حــــــاير ؟؟؟؟!!!!!! أريد رايكم و رد أكييد لسؤالي...بخصوصfx35

[fxfx35]

السلام عليكم و رحمة الله و بركاته...أرجو بأن تقبلو بي عضوا جديدا بينكم :53:
(خالد من الامارات)

والله المنتدى ما عليه زود ...طبعا بمشاركاتكم الحلوه ...يستحق التقدير ..:167:


انا بصراحه ناوي على FX35 ....بس المشكله مهب متأكد من التغييرات ل 2007.....سمعت وايد كلام و كل حد يقول شي ...يعني تخمينات و احتمالات و اشاعات :91:

(الوكاله -المسعود) عطوني فيها سعر حلو (عرض خيالي) لموديل 2006 مع تركيب حساسات و بولوتوث مجانا...

المشكله ان ربعي يقولون انتظر 2007 ...ووالوكاله ما عندها الرد الأكيد عن التغييرات اللي بتكون في موديل 2007.......بس عطوني سعرها للموديل الجديد2007 (بحدود 178 ألف درهم)

أنا بصراحه مستعجل جدا عالسياره ....و الموديل الجديد راح ينزل في ديسمبر (كلام الوكاله) (يعني بعد شهرين):70: (99 ) ......علما بأن الفرق في السعر بيكون تقريبا 18 ألف درهم (بين 2006و2007

1- شو رايكم آخذ السيارة 2006 بعرضها الحلو :145: .....أو أنتظر شهرين و أدفع 18ألف زيادة (علما بأنني أستطيع استغلال ال 18 ألف درهم في تركيب التغييرات اللي راح اتكون في الموديل الجديد و أحط الباقي في جيبي :19:

2- أريد واحد يعطيني الخبر اليقين (و ليس احتمالات و اعتقادات) عن التغيير اللي بيكون في 2007؟

و شكرا ...أدري طولت :53:

[fxfx35]

صورة الطبلون اللي حطه أخونا ( على اساس انه موديل 2007 ) هو نفسه اللي نازل لموديل 2006 بأمريكا :91: ....و ليش شي فرق بين طبلون 2006 اللي عندنا و هذا اللي في الصورة المرفقه:70:

[ددتسن85]

لان الاف اكس نازل من عندهم من عام 2002 على انه موديل 2003
وعندنا نزل موديل 2005 ومو معقول ينزل موديل ويتعدل في الموديل بعده سنه وحدة بس
لذلك اجلو التعديلات عندنا لموديل 2007 وانصحك بالانتظار لانه يجي ان شاء الله
بكرت دخول بدون مفتاح وكامرا خلفيه والديكور الداخلي بيتحسن وشاشه وممكن نافقيشن

[البحراني]

انتظر لـ 2007 هناك تحسينات

هناك تغييرات على الداخليه وكاميرا خلفيه وشاشه ملونه طبعاً نظام الدخول بدون مفتاح (سمارت كي) او المفتاح الذكي كما يسمى

[fxfx35]

شكرا على ردودكم ...أخوي البحراني ...تحسينات داخليه أكثر من اللي في الصوره يعني :156:


أعتقد شي معرض فتحوه أمس في باريس (معرض سيارات) ....يمكن نزلو الموديل الجديد في المعرض...اذا أحد عنه فكره ...الرجاء الافادة بالصور ...

[البحراني]

^
^
^
لا ماراح تنعرض في باريس

السبب ان السياره لم تنزل هناك او بالاحرى لم تنزل في اي دوله اوروبيه

وستنزل هناك عام 2008 وفي كل اوروبا

[اف اكس]

تبي رايي اذا عطوك الوكاله سعر مره حلو خذ 2006 ...


ترا الموتر يوحش سعره يهزك بعدين عند البيع و2007 مافي تغيرات ذاك الزود كلها جنط وكم اضافات تافهه بهدف رفع سعره !!!؟

يعني لو تطق لك 2006 وتركب له جنوط نيكل تمشي مع العالم هههههههههه ...


هذا بالبنسبه لنا في المملكه مادري عنكم يمكن مواصفاتكم غير ! ..

وانت شاور نفسك وانت ادرى ..وخصوصا 2007 مطول نزوله يبيله شهر < ! وانت رجال مستعجل ..

[asd--999]

مبدعين ماشاء الله

:)

[q8ty_86]

والله اخوي مدام معطينك عرض اخذها احسلك

[أبو ميعاد]

أنتظر 2007 والله مابتندم ولا تستعجل وبعدين تحسف على استعجالك
وبعدين هي كلها شهر او شهرين بالكثبر والله راح تمر عليك مثل البرق
أنا ناوي انشاء الله أشتري موتر بعد شهر ونصف أقدر أشتري الحين بس مو نفس المواصفات ألي ابغاها فأخاف اشتري واتحسف فأصبر مثلي وماتتحسف انشاء الله

ومبروك مقدمآ

[نبراس]

خويه .. انا شراتك كنت ناوي آخذها .. تروح الوكاله يقولولـك ان شكلها مابيتغير .. بس يبون الفكه من الي عندهم ..

نصيحه مني .. اتريا الموديل الأديد . وتريا ولو على شهر 1 من الموسم الأديد ..

وتستاهل ..