فتحة السقف

[الـــ ـمــكــســ ـيـ ـما]

كيفكم شباب
انا نويت افتح فتحه في سقف موتري<<<<اجل في سقف بيتكم
وانا موجود بالرياض
رحت للغرابي
مالقيت الا محل اسمه الاقصى
وقالي اسويلك فتحه ضمان 10 سنوات
ويقول اسويها احسن من الوكاله
كلامه حلو
بس السعر!!!!!!!!!!!!!!!!!!!!!!!!!!!!!!!!1
توقعو كم قالي السعر
ابو الشباب يقول 4500 ريال!!!!!
وش رايكم
ما عندكم محلات تعرفونها شغل زين وسعر مناسب؟؟

[RaMy]

هلا وغلا ..

والله ماعندي علم فيها ...

بس اذا تبي شوري .. وكنت ملزم مرهـ على الفتحه .. حاول بقد ماتقدر تسويها عند الوكـاله .. اول شي اضمنلك .. وثانياَ ماتبين انك مضيفها يعني تكون زي شد البلد ..

بس فكرت انك تقص فتحه مادخلت مزاجي <<< وانت وش يدخلك بسيارت الرجال خهخهخهخه

وعلى كلامك ان الرجال قد سواها من قبل ويضمنها لك .. بس السعر يقارب لاسعار الوكاله يمكن !!

واللـه يوفقك ..

[شاعر مشاعر]

انشاالله الشباب يفيدونك

[آهـات خـالـد]

رح السلام اللي في الدمام شغله ترتيب حتى الوكلات تفتح عندة والضمان مدى الحياة والسعر 3000 ريال

[kenzo]

اخوي
اغلب الناس ماتنصح انك تسوي فتحة السقف عند اي واحد لانه عليها مشاكل مثل الامطار وكذا
لكن الوكالة اضمنلك وانا أأيد انك تسويها في الوكاله حتى لوصار شي لاسمح الله تقدر تراجعهم
و3000 سعر معقول
وبالتوفيق
تحياتي

[سعوودي 363]

لا ياخوي الاقصي ماعليك منه نصاب رح عند السليماني افضل محل فالرياض ب 4 الف

[الماكس 99]

لا اخوي الوكالة اضمن لك

والوكاة يفتحونها لك بـ4000او 5000ريال

لو تجي الحساء نفغتحها لك بـ1800او 2000ريال

اعرف واحد جيد

[المكس البترولي]

السليماني هو افضل وممكن يسويها لك 3500 انا قبل كذا رحتله

[يوسف 20]

السلام عليكم ورحمة الله وبركاته..

ياخوي أنا ماأنصحك بالفتحة لكن كلامه

وقالي اسويلك فتحه ضمان 10 سنوات
ويقول اسويها احسن من الوكاله
كلامه حلو

لكن ما دام أخوي سعوودي363 قال روح محل ثاني توكل على الله إذا عزمت

شوف أنا أعرف واحد من الشباب سوى فتحة في كامري ماشاء الله :103: سواها بالشرقية...

لكن ما أظن أي واحد يضبطها

وإأن شاء الله موفق

بالتوفيق للجميع

[ALT 2.5 IMA]

السلام عليكم ورحمة الله وبركاته ...

اخوي اذا كنت ناوي فتحه ؟!؟!؟!؟ الــــصراحه الحق يــــــنقال واحد من العيال مركب على اكورد 2003

فتحه عند الاقصى وشاريلها زرار وكاله من التشليح ولا تنسيم ولا هم يحزنون ولها تقريبا 7 شهور ولا

اشتكى منها واعرف واحد مركب على مكسيما 2002 ونفس الكلام , وارجوا اني افدتك .





تقـــــــــــبل تحــــــــــــياتي ,.,.,.,.,

[ماكس_2001]

تعال الشرقيه في محل في شارع الملك سعود إسمه السلام
بعض الوكالات تسوي عندهـ وشغله ترتيب ومضمون
وسعرهـ حول الـ 3000 ريال
وياشباب عندهـ شاشات وتخشيبات وكل شي
المحل روعه بصراحه

[التيما2006-v6]

شوف أخوي السليماني ماعليه كلام شغله مضبوووووووووووووووووط
لكن أن الزر حق الفتحه مو زي الوكالة يكون زر واحد بس
لكن أنا قد شفت التيما مسوي حركه حلووووة.......
......قاص كل السقف ومركب سقف فيه فتحه
مشوار صح:82: :82: :82:
احس ودك تضربني:53: :53: :53: :53:

[بو حنان]

اخوي رح السلام الي في الدمام

شغله نظيف

اسال مجرب

[POISE]

انصحك ماتركب لكن اذا انك مصر رح للوكاله...

[max_speed4ever]

انصحك بالوكالة
انا مكيف المكسيما عندي صاده عطل
غيرت المكيف من الوكالة والحين في احسن حال

احسن لك من الهنود مال المحلات التجاريه

[الـــ ـمــكــســ ـيـ ـما]

مشكورين شباب
بس وين السليماني الى بالرياض؟؟
لقيت واحد على طريق الملك عبدالعزيز
بس هو حق جنوط



ولقيت محل اسمه شركة السليماني بس يسوون له صيانه
ما ادري وش قصتهم
ابغى موقعهم الحين
وينه؟؟؟

[باحث]

فيه محلا كثير

السلام في الشرقيه

السليماني في الرياض

اللي في الرياض خل مسجد العويضه على يسارك اللي بمخرج 10
وادخل يمين تجيك قاعة افراح على اليمين بعد القاعه ب50 متر

[MalOoOke]

اخوي اذا تبي نصيحتي رح للسلام تراااااه مجرررررررررررب ومضموووووووون 100% وضمانه 10 سنوات ومثل ما قالوا الشباب حتى بعض الوكالات يقصونها عنده....وترى اسعاره من بين 3000-3500

وبالتوفيق

[الـــ ـمــكــســ ـيـ ـما]

مشكوورين على الردود
بس اخوي maloooke السلام بعيد
وانا بالرياض

[الـــ ـمــكــســ ـيـ ـما]

اخوي باحث
الى وصفتلياه مسكر
مريته امس ولقيته مسكر
وش الحل؟؟
ضروري اروح للشرقيه؟؟ وبعدين ماادلها من بيوصف لي؟؟

[ماكس_2001]

أخوي المكسيما
حبيبي إنت عزم وماعليك
أنا من أهل الشرقيه
أوديك لمحل السلام وتروح تشوفه وتشوف شغله
بالنسبه للأسعار 3500 يقصلك الفتحه مع الضمان
بإنتظار ردك . .

[maxima359]

سلام عليكم اخوي عندك السليماني في اخر الغرابي قبل الاشاره عنده والا الي عند اشارت الصناعيه السالم عند الا شاره الدايم عندها تفتيش