محتار .. وش اختار [الأرشيف]

عاشق الخالد

11-04-2003, 01:40 AM

السلام عليكم

يشرفني الإنضمام لهذا المنتدى

وبعد طول تفكير قررت أخيرا إقتناء سيارة ماكسيما 2003

والسيارة معروفة بقوتها وفخامتها

وقراري كان لـ GV3 فل اوبشن

ولكن موطن الحيرة هو هل أخذ مراتب جلد وقير اوتو طبعا وبالتالي تكون القيمة الإجمالية للسيارة 91000 ريال سعودي

أم آخذ مخمل بـ 85000 ريال وأوفر ستة آلاف ريال

صراحة انا فكرت في الخيار الثاني والسبب أني

سأنجد السيارة لاحقا بالجلد لكن هل أضمن محل ينجد

مثل الوكالة وأحسن وأكيد هيكون أقل من ستة آلاف

وبذلك يتحقق التوفير

أم تقترحون أن اتوكل على الله واشتري السيارة بالجلد

تحياتي

باثفايندر

11-04-2003, 01:49 AM

والله نصيحتي انك تشتري سياره مقاعد مخمل وخصوصا مثل جو الخليج اللي ما يساعد تشغل السياره والمقاعد حاميه اذا كانت جلد
(5)
وانا اقولك اشتر مكس مقاعد مخمل وتوكل على الله
ومبروك مقدما(3)
اخوك باثفايندر

Crazy Driver

11-04-2003, 01:54 AM

حياك الله اخوي عاشق الخالد عضو جديد معانا بالمنتدى ونتمنى نشوف مواضيعك الحلوه

والله بالنسبه لسؤالك اعتقد ان المخمل احسن والسبب ان الجو حار والجلد ما ينفع الا اذا كنت تحب الجلد وتبي تتحمل الحراره

اذا كنت على مصمم الجلد انا انصحك تاخذه من الوكاله لعدة اسباب اول شي مو مضمون انك تحصل محل يسويها ويظبطها مثل الوكاله وثانيا اذا سواها المحل ما يحط جلد على الابواب الا اذا تغير الوضع ما ادري ؟؟

والسبب الثاني ان الجلد حق الوكاله يجي معاه هيتر حق الكشنات الاماميه وهذي الميزه ما يقدرون يسوونها لك المحلات !!!!!

واتمنى اني اكون قد افدتك

(12)

ملك التحديات

11-04-2003, 04:14 AM

هلابك اخوي عاشق الخالد نورت المنتدى يا غالي

من رأيي انك تاخذ الجلد بس تحمل الحراره في الصيف اقولك ليش تاخذ جلد اول شي
الفرق 6000 ريال و الصراحه الفرق يعتبر بسيط لان الجلد معاه مواصفات ثانيه لو تركبها بنفسك راح تكلفك اكثر من 10000 ريال
المواصفات الاضافيه مع الجلد
1- المقاعد جلد
2- تسخين في المقاعد ينفع في ايام الشتاء
3- المقاعد الاماميه متحركه اما المخمل مقعد السائق فقط متحرك
4- ايرباج جانبي يأتي مع المقاعد الجلد فقط
5-دركسيون خشب ( مواصفه اختياريه ممكن تكون متوفره ؟)

اعتقد ان المواصفات تستاهل الفرق 6000 ريال.(5)

و الرأي يرجعلك

عاشق الخالد

11-04-2003, 01:46 PM

باثفايندر : أشكرك جزيل الشكر لاسيما أنك كنت في أول موكب استقبالي في المنتدى ورأيك صحيح وأحترمه جدا

لكني مدمن مقاعد جلد (8)

crazy driver : ألف شكر على ردك ورأيك كمان أحترمه

بس مافهمت قصدك بالكشنات (16) والهيتر

مجنون جلوريا : شكرا لك على التوضيح ويبدو أني بعد ردودكم الجميلة سأختار مقاعد الجلد

تحياتي لكم ياأحلى منتدى (8)

باثفايندر

11-04-2003, 03:45 PM

مشكور اخوي عاشق الخالد على المجامله وهذا من واجبي اني ارحب بالاعضاء الجدد
واما عن الكشنات فتعني المقاعد والهيتر يعني الدفايه بالعربي(3)
اخوك باثفايندر(3)(3)

adel

11-04-2003, 05:16 PM

عاشق الخالد
اولا و قبل كل شي ارحب بيك معانا في النادي و نتمنى نشوفك دائما

انا صراحة حقدت على مجنون جلوريا لانه حط الرد بالكامل اللي كان في راسي و صراحة بشوفلي حل معاه كل ما جيت احط القاه رد قبلي و حط نفس كلامي
لكن فعلا اذا تبغى الفائدة فالجلد افضلك من حيث المواصفات علما ان الغالبية تفضل المخمل بسبب انها ارخص و عدم الرغبة في الجلد لكن ان كنت فعلا ترغب باضافة الجلد في المستقبل فالافضل انك تاخذ جلد من الاساس لنفس الاسباب التي ابداها الاح مجنون جلوريا

(16)(16)(16)(16)(16)(16)

Crazy Driver

11-04-2003, 05:48 PM

حياك اخوي عاشق الخالد

اعتقد ان اخوي باثفايندر قالك شنو معناهم

الكشنات = المقاعد

الهيتر = التدفئه الموجوده في المقاعد
(6)

عاشق الخالد

11-04-2003, 06:57 PM

باثفايندر ألف شكر على توضيح المعنى للكلمتين

عادل : الله يديم الصداقة بينكم

وهذا تنافس شريف في خدمة الأعضاء

اسألوني أنا ( عضو مجلس إدارة أحد المنتديات )(3)

crazy driver أكرر الشكر لك مرة أخرى

تقبلوا فائق احترامي (4)

adel

12-04-2003, 01:28 AM

الله يخليك عاشق الخالد

(6)

yasin

13-04-2003, 11:02 PM

[QUOTE]اقتباس من الكاتب باثفايندر
[B]والله نصيحتي انك تشتري سياره مقاعد مخمل وخصوصا مثل جو الخليج اللي ما يساعد تشغل السياره والمقاعد حاميه اذا كانت جلد
(5)

وحياك الله بلمنتدى

ملك التحديات

20-04-2003, 03:54 AM

عاشق الخالد احنا حاضرين في اي وقت يا غالي

عادل انا و انت رأينا واحد و كلمتنا وحده طول عمرنا ما نتوب عن النيسان