الانفنيتي كيو 45 للاسف لن تصل الى القمه

[دايم النور]

السلام عليكم ورحمة الله وبركاته

اولا : احب اشكر القائمين على الموقع وهذا الموقع كنا ننتظره من زمان

ثانيا : نجحت انفنيتي في تصميم سياره تحاكي مشاعر اي شخص

يحب الفخامه والتميز في جديدها كيو 45 .

ثالثا: الكيو 45 لاشك انها سياره راقيه وخصوصا 2002 وما بعد على

الرغم انها ماحققت مبيعات جيده عندنا في الخليج 2002 حسب

ماعرفت من ناس يعملون في الحمراني وحسب ما اشوف في الشوارع

وين ووين لما تلقى وحده تمشي في الشارع .

اما الايام هذي اشوف فيه انتشار بسيط لها في الشوارع وخاصه مع

الشباب .

انا كنت ناوي اطلع 2002 لما نزلت لكن فاجئني انها ماكانت في مستوى

الطموح اللي يبغاه الواحد من سياره يدفع فيها 200 الف تقربيا

وعشان كذا ترددت اني اشتريها والى الان .

2003 نزلت السياره بمواصفات افضل من 2002 لكن الخوف انه اشتريها

ويحصل تغيير جذري في 2004 والمعروف انها ماتمسك قيمتها بسبب

الوكلاء وخصوصا هنا بالمملكه واحد اشترى 2002 بقيمة 182 الف

وباعها في 2003 ب 130 الف وماقعدت عنه اكثر من اربع شهور

وباعها بعد شق الانفس يعني كل شهر استعملها نقصت 13 الف

والحين بالمعرض فيه 2002 زيرو بين 145 الف و 140 الف ؟؟

انا سيارتي 99 كيو 45 اشتريتها بمبلغ 187 الف من الحمراني بالرياض

في صيف سنه 99 قبل لاينزل 2000 بشهرين واخوي اشترى نفس

اليوم لكزس 400 موديل 99 ب 210 الف الفرق بيني وبينه 23 الف عند

الشراء جينا عند البيع جابت اللكزس 105 الف

والانفنييتي 50 الف الفرق كم 55 الف ريال ...؟؟

هذا من ناحية القيمه .

اما من ناحية المواصفات الكيو الجديده فيها مواصفات ممتازه لكن

ماوصلت للمرسيدس او اللكزس430 يمكن اغفلت نيسان ناحية هامه

وهي التفاصيل الدقيقه في الفخامه الي اي واحد يدفع مبلغ 190 الف

يبحث عنها مع انها توفرت في سيارات اقل قيمه منها حتى لانقول ان

السعر 190 للانفنيتي مو زي 220 للكزس . فيه سيارات ب 170 و 160

و 140 وحتى 110 تتوفر فيها المميزرات هذي مثل :

1- المميزات الكهربائيه مثل ارتفاع مساند الراس وحزام الامان كهربائيا

و جود مرايا جانبيه تنطوي وتفتح كهربائبا مع الاسف ماتوجد بالكيو

2- ثلاجه للتبيريد الماء والعصير

4- تسخين وتبريد المقاعد مع ان فيه سبارات اضافت المساج ايضا

5- الحساسات الخارجيه ( الكاميرا لاتكفي ) لانه المفروض يكون فيه

تنبيه صوتي لان اللي مايركز في المرايا مو مركز بالكاميرا المفروض

حساسات اماميه وخلفيه مع وجود الكاميرا ايضا .

6- وجود ابواب شفط وهذا اضعف الايمان

هذا على سبيل المثال لا الحصر والنواقص كثير

طبعا التصميم ماعليه كلام ثوري وراقي ومميز وانا مشدود له كثير

وكان على الوكلاء انهم يتحسسون متطلبات العملاء ويعرفون رغباتهم

وانا ماقول الكلام هذا الا من حرصي على استمرار السياره وحبي لها

والله شهيد على ما اقول وشكرا ونتمنى نشوف الانفنيتي في قمة

السيارات الفاخره

و
السلام عليكم ورحمة الله وبركاته

[adel]

اهلا اخوي دائم النور
اولا احب ارحب بك معانا و الحمدلله انك لقيت غايتك في هالموقع

بالنسبة لملاحظاتك خلنا نتحاور فيها على قد ما نقدر

بالنسبه لمستوى المبيعات التي لم تكن كما تقول سببها اولا تاخر السيارة في النزول في المرة الاولى تاخرت و لم ينزل الجيل الاول الى الخلجي في بداية التسعينات بعكس اللكزس كما ان الجيل الثاني و الذي نزل في 97 واجهته عدة مشاكل منها عدم تميز شكلها الخارجي بشكل مميز بالاضافة انه نزل في وقت كانت نيسان الام على وشك الافلاس فلم تعطي السيارة في السوق الخليجي ما تحتاجه من دعاية و دعم و رعاية لكن نزول 2002 و ان كان متاخرا عن موعده بحوالي سنه الا انه كان فعلا ثورة لا تقارن بسابقتها و لا بمنافسينها الذين ينافسونها في نفس الفئة

بالنسبة للتغير في موديل 2004 خذها كلمه مني و موثقه انه ما ح يكون هناك اي فرق لا في التصميم و لا الشكل و المواصفات نهائيا ......... ايش رايك في هالخبريه محد يعطيك اياها حتى في الوكالة ... تدري النادي عندهم مصادرهم الخاصة

اما بالنسبة للسيارة التي تقول انها بيعت ب 130000 بخسارة 52000 فلا ننسى ان سيارات النخبة تخسر من قيمتها مبالغ كبيرة شوي في السنة الاولى و اعطيك مثال احد الاصدقاء اشترى لكزس 430 موديل 2002 اشتراها ب 231000 ريال و عندما جاء يبيعها في 2003 جابتله 165000 و صابه احباط و لا باعها يعني 66000 الخسارة فخسارة مبلغ كبير طبيعي في السيارات الفخمة

اما بالنسبة للميزات يمكنك مراجعة الرابطين التاليين لتجد الفرق بينها و بين اللكزس
http://www.nissan-arabia.com/showthread.php?s=&threadid=167
http://www.nissan-arabia.com/showthread.php?s=&threadid=133

و لن تجد سيارة تتساوى معها في المواصفات و السعر.. نعم ستجد انه ينقصها بعض المواصفات و جيمع السيارات لن تجدها كاملة فلو قارناها بما يعادلها من سيارات في السعر سنجدها تتغلب عليهم من حيث المواصفات و نددها مثلا انها تتغلب على اللكزس في المواصفات مع انها اقل منها في السعر بمبلغ 40.000 ريال

نعم ينقصها بعض المواصفات البسيطة او بمعنى اصح اللمسات لان الاشياء التي تنقصها لا نستطيع ان نعتبرها اشياء اساسية لكنها اشياء مرغوب توفرها لكنها في الاخير اذا تم اضافتها سيتم التاثير على السعر و يؤدي به الى الارتفاع و هنا ستبتعد عن سعرها الحالي

و اتمنى ان نرى لك مشاركات اكثر لتثري القسم خاصة بحكم انك عميل انفينيتي كيو45 لاربع سنوات

(6)

[باثفايندر]

والله انا مستغرب ليش السيارات الفخمه تضيع قيمتها عند البيع بعد الاستعمال بهالسرعه؟؟؟؟؟(1)(2)

يعني المرسيدس مثلا تعتبر من السيارات الفخمة لكنها تحتفظ بسعرها وبجودتها بشهادة كثير من الناس

اخوكم باثفايندر

[التايه]

تسلمون على المعلومات المفيده

[QX4]

اخوي دايم النور لك تحياتي ..... مشاءالله عليك .... اسلوب رائع

اختلف معك بحكايه ان السياره ماهي منتشره .. اشوفها ميزه للسياره اكثر من كونها عيب.

اتفق معك انها سياره ما تمسك سعرها ابد ابد . وليس هناك مقارنه مع الكزس من هالناحيه .و السبب يعود للميزه الي فوق وهي انها ماهي منتشره . يعني الموضوع مشربك (3)

[yasin]

حياك الله (( دايم النور )) بلمنتدى

[ملك التحديات]

هلابك اخوي دايم النور

موديل 99 ب 50 الف ؟؟؟؟

قبل شهر كنت في معارض الرياض و سالت عن اسعار الانفينيتي
موديل 98 ب 72 الف
موديل 99 ب 81 الف
اما عن اسعار ال 2002
موديل 2002 ماشيه 14 الف 141 الف
موديل 2002 ماشيه 2300 كيلو 147 الف
موديل 2002 زيرو 169 الف

اخوي دايم النور بصراحه انت ظلمت السياره خصوصا في سعرها في السوق .

اختلاف الرأي لا يفسد للود قضيه