وش الحل؟؟؟؟؟؟؟

[هتلر العرب]

السلام عليكم ورحمه الله وبركاته
كيف حالكم اخوانى
شباب انا معى التيما 2005 قير عادى 6سلندر فيها مشكلة القير احيانا يصير الكلتش خفيف مرة والقير مايعشق السيارة ماشية 75000 علبها ضمان لو اوديها للوكالة او لا؟
وسبب المشكلة عيب مصنعى والا وش السالفة؟
ويخصوص المكيف الهواء فية خفيف مرة واحس انه مايبرد وقت الصيف وفية مشكلة الروائح اللى فى المكيف
وبعد السماعة اللى فى باب السائق اذا شغلت السى يى دى احيانا صوتها يروح كاتشتغل والصوت الداخلى اللى فى السمعات ينخفض ؟؟؟؟؟؟؟؟؟؟
رجا ياشباب اللى عنده حل يلحقنا
وانا اسف اذا طولت عليكم
ومشكووووووووورين

[ranoo]

اولا السلام عليكم
بالنسبة لمشكلة الكلتش انك تخلي السيارة شغالة لمدة 5 دقايق بس ما ادري هل ان السيارة فيها مشكلة وتحتاج تصليح ولا لا
وبخصوص المكيف لازم تنظف الفلتير حق المكيف (اي يمني ينظفه بـ 20 ريال)
وبخصوص السماعات انشاء الله الشباب بينفعونك

[riyadh_hawk]

بالنسبة للكلتش ما اقدر افيدك
بس المكيف لازم تغير فلتر المكيف وقيمته 100ريال
والسماعات انا ما صارت عندي اي مشكله فيها
تحياتي لك

[( المرقاب )]

الكلتش اكثر من مره تصير معي ..


دبل له كم دقيقه ويضبط ..


ليش مدري ..

[راعي ألتيما]

انا قريت الموضوع لكن ما أقدر أفيدك سامحني لأن سيارتي 2.5 (4 سلندر)
استحيت إني أدخل وما أصبح عليكم
سامحوني

[هتلر العرب]

اله يعطيكم العافية شباب ماقصرتو
مشكوووووووووووووووورين
لاكن بالنسبة للكلتش انا رحت اليوم لورشة مكنيكى شغلهم ممتاز وقال لى انه لازم اغير قطعة مادرى وش اسمها الظاهر طرمبة الكلتش قيمتها 180 ريال ويقول ان شاء الله تصير
تماااااااااام
اما بالنسبة للمكيف ماتحسوووووووووون ان المكيف ضعيف مرة يعنى الهواء اللى يطلعة مو قوى وانه مايبرد والا المشكلة هذى عندى انا ؟
واذا كان الفريون حق المكيف ناقصوش انسب فريون لمكيف الالتيما
ومشكورين مرة ثانية وانا اسف اذا طولت عليكم

[Hard Rock]

روح افحصها بالوكاله او اي جراج يمكن سبحان الله في شي وانشاء الله ما فيها الا كل خير
بالتوفيق

[السيف الهلالي]

المكيف الهوا تبعه ممتاز بالنسبه لي ... وقوي .. وانا بالرياض وشدة الحر ... لكن عزيزي قد يكون متعود على سيارات ثانيه لأن فتحات المكيف كبيره ...


بالنسبه للسماعات .. ودها على الضمان يا عزيزي عند الكهربائي الوكاله قوله على المشكله ... وعلى الضمان ان شالله .. لأنها شد بلد ولا سويت فيها شي انت

الكلتش انا معي اوتو حبيبي سامحني

[هتلر العرب]

مشكورين اخوانى ماقصرتو راح اوديها للوكالة واعلمك وش يصير معى

[سعوودي 363]

هلا اخوي بالنسبه للكلتش انا توني مطلع موتري من الورشه عشان الكلتش
بالنسبه للمشكله علبة الزيت الي فوق شريتها ب 160 ريال وركبتها ب 150 وزان الحمدالله

[azo0o0z]

با النسبه لمشكله السماعات فهذا عيب مصنعي


انا رحت وصلحته عن الحوشاني الي با الغرابي وفك المسجل وعدل فيه وووو

دفعت له 300 ريال وبعد يومين رجعت المشكله بس على خفيف يعني يقطع اذا رفعته اخر الصوت


وبعد اسبوع خرب السي دي كله

رحعت للمحل قالي ياخي مسجلك هذا مضروب بصلحه وعلى طول يبي يخرب عليك

انا ناوي اغيره واركب حق باترول الجديد الي يجي سيدي واحد لان ال6 سيديات مشاكله واجد ولون الشاشه برتقالي

نفس الشد بلد

[لولو لؤلؤي]

السماعات احيانا وانت تمشي ادعس فرامل بقوه لما توقف وتظبط
الكلتش مدري
المكيف غير الفلتر

هذا اللي اقدر افيدك

[MalOoOke]

اخوي الكلتش والله ما ادري...بس الخلل اللي في السماعات ترى هذا مو من السماعات...من المسجل انا صارت لي من قبل ووديتها الوكاله وفكو المسجل وصلحوه ..وعلى طاري المكيف معروف ان مكيف الالتيما في النهار وجو زي جونا ما يسويلك شي يعني خللك على الهوا الطبيعي ازين لك <<<امزح معك بس معروف ان مكيفها مو ذاك الزود وبالتوفيق ان شاء الله

[الوكالة]

ما اقدر افيدك لانو معاي ماكسيما

[هتلر العرب]

السلام عليكم
الله يعطيكم العافية شباب ماقصرتوا والله مشكوووووووووووورين على افادتكم

[ماكسيمتي]

الوكاله اخوي لاتعداها مدام عالضمان استقعد لاهلهم وماتشوف شر

[رحال300]

من ناحية الكلتش اتوقع انه طبيعي لان انا عندي نفس المشكله ويجي قليل يعني فترات متباعده
اما من ناحيت السماعه الي في الباب غيرها لان يمكن داخلها تراب او ماء او شي ماثر عليها
وتغيرها سهل
من ناحية المكيف التيما لك عليه>>>>>>>>> حطه على hi وزهله هههههههه

[هتلر العرب]

اخوى رحال بالنسبة لصوت المسجل والتقطيعة اللى فية الظاهر انها من عدسة السى دى مو من السماعه
ولو فكرت انى اغير المسجل ماراح استفيد من ازرار التحكم اللى بالدركسون هذى (المصيبة)
اما الكلتش طلع من علبة الزيت (علبة كلتش علوية) حقها 180 بسيطة هذى
والمكيف على قولتك ع hi والله يعين
لاكن لو كان الفريون حق المكيف ناقص احط لة اى فريون والا فى فريون خاص؟

[F 1]

اخوي بالنسبه للكلش اذا كان ضمانك 150 الف احسن تروح للوكاله

لكن عندك السماعه حقت السائق عندي كانت مزعجه وفيها خلل مصنعي وتوشوش رحت للوكاله وركبولي سماعه جديده

والمكيف نظف الفلتر حقه تلقاه تحت الدرج الي على اليمين وشف اذا تغير ولا فيه مشكله ثانيه

[foooxg19]

شوف حبيبي ..
القيرالعادي ما ادري عنه اي معلومه
المكيف نظف الفلتر ويطلع ميه ميه
المسجل انا صارت معي نفس المشكله وصلحته عند واحد في الغرابي
المشكله فيه السلك االلي يوصل الصوت من السي دي.... بس
سلامو.....

[max with raeed]

السلام عليكم يعطيك العافيه اخوي علي الموضوع بالنسبه للكلتش انا اذكر اني تجاكرت اناو واحد راعي التيما يقولي اعاني من المشكله بس اتوقع دبل للكلتش اكثر من مره ويضبط انا بعض الاحيان يصير معي بالماكس عادي
والسماعات غير المسجل وانصحك بالي في السوق سوني او باناسونك كنود ممتاز وكثير مجربينه ومرتاحين

والمكيف عب الفريون كل النيسان فيه هل المشكله وانت تقول ماشيه 75000 ماقصر الفريون عبه ويطلع تبريده ممتاز


وبالتوفيق اخوك رائد

[عمري لومينا SS]

الله اعلم ؟؟؟ ليس عندي الخبره الكافيه للجواب على استفسارك وشكرا لك حبيت استطلع ايش الموضوع وان شاء الله تلاقي اللي يسرك من اخواني ...

[راعي ألتيما]

يارب أستر علينا كل ما اسمع عندكم مشاكل بطني يمغصني ...

الله يحفظ سيارتي من كل مكروه

[هتلر العرب]

يعطيكم الف عافية شباب بنجرب الحلول ونرد لكم خبر
راعى التيما لاتخاف ولا على بالك اخوى بسلامة الوكالة دام كل القطع متوفرة الحمد لله مو مثل بعض الشركات اللى انواع الخربات والعيوب وحتى القطع ماتحصلها
لاكن نصيحة لك اخوى الله الله بالاستخدام النظيف لان السيارة حساسة مرة
مشكورين وفيتو وكفيتوا

[التيما العمران]

اخوووي المسجل خربااان عيب مصنعي انا صارت لي بعد
ودها الوكاله يصلحونهااا

والمكيف كل الالتيمات كذااا دفع الهوااااء ضعيف
.
والكلش انصحك ودهااا الوكاااله
وتحياااتي

[هتلر العرب]

نقول بسم الله الرحمن الرحيم
شباب انا اليوم وديت السيارة للوكالة وغيرت قطعة للكلتش (طقم اصلاح علوى) قيمة القطعة 50 ريال وابشركم الكلتش 100 %
وغيرت القماشات الامامية والخلفية لاكن استغربت من سعر القماشات الامامية 200 والخلفية 150 مو المفروض ان القماشات الخلفية يكون سعرها اغلى من الامامية؟
وبالنسبة للمكيف رحت لمحل حق مكيف وفريون والشغلات هذى راعى المحل باكستانى فاهم مشاء الله علية اول ماجبت له السيارة وقلت لة المشكلة قال هذى يبى لها تنظيف فلتر والله العظيم ياشباب يوم طلع الفلتر ونظفة طلع من الفلتر انواع الوسخ والطعوس والتراب
وبعد مانظفة خذيت من درج السيارة عطر من العطورات اللى يحبها قلبكم وراح نص العطر على الفلتر
وشغلت بعدها المكيف الا فرق 180درجة تقولون من مكيف التيما صار مكيف سوبر بان مشاء الله
وماباقى الا السماعة بشوف لها صرفة واعطيكم خبر ان شاء الله
مشكوووووووورين شباب بيض الله وجوهكم ماقصرتو