شوف صوره VTC يوم يعصب

[لاتلومه]

السلام عليكم يا شباب هذي اول مشاركه لي معاكم اليوم (بس رديت على موضوع واحد) اسمحولي لني بعلق على الفتك شوي وسمحولي اذا في اختلاف في الهجه



اظن انه قوه مكينه الفتك تبان من النار الي طالعه من الخلف شوفو الصوره بتحسون انه الفتك غير طبيعي الله على(((( الباك فاير ))))

[الاجودي]

صورة معبرة


يعطيك العافيه ياغالي


والنيسان مايحتاج كلام

[لاتلومه]

مشكور اخوي الاجودي على الرد وحبيت اراويك صوره لتيوتا الي اشتهرت في الامارات

[الاجودي]

اخوي لاتلومه

ليش معصب على النيسان

انت سير عوافي وشوف بعينك

طالع تل المرعب

وبعدين لا تفكر اني مستهين بالكروزر لا سيارة قويه بس النيسان اقوى

[لاتلومه]

مرحبا اخوي الاجودي مشكور على الرد ومشكور على الاتهام انا مش معصب من النيسان انا بلعكس فرحان انا ماشاركت في المنتدى الا لاني احب النيسان واملك نيسان ليش اعصب من النيسان وقبل لا املك النيسان كنت املك تيوتا كروزر ثمانيه سلندر وبعته وخذت نيسان فتك بس ابصراحه الفتق اقوا واريح في البر ولاكن مش اسرع من الكروزر النيسان ميزته يملك مواصفات حلوه بس سعره مش فيه اما الكروزر مافيه مواصفات مثل النيسان بس سعره فيه واذا دخلنافي الاعطال النيسان الفتك استخدمته سنه بس دخلته الوكاله خمس مرات بدلولي اقزوز وقير ونص مكينه والدفريشن بدلوه مرتين يعني اعطاله وايد اما الكروزر استخدمته سنتين مادخلته الا لتجيك وبعدين من ناحيه الاستخدام النيسان طلعته من الوكاله يديد مامشى الف كيلودعسته يوم وصل الميتين مااقدر اسمع ربيعي يوم يتكلم لنه يدخل هوا وصوت قوي وكرهت السياره سبت هذا الصوت كنت اتحرا هذا الصوت الا في سيارتيه طلع كل مااسال واحد يقولي هذا في كل نيسان والله استغربت دخلته الوكاله قالو ماله حل اما الكروزر من استخدمته لين بعته مادخل هوا ولا هل الاصوات الغريبه العجيبه انا اشرحلك شي انا مجربنه مش اسمع من الناس انشالله بعد مايبدلون شكل الكروزر ببيع النيسان وباخذ كروزر لني عرفت الفرق بين التيوتا والنيسان

اسمحلي اذا قلت شي يزعلك بس هذي الصراحه والصدق

[الاجودي]

اسمحلي يالغالي

انا استخد نيسان من زمااااااان

والحينه معي مديل 2000

دخلته الوكاله مرة وحدة وسبب العطل اهمال مني ما غيرت فلتر بنزين

وخربت طرمبه البنزين

ومن احسن ما يكون ومرتاااااااح منه واخوي عنده كروزر

كل يوم الثاني في الوكاله وكل يوم خربان ويطلع اصوات وينقط زيت

لكن سيارة عن سيارة تفرق

وكل واحد يرتاح لسيارة معينه

[باترول]

هلا اخوي لاتلومة
بصراحة ما عندك سالفة ترى الباترول مو هين انا كان عندي باترول91 وبعتة
وشريت باترول2002 سوبر سفاري وتسابقنا انا ويا تويوتا وطلعت علية بمسافة
طويلة جدا وفي نفس الوقت بالطعوس لعبت على التويوتا لعب
تحيااااااااااااااااااااااااااااااتي

[عاشق نيسان VTI]

السلام عليكم ورحمه الله

السموحه على التأخير فالرد على هالموضوع ... وعزاي الوحيد اني بعدي يديد عالساحه وتوي بس قاعد اناظر المواضيع الجديمه .....

من خلال هالمشاركه بس حبيت اعقب على كلام الاخ لا تلومونه وأقوله ( غلطان ياللي راح تبدل الاسد باللبوه ) .......

( يالفتك يالموت )
وداعه الله

[vtc4456]

كل واحد يرتاح لسيارة معينه انا الصراحه احب الفتك وايد وايد بس ارتاح للكروزر بعد لانها سياره ماشالله ما عليها كلام والشي الثاني انا ما استخدم الا التويوتا والنيسان ياباني فقط لاااا غيرررر

[فتك2002]

ما طلعتلي اي صورة .

بس من كلام الاخوان عرفت ان الصورة هي لموتر محترق او ما شابه .


اخوي ، لاتقولي نيسان يخترب وما ادري شو ، ولعلمك الموتر النظيف يسوى واااااااايد ، وسوق الفتك الحين صار اوكي عن قبل .

الخرابات ياخوي تطلع من الاستخدام ، يعني بتدهج الموتر وتعلن ابو خامسه وبعدين تقول الموتر خرابه ، هذا كلام غير منطقي .

وعلى فكرة في بعض السيارات وقليلة جداً هي اللي تكون متجمعه فيها العيوب المصنعيه .

واذا عن الصوت اللي تقول عنه ، فأحب اقولك انك بالغت شوي الصراحة ، انا موتري ما بجذب عليك فيه صوت ولكني اعرف السبب ، بإذن الله راح اغير ربلات البابين الاماميين للموتر وبيروح الصوت + عازل صوت ( اسفنج ) والموتر بيصير كأنه مرسيدس .



تحياتي والسموحة ، ووجهة نظري عن الباترول معروفه من خلال التجربه ( ملك جميع الطرق )

[آهـات خـالـد]

وعليكم السلام ورحمة الله وبركاته

أخوي لاتلومه حياك الله يالغالي بين ربعك وأخوانك وأن شاء الله تفيد وتستفيد

والصوره ما أطلعت لي لاكن ،، باين من الردود أن الموضوع فيه تنافس بين الباترول والكروزر

وحبيت أقولك شغله سياسة التناقس ومدح سياره لاتمحل شعار معين في منتدى يحمل هالشعار

ماتصلح وتسبب مشاكل وحقد ،، وأن عندك أنتقاد على الباترول لاتحاول توصله لنا بصور مزعجه

بل بصوره مفهومه وماتؤدي إلى التعصب والمشاكل والكلام اللي ماله أول ولا تالي ،،

وأنت وصلت اللي تبي تقوله في ردك الثاني ورأيك مهما كان نحترمه ونقدره

وعموما الموضوع بيتم أفقاله مب تعصب للباترول بل من أجل عدم إطالة الموضوع

وللمعلوميه ترى الموضوع قديم جدا وتم رفعه على قلت سنع