المساعد الشخصي الرقمي

مشاهدة النسخة كاملة : الألتيما وبنزين 91!!


مدمن ألتيما
28-02-2007, 02:06 PM
السلام عليكم ورحمة الله وبركاته..


اولاً : اخواني انا سعيد جداً للانضمام إلى هذا الركب من الأعضاء والمشرفين فأنا قرأت واطلعت على المنتدى بجميع مواده ورأيت أنه يمتاز بنخبة من الكوادر البشرية والمحبة للتقنية فهنيئاً لي بذلك...


ثانيا: أخواني القائمين على منتدى الألتيما لدي بعض الاستفسارات والإشكالات...


أولها : أني امتلك سيارة ألتيما 2005 ومع ظهور البنزين الجديد الذي هو 91 صدمت بأن الألتيما 2005 لا تقبل الا بنزين 91 مع العلم أنني كنت استخدم بنزين 95 قبل ظهور 91!!!

فكيف كانت تقبل 95 من قبل وحين ظهور البنزين 91 أصبح البنزين المخصص لها 91؟؟؟!!!


ثانيها : أن بعد استخدامي لبنزين 91 ظهر لي أن الماكينه لم تظهر لي كما هي بالسابق فختلف علي آدائها حين استخدمت 91!!!


أرجو من عشّـاق الألتيما إفادتي في هذا الشيء ولكم جزيل الشكر...



اخوكم / مدمن ألتيما
hifo
02-03-2007, 10:41 PM
هلا فيك أخوي ونورت المنتدى بوجودك
شوف حبيبي الألتيما 2005 تتقبل نوعين من البنزين
اللي هي 91 __ 95
الألتيما الأربعة سلندر بنزينها 91 وما فيه أي مشكله لو استخدمت 95
لأنه في الشركه قالوا لي كذا ( يعني 91 وأنت طالع مافيها أي مشكله )
وأنا مجرب بنفسي لأن سيارتي 4 سلندر ( بس أنا إلى الآن استخدم بنزين 95 ومافيه أي مشاكل )

أما بالنسبة للألتيما 6 سلندر فـ بنزينها 95 ولا تقبل أقل من 95 ( يعني 95 وأنت طالع )

وهذي المعلومات أكيده 100%

أرجو أني أكون أفدتك ..... تحياتي لك أخوي ....
البحراني
03-03-2007, 01:28 AM
ينقل لقسم الاختصاص ...
يوسف 20
03-03-2007, 04:46 PM
وعليكم السلام ورحمة الله وبركاته..


هلا فيك أخوي ونورت المنتدى بوجودك
شوف حبيبي الألتيما 2005 تتقبل نوعين من البنزين
اللي هي 91 __ 95
الألتيما الأربعة سلندر بنزينها 91 وما فيه أي مشكله لو استخدمت 95
لأنه في الشركه قالوا لي كذا ( يعني 91 وأنت طالع مافيها أي مشكله )
وأنا مجرب بنفسي لأن سيارتي 4 سلندر ( بس أنا إلى الآن استخدم بنزين 95 ومافيه أي مشاكل )

أما بالنسبة للألتيما 6 سلندر فـ بنزينها 95 ولا تقبل أقل من 95 ( يعني 95 وأنت طالع )

وهذي المعلومات أكيده 100%

أرجو أني أكون أفدتك ..... تحياتي لك أخوي ....

مشكوووووور أخوي Hifo والله يجزاك الخير كفيت ووفيت..


وحياك الله مع أخوانك وإأن شاء الله تستفيد وتفيد الكل...

وودي أسأل أخوي اللي نور منتدانا ونقول له حياك الله .. المعذرة أولا على التأخر بالرد <<ماشفت الموضوع نهائيا..

ممكن فضلا لا أمرا نوع سيارتك هل ست اسطوانات أو أربع؟

وصدقني الأفضل مليون بالمئة تستمر على 95 أظن أفضل حتى بقوة السيارة


بالتوفيق
مدمن ألتيما
03-03-2007, 11:02 PM
عزيزي hifo مشكور على الإفاده يالغالي وبالنسبة لسيارتي أنا هي 6 سلندر واستعمل بنزين 91 وفعلا السيارة تغيرت علي كثير حتى عزمها مو زي اول!!

وشاكر لك الافاده يالغالي وإن شاء الله افيدكم فيما بعد...
مدمن ألتيما
03-03-2007, 11:04 PM
عزيزي يوسف يا هلا وغلا فيك يالغالي...

سيارتي 6 اسطوانات ولكن السؤال اللي يتبادر إلى ذهني انا برجع استخدم بنزين 95 وانا الحين استخدم 91 هل أني افرغ التانكي حق البنزين من بنزين 91 بعدين اعبي 95 أو اخلطهم مع بعض؟؟


ارجوا الرد بإسرع وقت ممكن...
MalOoOke
03-03-2007, 11:18 PM
ما قصروا الشباااب
سعوودي 363
04-03-2007, 01:25 AM
اخوي مدمن التيما افضل للتيما 6 سلندر للعزم وعمر للمكينه 95
وبالنسبه خل بنزين 91 لين تولع لمبة البنزين خذلك كم لفه وعب 95
ونصيحه تعبي شيو 91 وشوي 95 هاذا يضر المكينه سلملم
قـ أمامـك نيسـان ـف
09-03-2007, 06:36 AM
اسلام عليكم
شباب حبيت اوضحلكم في هل معلوم اناتوني شاري التيما 6 سلندر
قير عادي من يوم طلعته من الوكاله ونا اعبي 91 مشيته 4000 بعدين
طلعت من الرياض الا الدمام وعبيت فول من الرياض واللحمد لله الصرفيه حلوه وصلت الدمام والبانزين علا الربع ونا ماعبيت الا في الرياض ولا وقفت اي وقفه ومع فوق ذالك اني امشي 220 240 واجاكر سيارات علا الخط وبس بصراحه حاولت اجيب 260 مارضت اذا وصلت250 تقوم تتفتف
التيما 19
09-03-2007, 10:34 PM
مو معقوله .... يعني الوكاله يكذبوووون ؟؟؟؟

انا سألت الوكاله وقالو لي ان الالتيما 6 سلندر بنزين 91 ...

وانا ما صرت اعبي الا 91 ...

طيب والحل بالله ... هل بالحاله هذي راح يتأثر عندي شي ؟؟؟


مشكورين .

تحياتي ,,,
hifo
09-03-2007, 11:31 PM
يا شباب استخدموا بنزين 95
يعني هي اش تفرق كلها كم هلله
والله ال 95 أفضل بكثيييييييييييييييييييييييييييييييييييير من ال91


ومشكور أخوي "يوسف20" على الإطراء ....تحياتي لك....
hifo
09-03-2007, 11:38 PM
أخوي "التيما 19" أنت أقرأ الكتاب اللي جاء مع السياره وحتشوف أن الألتيما 6 سلندر بنزينها 95

والوكاله اسمح لي أقلك ما عندهم سالفه
وكلامهم غلط 100%

وراجع الدليل اللي جاء مع السياره

والله ما أدري فيها تأثير على السياره والا لا المهم انت غير البنزين ولا تستمر على الـ 91 لأن سيارتك 6 سلندر
عبـود
10-03-2007, 12:14 AM
هلا والله اخوي فيك بين اخوانك وان شاءي الله تلقى عندنه كل الخير

الاتيما 6سلندر 95 مكتوب في الكاتلوج مال الوكاله
وانا صارت للي نفس المشكله عبيت 91 على الكتاب حق ارامكو
بس يوم شفت تغير عزم السياره تأكدت من الكتلوج وطلع مكتوب فيه
95
مدمن ألتيما
24-03-2007, 01:06 AM
مشكورررررررين يا شباب ما قصرتوا كفيتوا ووفيتوا...


جاري التخلص من بنزين 91 واستبداله ببنزين 95....

لعبوا علينا بهالبنزين شكله ديزل ويقولون بنزين !!
السيف الهلالي
24-03-2007, 07:39 AM
يا هلا والله اخوي مدمن ...

والتيما 19 .. كلكم نفس المشكله وخلاص الحمدلله لقيتوا الحل ..


زي ما تفضلوا الشباب غيروه ..


بس حبيت اضيف اشياء .. معي اربعه سلندر .. 91 << غباااااااااااء


اولا : ما تقعد بالسياره ياخي تنصرف بسرعه .. اعبي مرتين بالاسبوع وش هالجنان ...

ثانيا : ضعيف جدا العزم .. احس انه يحرق على الفاضي المكينه تحرق على الفاضي .. ومو مرتاحه .. صوتها في غرابه بصرراحه

<< يمكن اوسوس .. جايز ... لكن صدقوني عن تجربه .. يخلص بسرعه .. وعزم ضعيف ...


وفل الاربعه سلندر 95 >>>> بــ 37 ريال

لمدة اسبوع كامل ... بصراحه مره حلووو ... ويمشيك اكثر من 600 كيلو داخل المدينه ..


وخارج المدينه يمشيك اكثثر من 700 كيلو

ودمتم ^_^
باحث
25-03-2007, 11:36 PM
الالتيما 6 سلندر 95

والاربعه يقبل 95 ولا يضر
ألتيما 3.5
26-03-2007, 09:37 PM
طيب بكم فل الـ95 وكم فل الـ91 للالتيما ؟
السيف الهلالي
27-03-2007, 12:17 AM
ال95 زي ما ذكرت اول للأربعه سلندر بـ 37 ريال تقريبا

اما ال91 ناسي والله .. بس اتوقع تقريبا22 ريال او 24 ريال ناسي والله
عاشق المرحوم
15-04-2007, 05:54 PM
بو ركــــت
lekwed
09-03-2009, 01:53 AM
لا ويييييييين 37

اذا كان البنزين على الحافة الاخيره يطلع التعبئه فل 43 الى 42 ريال هذا 95

واذا كان البنزين على الحافة الاخيره تقريبا يطلع التعبئة فل 32 الى 30 مع طقة البنزين ووقوفه
هذا 91


والصراحه انا حولت من 95 الى 91 وما شفت اي فرق اطلاقا ً رغم اني مو راعي مقاومات ولا شيء

وحتى الصوت ما تغير


اقسم لكم بالله العظيم ان كلامي صحيح ماشفت اي اشكال مع 91 بالنسبه ل 4 سلندر
lekwed
09-03-2009, 01:59 AM
بالنسبه لسيارتك 2005 وهي من زمان 95 خليها 95

انا كنت اتكلم عن 2008

جزاك الله خير اخي