سؤال

[zx300]

كم أسعار 300zx من موديل 90 ال 96 وكاله؟

[{ الـبـاسـل }]

اهلا عزيزي 300ZX

اسعار 300 ZX 90 - 96

وكالة ؟؟ اايام ماكان وكاله يعني ؟ لو قصدك نظييييف وكانه جديد ؟

وثانيا انت في اي بلد ؟ لان يعتمد السعر على المنطقه الي انت فيه

يعني دبي والامارات غير عن البحرين والسعوديه

ياريت توضح اخوي عشان نقدر نفيد اذا استطعنا

[zx300]

انا من البحرين

[{ الـبـاسـل }]

ماجاوبت على الاستفسار الثاني ( شنو تقصد بوكاله ؟ اكيد نظيف ومو ملعوب فيه وكأنه جديد وكاله صح ؟


على العموم
مدامك في البحرين
اسعار الزد موديل 90 الى 96 انواع
يعني في
تون كيم
وتون تيربوا
وتيربوا واحد وغير اذا كان 2 كيم اوو 4 كيم

وتتراوح اسعارهم ما بين

1700 الى 2500 دينار

موتري شريته 1900 دينار لكن صدته فلته يعني عليه اضافات ما تحصلها

يعني بعضهم تشوفهم عاديييين كلش وماعليه اي شي اضافي
وطبعا الاضافات تزيد في السعر

وقلت لك يعتمد على الموديل والنظافة واذا كان تيربوا او بدون او قير عادي او اتوماتيك

يعني لو تحصل موتر كلش ماعليه شي وقير اتوماتيك وداخل مو جلد بغض النظر عن المكينه تيربوا ابو بدون بكون سعره تحت شوي

لان المكينه مو مهم اذا كانت تيربوات او بدون لان اصلا اذا كان تون تيربوا بتكون فيه مشاكل وااايد

والاحسن لك تون كيم وقير عادي

اي استفسار انا حاضر عن الزدات

[zx300]

مشكور أخوي الفارس.
أنا باخذ واحد تون كيم وقير عادي مثل ما قلت بعدين بعدل فيه.

[سعودي]

انا ماني معاكم بالتيربو


تحس فرق السماء عن الأرض لمن تسوقها

والتيربو اذا كان وزنة الوكاله وماهو مفتوح من الصفر

مايسبب اي مشكله

والزد والجي تي اصولها عادي (الجير) مايصير اوتو(1)

[zx300]

طيب كم أسعار 300 zx تيربو (وكاله) في السعودية؟

[سعودي]

حقيقه الأسعار ماني مـتأكد عنها واتوقع في الثلاثينات


وانا اعتقد بقسم الشراء والبيع يمكن تلقى احد عنده خبر او يبي يبيع


لذلك راح انقله

[{ الـبـاسـل }]

سعدوي كلامك 100% صح

ايد التيربوا هو الحياة في الموتر (4)
بس عاد وين تلقى موتر وكاله مثل ما يقول اخونا
اكيد بتحصله متعبثين فيه شوي او مغيره المكينه او ما شابه

وانا جربت كل انواع الزدات تقريبا واكيد ماعجبني الا التيربوا وماكنت اشتري الا التيربوا .. للحييييين هههههههههه ماقدرت اترك التون تيربوا

ولكن لان الزد Z32 زد التسعينيات ماله قطع غيار في البحرين
وحتى في السعوديه قليل يمكن
من جذي يخافون عليهم وما يسرعون فيهم الا عند الضروره (20)
ويفضلوهم الى الكشخه والهيبه والشكل والحلااااوه (12)

تحياتي

[سعودي]

طول عمرك كلامك ميه ميه

(1)(1)(1)

[البحريني]

أخوي الفارس مشكور على المعلومات ....بس
تقدر تقول لنا السيارات اللي قطيتها (طرحتها) لأني سمعت ان الـ 300zxالتوين كيم ما فيه شده و التوين تيربو هو اللي يمشي لا و سمعت أنه قوته مو في القومة في التصغيره ( السنه) أتمنى أنك فهمت قصدي
مع تحياتي
البحريني

[{ الـبـاسـل }]

عزيزي البحريني
انا سبق وان تكلمت عن مواصفات التون تيربو وبعضا لفروق بينه وبين التون كيم
راجه هذاا لرابط الموضوع
http://www.nissan-arabia.com/vb/showthread.php?s=&threadid=3353
وبالنسبه لقوة الزد 300 التون تيربو ما عليك من الي قال ان قوته في التصغير بالعكس الموتر شيطان في القومة وال في المسافة
اما عن التون كيم فأدائه جدا قوي وما تقدر تستهين به ابدا لان الفارق ليس شاسع بين الاثنين
ويوجد نوع ثالث وهو التيربو 4 كيم وهذا قوته تنافس التون تيربو لان حجم التيربو شوي اكبر اضافه الى 4 كيم بدل 2 كيم

وعن السيارات الي طرحتها بصراحه انا ما اطلع ريسات بالموتر الا قليل وللتجربه فقط واذا احد من الشباب اضطرني لذلك وطرحت
280 زد - العد د2
كومارو 94
موستنغ 92
بي ام 12 سلندر
كورفت 92
لومينا اس اس

[البحريني]

مشكور أخوي الباسل على المعلومات و المتابعه
...بصراحه خليتني أعيد النظر في هالنوع من المواتر و يمكن آخذ لي واحد قريب إن شاء الله

[Dr.ZX280]

لا ياجماعه ...........................زز
أنا ما أيدكم بتاتا من ناحية الهيبه والشكل في الزد لتون تيربو..............
لأن الزد ات المرغوبه في البحرين هى240و260و280وطبعا لاننسى zx280 >>>>>>>>>>>>>فهى مرغوبه أكثر من 300 وللتون تيربو ,,,,,,,,من جدي نرا أسعارها أغلى من الفئات الأحدث وطبعا وقفة وشكل السياره أكثر حلاوه من الموديلات الأحدث.............والسعر يحكم

[{ الـبـاسـل }]

اخوي Dr.ZX280 على اي اساس انت تحكم الحين ؟؟
ان كنت تحكم على مسألة الشكل ( فالناس اذواق يالطيب) وكل واحد ورأية وذوقة الشخصي
تقاااارن 280 بالـ 300 Z32 ههههه اقولك الناس اذواق
===
ان كنت تحكم بالسعر !!؟ من قالك ان الزد 280 اغلى من الزد 300 Z32 ؟؟
لا تتكلم عن المواتر المرغوبه لانك قد ترجع لمسألة الذوق مره ثانيه
الزد 280 لو نظييييف وكاااله ما يزيد عن 1200 او 1300 واذا مصدقين روحهم فيه بحطون عليه 1500
واذا عادي ومو داك الزود تحصله على 700 او 800
تعرف اسعار الزد300 32 ؟؟ انصحك تسأل عشان تصدق . وشوف كم واحد بمستوى في البحرين بس .
ياخوي الزد Z32 اقوى زد انتجته شركه نيسان بموصفاته والشركه تقدر ترجع لها للتأكد

ومسألة الزدات 240 والـ260 هذلين الحين ينحدرون تحت شي اسمه (تحفه ) يعني شي قديم وكلاسيك ولابد انك تشوف سعره شوي غالي بالنسبه لموديله لان مجرد الحفاظ عليه لهذه الايام يعد ثمن غالي . . طبعا هو الزد 32 صار قديم الحين فما بالك بالزد 240
الخلاصه ( حتى مسألة السعر يا اخي مو هي التقييم الحقيقي للموتر ! اذا ما جربت تسوق زدات ان شاء الله بتجرب واذا ما ركبت زدات ان شاء الله بتركب وبتشوف الفرق بين كل زد انت قاعد تتكلم عنه وما تعرف حقيقته . وقارن بنفسك سواء في مشي الموتر في الشارع وقوته او رزانته او هيبته في الطريق قدام الكل

[300ZX2]

السلام عليكم اول شي وعيدكم مبارك
معاكم 300zx2 من الامارات

الصراحه انه كلامك قوي يا الباسل عن التون لاني عندي زد تون تيربو

لاكن انا احب كل انواع الزدات وقبل ما يكون عندي التون كان عندي الزد الجديم مديل 86
وبعته وخذت التون لا كن بعدي في خاطري اشتري الزد الجديم مديل 81 هذا الشكل يعجبني وما تهمني مكينته بحط له مكينة جيتي اس ار بي 25 تيربو فا شو رايكم

[AYMANEZ]

شكراً لك اخي الكريم على هذا المقال