شباب انا محتار بين الددسن ولا الهايلوكس

[ابو مــحمــد99]

انا بصراحة بشتري سيارة ومحتارة

بين الددسن والهايلوكس



وشكرا

[LONDANY]

هذا موضوع انا كاتبه وان شاء الله بيفيدك

وهذا الرابط

http://www.nissan-arabia.com/vb/showthread.php?s=&threadid=2089

ولك احلى تحيه

[الـشـ رهين ـوق]

هلا فيك ابو محمد ...


ان كانك تبي النصيحه من مجربهن كلهن ...


فانصحك بالددسن ... والرابط الموجود عنك يوفي ويكفي ان شاء الله

[الرحال]

اسال مجرب خذ الددسن ولا تسال احد

[GMC-454]

خذ الددسن ترى عزم طبلون ما يحتج أنا مشي على 240 عزم شد بلد ولا تخذ 2006 و2005 طيب خذ نصحتي ترى يقفل 195 ولله خذ 2004 2003 2002 2001 طيب

[عاشق كينج الصحاري]

السلام عليكم

خليكم ديموقراطيين شوي شباب

شف اخوي

انكانك تبي موووتر عزم لا وريشه لا تاخذ الا الهايلكس بس موب الشكل الجديد خذ الشكل القديم لانه انشط واخف

اما اذا كنت تبي الراحه والرساوه خذلك ابو عزييز (الددسن) لانه اريح من الهايلكس بكثير والبخاخات منه ما عليه عزمه تمام بس موب مثل الهلي

وانشالله انكون افتدك

تحياتي

اخوك عاشق كينج الصحاري

[مسلم]

أنا رجال راعي بر (( والا راعي غنم ))>>>>>>>(( اركد بلا دبش ))

ومعي ددسن غمارة 2005 الحقيقة العزم الددسن اقوى واريح وارخص وسرع بالخطوط

الهلي >> اخف في البر وخصوصا المراقي الطويلة


واحقاقا للحق عزم الددسن ما عقبه الا الجيب (( بدون مبالغه))

[ابو دحيم]

والله شف ياخوي اذا معك فلوس هلي لاتاخذ غير الهلي اذا انت راعي تطعيس وكشتات لان الهلي اقوى من الددسن بالنفود والقومة على الاسفلت وترى كل هذا الهلي موديله 2005 اجل لو 2006 وش راح يصير لان الهلي 2006 اقوى من 2005 بالنفود والقومة والخط بعد وتحيااااااااتي

[نييييسان]

إسمعها مني ومن واقع تجربة حقيقية

ددسن..وإن كنت راعي تعديل
فعدل شوي بقيره..وغير المراوح لمراوح كهربائية
وتشوف كيف العزم
وتشوف الفرق
والقوة..!

والله يرزقنا وإياك كل خير

[azizwh]

والله انا اقول كلن يقول الزين عندي انا مجربت ولا واحد منهن بس ان كانك راعي طعوس وتفتفه خذلك هايلوكس وتراه يجيب 220 وزواده لاني شفت مقطع كامري ترافس ورا الهلي وراعي الكامري مصور طبلونه على الاخر 220

[عااااشق باترول]

اخوي اذا والله تبي العزم فمن رايي تاخذ الهايلكس بس من 2005 وتحت
واذا والله تبي الراحه والركاده مع الخط خذ ام عزيز الددسن الهايلكس السراحه متعبه مافيها من الراحه شي الددسن اريح بكثيييييييييييييييييييييييير
والله يوفقك ان شاء الله للي فيه الخير لك




تقبل تحياااااااااااتي ,,,,,,,

[نييييسان]

دائمـــاً الآراء تختلف...

لكن إللي يحدد الإختيار..هو نوعية الإستخدام..والميول
فأنت اللي تحط لنفسك النقــــاط
يعني أنا أتكلم من باب تعديل وتزويد مواتر فالددسن أفضل كان الهايلوكس سابقاً والآن الددسن صار فيه مجال إبداع..

لكن ممكن غيري يتكلم من ناحية أخرى
فمن هنا أنت أيضـــاً يكون لك نظرة أيضاً

فعسى أن توفق بإختيار جيد ومرضي لك

تحيتي..

[الدكتاتوري]

خلوكم واقعين شوي يا شباب معروف ان الهايكس اخف واقوى بكثير من الددسن مو يعني ان الددسن نيسان خلاص لا والله الهايلكس فيه حقه والله وما نبي نخش في تفاصيل كثيره وكفي انه ( تويوتــا )

[المرعب911]

انا اقول بصراحه الددتسن ما فيه مثله للتعديل والراحه

وشكرا

[الهيثم]

يابو محمد99

إنت لو تدخل موقع لأهل التيوتا راح يقلون هايلكس

وإذا دخلت موقع لأهل النسان راح يقلون ددسن



لاكن الهايلكس أزين من الددسن بطعوس وبالخط

هذا رأيي والأراء تختلف

[اف اكس]

اخوي ,,


تبي الشور اللي يجمد على الشارب ,,



الهايلوكس افضل ولا بالفرق مع احترااامي للي الاعضاء .. وخصوصا الشكل القديم من ناحيه البر اما الجديد يصلح ديزل لانه خطير عليه ,,




بس ارجع واقول الهايلكس افضل ,, < وعن تجربه وقنااعه لاتحتار واذا ماعجبتك رجعها لي وانا اخذها منك ..