الامارات تخلو نهائيا من انفنيتي 2007 Fx

[me_only]

البارحه رحت انا واخوي وكاله نيسان علشان ناخذ اف اكس 35 (وهنا كانت المفاجاه:85: ) قالنا الموظف انه لازم تحجزها والاستلام بيكون بعد 3 شهور لانه ما في ولا حبه في الدوله (قلتله انزين اتصل دبي يمكن فيه حبه مني مناك) قالي في اماره دبي بس في 300 نفر حاجزين السياره وينتظرون دورهم

((فهذا دليل قاطع على نمو مبيعات انفنتي في الشرق الاوسط بشكل كبييييييييير وحصول هذه الماركه العريقه على ثقه العملاء في فتره لا تتجاوز الاربع سنوات بينما فيه ماركات اخرى احتاجت عقود من الزمن لكي تبرز في هذا المجال:114: :167: ))

[ألتيما وبس]

فعلا كلامك صحيح انفينيتي في تقدم كبير جدا
والله يعينكم اصبروا 3 شهور خخخخخخخخخخخخ(بس والله كثيرة)

[بحر الموده]

مرحب اخوى
غريبه ولا حبه موجوده فى الوكاله جيه وين سارن

ماعليك منهم اخوى عليك بالبريمى او راك موتورز بتحصل ان شاء الله

[XRoOoT]

غريبه!!!!!!!!

[المثيني]

هلا اخوي....

هذا نصيبك اتريا ثلاث شهور.....

والسموحه....

[مشعور]

ما عليك يا خويه لف البريمي وخذها انا ماخذنها من هناك والسياره شفتها هناك من سبوع ومعاملتهم احسن بألف مره عن المسعود والعربيه من ناحية الصيانه والتجييكات ع شان تجييك 10000 كيلو وقفتها الساعه 12 الظهر واستلمتها الساعه 7 نفس اليوم والتجييك فحص السياره بالكمبيوتر وتغير زيت وتنضبف سفايف خذو عليه 280 درهم..نصيحة اخوو

[محمد فكري]

كلامهم صحيح خصوصا بعد عرض مهرجان دبي

والسيارة ماعليها كلام

انا اتريت اكثر من شهر عسبت استلم سيارتي وعلى فكر هذا الكلام قبل سنة

[عشقي نيسان]

تعال الرياض مليانه الوكالات منها فيه بوكاله نيسان بطريق خريص دايم معروضه بعدين من جد شيء غبي من الانفنتي استغرب عدم نزول المكينه الجديده علما ان الشركه تعرف ان الدول الخليجيه وخاصه الشباب يحبون مكاين ال8 ياله ننتظر ونشوف

[البحراني]

تعال الرياض مليانه الوكالات منها فيه بوكاله نيسان بطريق خريص دايم معروضه بعدين من جد شيء غبي من الانفنتي استغرب عدم نزول المكينه الجديده علما ان الشركه تعرف ان الدول الخليجيه وخاصه الشباب يحبون مكاين ال8 ياله ننتظر ونشوف

تعلم الشركه بسياستها

الانفينيتي fX45 كان مقرر تطرح لموديل 2007 لكن تم التراجع عن القرار

الى 2009 لأن الموديل راح يتغير

[محمد فكري]

^
^
^
^
هل التغير كليا ؟

[leosat]

سلام للاخوان في الامارات.......على علمكم في محلات تأجير سيارات عندها الانفينيتي fx في دبي او ابو ظبي .....وموديلات كم ؟
اذا ممكن اسماء /تلفونات / او ويب سايت
وشاكرين لكم

مبتدأ انفينيتي :53:

[قاعد الحالي]

وياليت يا اخوان الي بالسعودية بالرياض الي يعرف محل اجار عنده الأف اكس

[البحراني]

^
^
^
^
هل التغير كليا ؟

اي تغيير كلي بس ممكن تحافظ على طابعها الحالي

يعني يمكن يكون التغيير مثل تغيير G35 السابق و G35 الحالي

ويمكن شكل جديد كلياً ومختلف نهائياً

[نبراس]

خويه .. نصيحه .. خذها من الـبريمي مواصفات أحسن من الـمسعود ,,
انا بعيني شايفنها .. أقل من أسبوع ..

[عنتر زمانه]

الانفينتيOK

[q8ty_86]

مشكور على الموضوع

[q8ty_86]

مشكور على الموضوع