حول تنشيط الألتيما ... حوار ونقاش

[راعي ألتيما]

تحياتي وتقديري لكافة الأعضاء والمشرفين المحترمين ..

أسمع دائما من الأخوان في هذا المنتدى الرائع عن تنشيط السيارة ..
سيارتي يا شباب التيما موديل 2006 جديدة ولله الحمد ماشية الحين حوالي 2600كلم فقط 4 سلندر جير اوتوماتيك السيارة بشكل عام روعة بس ثقيله شوووويه احب أنشطها بطريقة عقلانية ما ابي زي ما أسمع منكم أمشي فيها 200 كلم/ساعة أو أحرق أو ادعس فيها حرررررام السيارة جديدة ما ابي اسوي فيها كذا ..
دلوني على طريقة معقوله انشط فيها السيارة وتصير خفيفه وناعمة ارجوكم دلوني ابي كلام تفصيلي مو كلمة ورد غطاها ... انا في انتظاركم ... أخوكم المحب لكم جدا جدا جدا (راعي ألتيما) :114:

[السيف الهلالي]

أخي العزيز ..

زي ما انت عارف الحرق الزائد وقوة الضغط على المكينه = تمرين لها وتليين وتنشيط لكن برضو = قلة عمر ....


فالأفضل انك تنشطها بالخط يعني ما تقل عن سرعة 130 او 140 ...

لكن الشي هذا صعب انك تسويه بشوارعنا ... لأنه اقرب دورية سريه ^_^


كان في شباب يقولون انك تكون مثبت على النمره .. بس معناته بتحرق .. وهذا غلط لازم السياره ترتاح ...

وناس تقول زي ما تفضلت .. تمشي 200 وزي كذا .. وهذا صعب جدا .. ولازم خط طويل .. مثلا خط الحجاز .. الرياض الطائف

اشوف التمرين الممتاز لها انك تكون معتدل .. بالخط تعطيها حقها .. والمدينه برضو تعطيها حقها .. ضمن الضوابط المروريه ...

وحافظ على المحرك عشان يعيش معاك 8 سنوات معاك قدام بالراحه ... والاشياء الباقيه طبيعي انها تستهلك .. الا المحرك فهو أغلى شي بالسياره من ثم القير ...

لا تقلل عن سرعة 100 بالطرق السريعه ... وحاول تعطي كل نمره حقها .. ...


هذا اللي عندي .. بالتوفيق

[( المرقاب )]

انا سيارتي v6 ألتيما ..

كل يوم انشط السياره أدز لها من 0 إلى 250 .. على الاقل مرتين ...



عشان نشاطها ..


والى الحين الحمد لله ماانطرحت أبد ..

اخر سياره طرحتها ss 2006

[kenzo]

والله اخوي انا ماعرف ولاجربت
غير هذي الطريقة انك تمسك فيها خطوط عشان السيارة تفك
لكن طرق ثانيه ماعررف واخوي السيف الهلالي كلامه 100\100

[باحث]

انشاء الله الشباب يفيدونك

[ALT 2.5 IMA]

الـــسلام علــــيكم .,.,.,.,



اخوي راعي الاتيما انت موترك توه جديد اصبر بعد الخمسة الاف بتي

تنشط شوي بعدين عقب ال 20000 كيلو تبي تتغير عليك لكن مو معنى

هذا انك ماتدعس عليها لازم تعطيها حقها شوي وبتوفيق .




تقـــــــبل تحـــــــياتــــي .,.,.,.,.,.,

[{ الـبـاسـل }]

انا مع اخوي السيف الهلالي
في اللي قاله


الحرق الزائد وقوة الضغط على المكينه = تمرين لها وتليين وتنشيط لكن برضو = قلة عمر ....

والف شكر لكم شباب

[بوسعيدzx86]

انا مع خوووووي السيف الهلالي
وتقبل تحياتي

[زبان النفود]

أخوي ما فيه مثل مسكة الخطوط والسبب أن السيارة تكون تحت سرعة ثابتة وعداد الضغط >> rpm << عالي نوعاً ما .. طيب أنا ما أقدر أمسك خطوط لان ماعندي سفريات ولا وقت .. إذا كان قير عادي حاول تعطي كل نمرة حقها يعني مو تقومها بالثاني ومن الثاني على الخامس في الخط خطأ .. ××× .. الصحيح تستعمل كل نمرة ولا تغير إلا بعد العداد حق الضغط يكون على الأقل 3 .. وتكون سرعة ثابتة وعاليةنوعاً ما يعني 120 فما فوق .. طبعا أوتو فيه حل أنك تستخدم على الأقل يومياً نمرة >> l , 2 , 3 .. داعس عليها مهوب دايم ..