الفزعة ياشباب في G35 Sedan_2007

[sscs]

السلام عليكم
اخواني اعضاء المنتدى
اريد استشارتكم في سيارة انفنتي G35 Sedan_2007
وساشتريها عما قريب ولاكن انا محتار بينها وبين اللكزس ES350-2007
اريد نصايحكم فيهما ( عيوبها ــ مزاياها ــ صيانتها ــ قطع الغيار ) وكل شي فيها
وارجو ممن يقتنيها ان يساعدني
ولكم مني جزيل الشكر

http://www.cars-club.com/up/upload/b8c197b296.jpg

http://www.cars-club.com/up/upload/v74ajl.jpg

http://img.autohome.com.cn/upload/spec/2381/w_2381708954671.jpg

http://img.autohome.com.cn/upload/spec/2382/w_2382650573988.jpg

[عبوود]

اولا يسعدني ان اكون اول من يرد عليك ...
لاكن اظن ان سمعت اللكزس اقوا سمعتها في السوق اذا بغيت تبيعها بعدين.. والصراحة السيارتين كلها حلوة والله يوفقك ..... ولا تنسا تصلي صلاة الاستخارة.....

[بحر الموده]

الجى سيدان اجمل واقوى صراحه

[uaestar]

الجي 35 أجمل بمراحل عن اللكزس

أنصحك بالجي 35 وبشدة

[محمد فكري]

الصراحة انا بسألك شو احلى ...؟؟

شو اقوى..؟؟

شو اكثر شبابي..؟؟

شو ارخص..؟؟

الجي سيارة مترفة جميلة

تصدق اخوي انا عندي اف اكس بغيت ابدله بالجي ...ولكن هونت تعرف
ليش بسبب ان الاف اكس اكثر هيبة في الشارع

ولكن ما يدل هذا ان الجي مافيها هيبة بل هيبة ونص

انا انصحك بالجي

لانك شبابي وتحب السيارات الشبابية

[sscs]

مشكور على الردود
والله ما قصرتوا الله يعطيكم العافية
لكن ما قلتولي :
كيف صيانتها او اسعار قطع الغيار
بال نسبة للسعوديين
وهل انها تعيش فترة من الزمن ؟
ودمتم

[ahmadooooo]

انصحك بالجي 35
بالنسبه لقطع الغيار والله ماعرف عنها شي
والصيانه ماعرف عنها شي
و بخصوص انها اتعيش وله لا .. السياره اتعيش معاك لانها نيسان انفنتي و يابانيه يعني عمليه

[محمد فكري]

كيف صيانتها او اسعار قطع الغيار

اخوي اعتمد الانفنتي واللكزس نفس الحال يمكن الانفنتي

بشوي ارخص


وهل انها تعيش فترة من الزمن ؟

الانفنتي غنية عن التعريف فهناك سيارات وارد موديل 2003

والسيارات ممتازة جدا في المعارض

وبالنسبة لقطع الغيار ؤخيييصة مثل نيسان تقريبا


عموما انفتي في هاي الشغلات ...قطع غيار, صيانة.....وو...,وو مثل نيسان تقريبا

[sscs]

الله يعطيكم العافيه
كان قلتو من اول ان الانفنتي مثل نيسان
لانو انا لدي نيسان باترول مضبووووووط 100%
موديل تقريبا 99
وان شاء الله رح اشتريها
خلال الشهر هذا او الى بعده
بعد الاستخارة
والله يوفقني ويوفقكم
ودمتم

[سهم هم]

سلام عليكم
من ناحية الشهره عندنا حنا يالسعوديين فالتويوتا مغطي على النيسان بمراحل ويجب الاعتراف بهذا الشي - لكن اذا كنت منتب بايع وتبي استخدام ف انا انصحك بهذه السياره الانفينيتي لان جودتها ومتانتها احسن من الكزس اللي صارت مع الاسف حاليا جودتها تجاريه في الموديلات الاخيره .

[Q45 2004]

ياغالي تبي سيارة رياضية بجمع النواحي
خذلك جي 35 الجديده لان الصراحة جربتها سيارة قوية قوية مرة مرة الصراحة اتوقع تسارعها اقل من 5.3 وبعدين السيارة حلوة قيادتها وخاصة نظام الفرامل قوية مرة
بالنسبة لقطع الغيارة فمعروف ان انفينيتي اغلى من قطع غيار لكزس بكثير ..حسب تجربة

[sscs]

بالنسبة لقطع الغيارة فمعروف ان انفينيتي اغلى من قطع غيار لكزس بكثير ..حسب تجربة

يعني قطع الغيار مش زي نيسان ؟
ام اغلى منها

[بوحازم الشنفري]

السلام عليكم ورحمة الله و بركاته

وهل تجوز المقارنة بين نيسان سكايلاين V35 (اللي هي Infiniti G35) و لكزس اللي كأن مجموعة شيبان صنعوها في البيت لا تناسق شكل ولا أي شي، يمكن الإي أفضل للعوايل كونها أوسع حسب معلوماتي، بس حقيقة شكلها سخيف ويرجعنا حوالي 10 سنوات لورا، توكل على الله واغزي على السيارات الجديدة، بمعنى G35، تحياتي لك أخوي، والسلام عليكم ورحمة الله وبركاته.

أخوكم في الإسلام

[TareqTwinTurbo]

والله شوف أخوي صلي إستخارة و ربك حيوفقك للي في خير لك سواء الانفنتي جي 35 أو اللكزس إي إس 350

ومبروك مقدما على السيارة والله يعطيك خيرها و يكفيك شرها إنشاء الله

بس أنا عندي إحساس إنك حتشتري إنفنتي خخخخخخخخخ

أخوي أنا أعرف واحد من الشباب صارله حادث بلكزس إي إس 350 والله السيارة جديدة مالها كثير معاه صدم في تقاطع في كيا كلارس و الغلط عليه والله دفع تصليح 58000 ريال بسبب إنو الشاصيه اتعوج حق السيارة و أكيد الواجهة من اليمين اتعدمت عنده

فلكزس مهي رخيصة برضو سلللللللللللللللللخ بس هيكل الإنفنتي أقوى من هيكل لكزس

إنت بس إستخير والي فيه خير لك حيصير إنشاء الله

[sscs]

مشكور اوخوي ThE ReD AlTiMa
على المرور ولك جزيل الشكر
والله يوفقني ويوفقك .

[يوسف 20]

وعليكم السلام ورحمة الله وبركاته

بالبركة مقدما ياخوي وإن شاء الله موفق في الإختيار.. ومثل ماتفضلت

بعد صلاة الإستخارة توكل على اللي تريح بالك

بالتوفيق