تجارب الاعضاء الشخصيه (بدون تحيز لو سمحتوا)

[ملك التحديات]

السلام عليكم ورحمة الله وبركاته

كيفكم شباب ؟

حبيت افتح باب جديد للحوار مع الاعضاء و الاستفاده من تجاربكم الشخصيه مع السيارات و المقارنه بين تجاربكم مع سيارات نيسان و السيارات الاخرى
و ارجو من الاعضاء عدم التحيز ( الصراحه و بدون مجاملات ) لما فيه مصلحه للجميع ..


اتمنى من الجميع المشاركه


اولا راح ابداء انا معكم و في كل مره راح اكتب تجربه من تجاربي السته مع سيارات نيسان و مقارنتها مع السيارات الثانيه اللي جربتها في حياتي .


اولا:
تجربتي الاولى كانت مع ددسن موديل 1990 غماره وحده
بصراحه اقدر اسمه البعير (6)
يمكن اغلبكم جرب الددسن (بيك اب ) سياره تتحمل بشكل عجيب و خصوصا اني تعلمت السواقه فيه و كانت كل تجاربي في التفحيط على ظهر المسكين البعير (5)
ما عمره اشتكى الا من القطع الاستهلاكيه البسيطه اكثر شي يعجبك في الددسن الحراره ماعمرها ترتفع حتى و انت واقف في عز الصيف و المكيف شغال و بارررررررررررررررررررد
من الاشياء اللي تقهر في الددسن البلاتين لازم تغيره كل شهرين تقريبا و لا تتبهذل (2)


الملاحظات الممتعه في الددسن :
المكيف البارد
ما ينطط مثل الهاي لوكس
الحراره دايم على الربع
وفي و عمره ما يخون
الفرامل ممتازه خصوصا عند التحميل الى اقصى حد
عزم المحرك جيد خصوصا انه 114 حصان فقط 2400 cc
صرفيه البنزين معقوله بس اذا خرب الكربريتر الله يكون في عونك
الكلتش انسى موضوعه مافي امل يحترق
الغماره واسعه بشكل ملحوظ
ثبات جيد جدا بالنسبه لبيك اب

الملاحظات السيئه :
البلاتين تجيه حالات هستيريه يقطع و بعدين تروح من نفسها
ايام الشتاء لازم تكون مغير البواجي و البلاتين و لا اغسل ايدك يشتغل الصباح
المسجل تعبان و قديم و مافيه اف ام
بعد ما تستعمل السياره ست سنوات تقدر تشغلها ب سكروب (درنفيس)
المثلثات اللي في الابواب من اول يوم تنسم هواء
السيت بعد خمس سنوات لازم يتنجد من جديد لانك راح تصير غاطس تحت ( ينخفس )

المقارنه مع الهاي لوكس موديل 2001
بعد ما بعنا الددسن قالو الاخوان خلونا نغير و نجرب الهاي لوكس
بعد التجربه اتضح ما هو ات:
صرفيه البنزين عاليه جدا في الهاي لوكس
مافيه امل تجلس على السيت و انت مرتاح اذا ما تربط حزام الامان و لا راح تلقى نفسك مكان الراكب ( ينطط بشكل عجيب )
قوه مكينه جباره
عداد سرعه مخرررررررف و هذا شي طبيعي في الهاي لوكس
من اول شهر راح يدخن اسود و لازم توديه للوكاله عشان يوزنون الكاربريتر
تنيسم الهواء على كيف كيفك
ايام الصيف تجيك حراره من ارضيه السياره مثل حراره حمام السونا
المسجل و السماعات ابداع بمعنى الكلمه صوت واضح و عالي
السيت مريح نوع الاسفنج لين و ليس قاسي
الفرامل سيئه بالنسبه لسياره بهذا الموديل 2001
وضعيه قياده معقوله و لاكن الدركسيون مرتفع قليلا
السياره حاليا ما شيه 40 الف كيلو و المكيف خربان (14)
الثبات على سرعه 80 ممتاز بس لا تسرع اكثر الله يستر


المحصله ::
بعد تجربتي لهذي السيارتين
مقارنه الى ان الددسن موديل 1990 و الهاي لوكس 2001 يعني الفرق في التقنيات المستخدمه 11 سنه (12)

يتضح الاتي
الددسن افضل بمراحل خصوصا للاستخدام المنزلي او الشخصي
الهاي لوكس يفضل استخدامه لأعمال الشركات و المقاولين
هذا من وجهة نظري

تحياتي لكم

[ملك التحديات]

الى الحين و لا رد على موضوعي (16) (23)

[Crazy Driver]

اهلين حبيبي مجنون جلوريا بصراحه موضوعك حلو (5)


وانا بقول تجربتي مع الالتيما 91

بصراحه السياره خياليه مع ان مكينتها 6 سلندر لكن حجم المكينه صغير 2.4
وتطلع 144 حصان عموما الالتيما سياره رائعه بدأها او بلأصح خياليه اعتقد ان اكثر الناس يعرفون شنو الالتيما لكن مشكلة الالتيما كانت انالسياره ضيقه من الداخل يعني اذا ركب واحد متين قدام الله يكون بعون الي بالخلف والسياره انا من اول ما اخذتها من اخوي سنة 99 وهي ما فيها راديو كان خربان وبعتها قبل شهر وانن ما صلحته لأني ما احتاجه!!
المهم السياره كانت قير عادي والمشكله الوحيده الي كانت فيها صرفيتها للبنزين غير طبيعيه تخيل اطلع من الرياض البنزين فل اذا وصلت للدمام تشب اللمبه حقة البنزين السياره كنت لاعن ابو سلافها بس انا مو راعي تفحيط انا راعي سرعه ومقاوم تخيل بهالسياره ما قدرت ولا كرسيدا قراندي الي حجم مكينتها 2.8 انها تطلع علي لابقومه ولا خط وتقاومتن مع سيارات كثيره ومنها كامري 4 سلندر موديل 2002 طبعا طلعت عليه ومن حطيته ثالث مادرى عن هوى داري وصلت للأشاره الثانيه ومليت وانا انتظره

شكلي طولت عليكم بالسوالف (14)

المهم من مشاكل الالتيما الي كانت تواجهني صرفية البنزين وكان عندي مشكله بالمكيف وكان المكيف حار

جربت الكرسيدا مالة واحد من الشباب بصراحه ما ادري ليش الناس يشترونها يعني لو اقاومه بقاري ( سيكل ) اطلع عليه وانا اضحك

مكينة الكرسيدا بعد 5 سنوات يطيح عزمها وزين اذا مشت السياره


اهم ميزه بالالتيما اني الى ان بعتها قبل شهر ومكينتها بكامل قوتها كأنك توك شاريها من الوكاله



عموما لا تعصبون لأني طولت عليكم واذا كنت ناسي شي ابرد واكتبه لكم
وانتظروني في تجربتي اللثانيه مع المكسيما

(15)

[ملك التحديات]

Crazy Driver تسلم على تفاعلك مع الموضع
اعرف واحد من الشباب كانت عنده التيما موديل 1991 GTS جير اتوماتيك باع السياره و هي ما شيه 370 الف كيلو و عزمها اقوى من اي سياره في عمرها و ممشاها
الشي الثاني اذا من الدمام الى الرياض فل تانكي و انت تمشي اكثر من 160 معناها ان السياره صرفيتها طبيعيه و لا تنسى انها كربريتر .

شباااااااااب وينكم نبي تجاربكم

[Crazy Driver]

صحيح انها كربريتر لكن حجم المكينه صغير والتانكي اترسه ب 60 ريال

وبالنسبه للسرعه اقل شي 160 المعدل الطبيعي 180

وثانيا شباب تذكرت شغله طبلون الالتيما 200 بس الالتيما كم تطلع فيه احد جرب؟؟؟
انا جربت كانت الابره حقت السرعه واصله للأبره الي تحت وكان رفيجي يمي معاه مكسيما يمشي تقريبا 220 يعني اقل منها بشوي تقريبا 217 او 218

والله الالتيما شي خيالي (8)

[ملك التحديات]

Crazy Driver و الله ما ادري كم توصل الالتيما بس اللي اعرفه ان في اردى حالاتها توصل 200 يعني لو السياره تعبانه مره توصل 200 بالراحه .

[adel]

مشكورين شباب على تجاربكم و التي تثبت ان النيسان فعلا الافضل في انتاج محركات السيارات و الاداء القوي بس المشكلة انا مالي تجارب مع النيسان عشان كذا ما اقدر افيدكم
(6)

[ملك التحديات]

وينكم يا الباقين (16)

[adel]

(9) غريبة الشباب ما عندهم تجارب مع النيسان و
ثلاثة ارباعهم عندهم سيارات نيسان مستحيل (9)

[ملك التحديات]

بسم الله الرحمن الرحيم

ابداء معكم تجربتي الثانيه
السياره : بلوبيرد (5) جير اتوماتيك
الموديل :1997

في البدايه احب اعطيكم معلومات عن السياره و عن سعرها و مواصفاتها

السياره اشتريتها جديده
سعرها جديده في ذالك الوقت : 48 الف ريال
مواصفاتها : ستاندرد جير اتوماتيك النوافذ كهرباء الاقفال كهرباء مسجل و مكيف
مواصفات المحرك :SR20DE اربعه سلندر 2000CC القوه 150 حصان

نبداء في تجرتي
السياره ماعليها كلام و الدليل اني بعد ما بعت السياره رجعت و اشتريت بلوبيرد مره ثانيه و ان شاء الله راح اكتب تجربتي معها في رد ثاني .
اللي يعجبك في السياره التسارع العجيب في سياره اربعه سلندر تتعدى سيارات اكبر منها و و محركات اكبر واقوى منها يعني على بلاطه اسميها النفاثه

مميزات السياره في سطور :
اكثر ما يميز السياره عن غيرها من نفس الفئه سعرها المنخفض و قوه محركها مع العلم ان سعرها كاملة المواصفات 58 الف ريال
استهلاك الوقود منخفض الى اقصى حد
500 كيلو على سرعة 170 / 180 و يبقى فيها ربع التانكي (5) مع العلم ان حجك التانكي 60 لتر فقط
ثبات السياره عادي تقريبا و التعليق لين في المدينه مريح في الخطوط الطويله
المقاعد جيده جدا خصوصا ان تجربتي كانت مع اقل نوع ( ستاندرد ) تختلف المقاعد حسب مواصفات السياره .
الاعطال : لا توجد (5) (5) (5)
الحراره : مره كنت مسافر الى الامارات في ايام الصيف و لما تعديت ابوظبي على طريق الشيخ زايد ارتفعت الحراره الى درجه اول مره توصل لها توقعوا وين وصلت الحراره ؟.
.
.
.
.
.
.
.
.
.
.
.
.
.
وصلت النصف (3) و لا تنسون اني مسافر و في الظهر و امشي 160 تزيد 10 او ننقص

ذكريات لا تنسى :

احلى ذكرياتي مع البلوبيرد او يوم شريت السياره و خايف عليها و حالتي حاله و بعد اربع ايام دخلت السياره تشييك 1000 كيلو و بعدها قلت خلني اجرب و اشوف التسارع و تفاجاْت ان تسارع السياره شي خيالي بالنسبه لحجم المكينه .

المشاكل و العيوب :

افضل سياره صنعتها نيسان من وجهة نظري اعتبرها السياره الوحيده الخاليه من العيوب و الاعطال و لا كن العيب الوحيد فيها هو تصميمها الخارجي لم تتقبله الناس و قلة الدعايه من الوكلاء .

[Crazy Driver]

مشكور حبيبي مجنون جلوريا

شكلك كنت حاب السياره (8)

لكن المشكله مثل ما قلت الديزاين حيل غبي وبصراحه انا مستغرب هالديزاين من نيسان (2)

[adel]

العناااااااااااااااااااااااااااااااااااااااااااااا ااااااااااااااااااااابيه؟؟؟

[ملك التحديات]

تسلم Crazy Driver على تفاعلك مع الموضوع
الصراحه السياره ما يعيبها الا الديزاين غبي شوي (3)

عادل تذكرها البلوبيرد العنابيه هي نفسها (5)

[باثفايندر]

قصتي مع باثفايندر

يوم وانا وطلعتها من الوكاله يوم 21-7-2000 وللحين ما اشتكيت منها مع اني اذيتها تعديلات داخليه ويا كثر ما طبيت فيها مطبات وطقيت فيها ارصفه وشقحت فوقها ووديتها للبر وما تقول اح ...(ما شاء الله اللهم لا حسد)
حتى لو توصل سرعه 160 ما تحس بحنتها (صوت الونه المشهوره عند الجيبات بشكل عام عندما توصل لهذه السرعه) وانا لما اشغل السياره ما اسمع فيها حس لما اسخنها...وسواقتها ناعمه ما شاء الله عليها بس المشكله حتى لو تحوشني مطبه صغيرونه تنكسر ظهري من النقزه(14)
وانا جربت سواقه جيبات وايد مثل جراند شيروكي98(كله تشتكي ولازم تقعد ربع ساعه عشان تسخينها) ولاند روفر دسكفري 95 (اذا وقفت عند الاشاره تنطفي السياره من حالها والوكاله قالتلنا هذا عيب مصنعيم في المضخه مالت البنزين وما يتصلح ومافي له بديل في هذا الموديل بالذات) باجيرو ايو 2001 (مشكلته عاد مشكله وخصوصا اذا دعست بريك ما توقف السياره الا بالحسره وبغيت اسوي حوادث فيها طبعا مو مالتنا مالت اخوي معطينه الشركه وطبعا وداه للوكاله على حساب الشركه قالولنا هذا عيب من المصنع ماسك السقايف فيه مشكله وما تتصلح)(16) اللهم لك الحمد

اسفين على الاطاله
وما اقول الا باثفايندر وبس

اخوكم باثفايندر

[adel]

باثفايندر شكرا لك على مشاركتك في موضوع الشباب و ان شاء الله ان تجربتك تكون فيها فائدة للاخرين
(6)

[باثفايندر]

العفو اخوي عادل

[ملك التحديات]

يعيش الباثفايندر(5)

[LONDANY]

انا من ددسن الى ددسن لما وقفت عند ددسن 2001 وكلهم احلى من بعض

[وحش نيسان]

LONDANY
هذ الموضوع من 6 شهور !!!!!!!!!!!!!!