الباثفايندر يوجد منها انواع منها XE قير عادي - اوتو لكن لا يوجد لها ميزات مثل اخواتها
وSE1 ويوجد لها مكيف لمس وسي دي وخشب وفتحه (اختياريه) و SE2 يوجد كل الميزات المتوفره في SE1 مع مقاعد جلد بالاضافه الى شاشه GRPS تقدر تضيفها بسعر 1000 دينار لجميع انواع سيارات نيسان
2-لا اعتقد انه يوجد منه ديزل الا تقدم لها طلبيه خاصه ...اذهب الى اقرب وكيل نيسان لديك
3-يوجد به مثبت سرعه لكن فقط في طراز SE2
4-لا يوجد
5-اعتقد اي بس انتا حاول مع محلات الكفرات يمكن تلقى اللي تبيه
6-المكيف في احسن ما يمكن (اسأل مجرب)(5)
7-مافيها عيوب تذكر

ارجو انك استفدت من اجاباتي(3)
اخوك باثفايندر(6)

[ملك التحديات]

مرحبا بك مستفسر معنا في النادي و اتمنى الاستمرار معنا ( مو تاخذ الجواب و تنحاش )(3)

ردي راح يكون مثل رد اخوي باثفايندر بس بتفصل اكثر

1- كم انواع الباثفندر وما الفرق بينها .

1- XE او مايعرف ب استاندرد بدون جنوط بدون خشب مكيف يدوي بدون ريموت كنترول اربع سماعات
2-SE1 خشب - جنوط 17 انش - مكيف اتوماتيك - مسجل +سي دي امامي واحد فقط - 6 سماعات - بوصله + درجه حراره خارجيه +ريموت كنترول للابواب - 1 ايرباج امامي للسائق - كشافات ضباب اماميه - عدادات اضائه بيضاء اللون - مقاعد خلفيه قابله للاماله و قابله للطي .
3 -SE2 نفس مواصفات SE1 و لاكن يضاف عليها سي دي خلفي يسع 6 اسطوانات - مقاعد جلد - مقاعد اماميه متحركه كهربائيا - اربع اكياس هوائيه اثنان اماميه و اثنان جانبيه - فرامل ABS - مثبت سرعه .

2- هل يوجد منه ديزل

لا اعلم و لم اسمع ان الباثفايندر متوفر ديزل ربما طلبيه خاصه الافضل التاكد من الوكيل

3-في السعوديه لايوجد فيه مثبت سرعه وسمعت ان الى في الكويت فيه مثبت هل هذا صحيح وهل م 2004 سيكون فيه مثبت اعني السعودي

متوفر مثبت سرعه على طراز SE2 في السعوديه من موديل 1998

4- هل يوجد منه انواع فيها مكيف خلفي

لا يتوفر مكيف خلفي لافي السعوديه و لا في اليابان نفسها

5- هل صحيح ان مقاس كفراته17 غير متوفره الا عند الوكيل
فعلا هذه المشكله كانت في بدايه عام 2002 اما الان متوفره في الاسواق
.
الكفرات متوفره عند وكيل كفرات بريجستون و الموزعيون في السوق .
و توجد انواع اخرى غير بريجستون متوفره في السوق السعودي.

6- والتكييف هل هو ممتاز والا مثل الامريكي .
التكييف ممتاز و دفع المروحه عالي جداا و بارد .

وبوجه عام ماهي عيوب الباثفندر .
لم اسمع من شخص عن عيوب في الباثفايندر الا مشكله واحد و سببها الاهمال من السائق و نفس هذه المشكله موجوده في الاندكروزر و هي جلد العكوس الاماميه اذا كنت من عشاق التطعيس فيجب عليك عمل حاجز وقائي من الصاج و تلحيمه في المقصات الاماميه لحمايه جلد العكوس و تكلف هذه العمليه 30 ريال لكل جهه 60 ريال للجهتين و بعدها روح وين ما تبي و انسى المشاكل اما اذا كنت ليس من هواة التطعيس فليس من الضروري عمل الحاجز

ان شاء الله ردي يكون وافي و كافي و اذا في اي استفسار انا حاضر واذا تبي مجرب اسال اخوي باثقايندر تراه خبير و مجرب

[باثفايندر]

مشكووور اخوي مجنون على التفصيل الممل لاجابتي(5)

واحنا ناطرينك اخوي مستفسر....اذا تبينا ندليك المنتدى احنا حاضرين عشان ما تضيعنا(3)
اخووك باثفايندر

مجنون جلوريا
هههههههههههه
شكلي انا الفاقد
تم تعديل الرد

[ملك التحديات]

باثفايندر (6) مافي احد اسمه فاقد في هذا الموضوع :)

[مستفسر]

الاخوين باثفندر ومجنون جلوريا اشكركم على سرعة التجاوب وحقيقه معلومات مفيده ومهمه بالنسبه لى ....

وبعدين اخوي باثفندر ماشاء الله عليك عندك فراسه انا حقيقه كنت مسجل بس لهذا السوال ...لكن لانك كشفتني اقول ان شاء الله اني استمر معكم ... وتعرفون رد الجميل من مكارم الاخلاق وانا ارد لكم الجميل الآن ... بس انزل شوي انت وياه الله لايهينكم
.
.


.

.

.

.

.

.

.

.

.بعدشوي
.
.
.
.
.
.
.
.
.
.
.
.
.
.
.
.
.
.
.
.
.
.
.
.
بالدور....... بالدور ..... بدون زحمه الله لايهينكم

.

.

.

.

.

.

.

.

.

.

بس ... بس ..وقف انت وياه وطالعوا الان

http://www.zcarparts.com/images/New_Z/newz0560.jpg

وهذي صورة السياره من الخلف

http://www.zcarparts.com/images/New_Z/newz0554.jpg

بعد هالمشوار وش رايكم في هالهديه ...

[باثفايندر]

واااااااااااااو(26) (26) (26)
مشكور على الهديه اخوي مستفسر
بس نريد منك المزيد ونبي نشوفك عضو فعال معانا(5)
(6)

[adel]

ما عليش شباب جيتكم متاخر

مستفسر الشباب جاوبوك و لازم تاخذ بعين الاعتبار ان باثفايندر عندما تكلم عن الشاشة فهو يقصد السوق الكويتي اما مجنون جلوريا فهو كان يتكلم عن السوق السعودي

اما انا فبجاوبك عن المحرك الديزل
لا يوجد للباثفايندر محرك ديزل و لا حتى بطلبية خاصة

اما موضوع الكفرات فكانت المشكلة موجودة لدى وكيل برجيستون لكن بحكم المنافسة في سوق الاطارات و شعبية الباثفايندر قامت اغلب وكالات الاطارات بتوفير هذا المقاس و خاصة الميشلان او البريللي ماني متاكد بس وحدة من هالشركتين مركزة على سوق كفرات الباثفايندر

و لا تنحاش تراك اذا شريت باثفايندر بتحتاجنا بعدين

(7)

[ملك التحديات]

تسلم اخوي مستفسر على الهديه

بس هااااااااااااه مو تسكتنا بالهديه و بعدين تروح و مانشوفك ترا اذا دخلت للمنتدى بقفل عليك الباب (6) و لا تفكر انك تطلع بسجنك (3) (3)

[adel]

مجنون جلوريا خف على الرجال لا تخوفه

[راعي الربع]

ارفقوا على الرقال

[yasin]

مشكورين مجنون جلوريا , وباثفايندر , عادل على التوضيح

واشكرا أخ مستفسر على المشاركه وانشالله نشوفك دايماً ويانا

[LONDANY]

والله مشكوووووووورين شباب (4)