انفنتي fx35 وfx45

[The Best Fx 45]

شباب انا بغيت اسئلكم ماهي الفروقات بين Fx45 و Fx35 غير الماكينه طبعا .

ويااليت لو احد منكم اعزائي عنده مواصفات كاملة للنوعين في السعودية وصور اذا ممكن .

واخيرا هل تنصحوني بشرائه اذا كان لا فما البديل الافضل .

[InfinitE]

والله ما ادري عن شي واعذرني
اعرف fx45 لكن الثاني والله ما ادري عنه

الشباب يساعدوك انشاء الله

[datsuny K]

مشكور خوي على صورت الجيتي الصراحة روعة



تحياتي راعي الدتسون

[The Best Fx 45]

شكرا للجميع

[ددتسن85]

ادخل الرابط وشوف الفرق
http://www.infiniti.com/content/0,,cid-38368_sctid-12001,00.html

[The Best Fx 45]

ياعزيزي انا دخلت الموقع الي ذكرت من قبل لكن هذه الفروقات في المواصفات الدولية مو المواصفات الي عندنا بالسعودية والخليج بشكل عام مثلك عارف وكلاء نيسان عندنا يقتصدون بكل شي .

[ددتسن85]

الاف اكس 45 ما نزل للخليج !!!!!!
وال 35 مواصفاته اقل مواصفات في الموقع ولكن بدفع رباعي و11 سماعه

[The Best Fx 45]

اخوي ال 45 موجود لكن يحضر بالطلب

[التيما ماي هارت]

راعي الداتسون انت شايف صور عشان تشكر الرجال عليهــااا ...!!!!!!!


ركز حبيبي ثاني مره مايصير كذاااا ,,,

[fx-35]

انا اشاء الله افيدكم
انا معي Fx35
الفرق بيني وبينه
Fx45 فيه شاشة ملاحة(الموجود عندنا غير موجودة خريطة السعودية او الخليج لأنه امريكي غير مخصص للخليج)
وايضاً الابواب على البصمة والسرعة 240 اما Fx35 220
والباقي الشاشة التحكم بحركة المقاعد والانوار والجرس وانطفاء الانوار بالدقايق على حسب ماتبغى كلها موجودة بالfx35
وايضاً كاميرا خلفية وبلوتوث( على حسب الطلب مو كل Fx45 تجي هالمواصفات هذي)
هذا الي اعرف وشفت
لكن! ماانصحك بشراء الموجود الان لأنه مخصص لأمريكا يعني درجة الحرارة وتلائمها مع الجو وانت تعرف السعودية اوالخليج يختلة واي Fx45 تشوفه افتح الباب وشف من جنب مكتوب مصنع على مواصفات امريكية ليس مصنع للخليج!!

ودمتم ..........

[The Best Fx 45]

بس انا الي فهمته ان 45 في الخليج تطلبة من الوكيل ويجلبة لك.
سؤالي 35 هل فيه شاشة للعرض غير الشاشة الرئيسيه مثل 45


وشكرا لك ياخ fx35

[fx-35]

صحيح كلامك تطلبه بالخليج لكن زي ماقلتلك المواصفات والمقاييس امريكية!!(افتح باب السائق وتشاهد ذلك) غير السيارات الباقية افتح انت سيارتك وشوف وش مكتوب؟ تلقاه بالعربي؟لكن Fx45 لا!!
شاشة عرض قصدك Dvd لا مافيه
بس تراي مافهمت وش قصدك بالضبط لشاشة عرض يعني شاشات خلفية؟ خلف السائق!

[The Best Fx 45]

شكرا لك علي ردك
كان قصدي شاشة الدفيدي التى ذكرتها
بعدين قد تكون مواصفاته موحده مثل المرسيدس والبي ام دبليو عالميا او معدلة لتتناسب مع الاجواء السعودية مو معقولة ينزلونه وتوفتهم الحركة هذي

[محمد911]

مو معقولة ينزلونه وتوفتهم الحركة هذي



الا معقوله يعني انت ما تعرف الوكلاء اللي عندنا


يتبهبلون يسون انفسهم ما يدرون ولا يعرفون شي وبعدين



تعال الصيانه يطلع الشيب من راسك:mad:

[كثير الشوق]

الا معقوله يعني انت ما تعرف الوكلاء اللي عندنا


يتبهبلون يسون انفسهم ما يدرون ولا يعرفون شي وبعدين



تعال الصيانه يطلع الشيب من راسك:mad:


الصيانه اكيد على الوكاله وعلى الضمان
والوكاله تغير القطع التالفه وغير التالفه

وهذا ينطبق على الزبائن الاغبياء
واما الوكاله تغير القطع التالفه فقط

هذا ينطبق على الزبائن الاذكياء

والسياره لازم من صاحبها يكون عارف خراباتها من استخدامه للسياره

علشان الوكاله مايلعبون عليه

وبعدين ماهو كل الوكالات تلعب على الناس

الوكاله اذا شافوا واحد غبي مايفهم السياره ،، الوكاله تستغله وتلعب عليه

واللي عنده خبره ومعرفه في صيانه السيارات احسن من اللي
غبي وجاهل مايعرف يفك كفر سياره ويشتري سياره ماهو قدها:82:

_____

[The Best Fx 45]

انا مدري وش عنده كثير الشوق رجع الموضع شكلة قاعد ينبش في قديم المنتدي لكن على كل حال هذا الموضوع قبل ماشتري السياره وصراحة كنت متردد لكن الان نادم لاني تاخرت ماشريته صراحة روعه ولا فيه مشاكل اختلاف الاجواء وحرارتة ممتازه والمواصفات زي ماذكر الشباب واكثر . قطع الغيار متوفره عند الحمراني من الصادم للصادم طبعا اتكلم عن قطع غيار 45 الي مايجيبونه لكنهم موفرين قطع غيار له . المشكلة الوحيد الي اعاني منها شاشة الملاحة تحتاج خرايط السعودية ومو لاقي شي يشتغل عليها وثانيا ازرار الكراج الي في المرايا مو مو عارف كيف ابرمجها على باب بيتنا وثالثا الرادو تعرفون امريكي مايكون صافي وراعين الفورد الامريكي مجربين هالمشكلة وبس الباقي تمام . وفي النهاية شكراً لكل من شجعني على شراء السياراه من اعضاء المنتدي .

[اف اكس]

بست اصلا اغلب قطع غيار 35 تنفع لي 45 ..




والله يوفقك حبيبي وان شاء الله دوم الموتر حلو وياك .. والله يكفيك شر العين ...