المساعد الشخصي الرقمي

مشاهدة النسخة كاملة : هل فيه باثفايندر SE1 قير عايدي؟


عبدالرحمن 1
24-09-2003, 10:39 AM
السلام عليكم ورحمة الله وبركاته
هل فيه باثفايندر SE1 قير عايدي؟
سمعت ان الـــSE1 ما يجي إلا أوتوماتيك

و سؤالي الثاني كم سعره؟ سعر الــSE1؟ في السعودية موديل 2003
هل فيه عيوب للاوتوماتيك؟ تراني مانيب حق تطعيس
تطعيس على خفيف (تمشية) و تفرج بس

بعدين هل الباثفايندر يطلع صوت ازعاج إذا مشيت فوق 120 من الماكينة؟
adel
26-09-2003, 10:36 PM
الباثفايندر بجميع انواعه xe او se
يجي قير عادي و قير اوتوماتيك

سعرها اذا انا مو غلطان في حدود 76000 الى 77000 ريال

بالنسبة للتطعيس بالباثفايندر تراه القير العادي و الاوتماتيك يبيضون الوجه


بالنسبة لصوت الهةا فيه بس خفيف زي اي سيارة فور ويل درايف
باث فاندر 2003
26-09-2003, 11:58 PM
الاخوة الاعزاء

السلام عليكم ورحمة الله وبركاته

اذا كنت تقصد بالفل الكامل فانه يوجد قير عادي وكذلك مراتب جلد ومثبت سرعة وفرامل ABS
وكذلك القير التوماتيك

انا امتلك باث فاندر 2001 وماشي تقريبا حوالي 90.000 الف كيلو متر ولا له ولا صوت ولا شي ابداَ ولا خليت ولاطعس او بر الا نصيته وكذلك خارج المملكة وفي الخط ما شءالله علية ممتاز راسي جدا
وفي الفترة الاخير يكاد الباث فاندر يغطي على اللاند كروزر في الرمال نضرا لخفة وزنة وقوه محركة انا مجربه في الرمال وماءشاالله علية سقطت على اللاند في الرمال والان يسمى بالمعني الاصح ابن الباترول فعلاَ

ولكن عيبة الصرفية في البنزين ونزول سعره بسرعة بس هذا العيب

والله الموفق
عبدالرحمن 1
27-09-2003, 05:12 AM
الله يجزاكم خير

جاوبتو و وفيتو

أنا دايم أسمع الناس تمدح الباث

بس كل ما سمعت واحد يبي يبيعه أخاف
أحس انه فيه عيب معين خلاه يبيعه
حتى أحيانا يكون اللي يبي يبيعه موديل جديد 2003
العيوب المشهورة اللي سمعته الصوت و الصرفية
mdofaiji
27-09-2003, 06:59 PM
انا اقولك
عندي واحد 2002 ومن عيوبه
1 القير التوماتيك يضايق في التعشيق ( يعني لما تحط D الموتر دفرنشين فيحتاج تدوس بريك بقوه
2 صرفيه بنزين عاليه ( المشوار من البيت للجامعه ومن الجامعه للراشد ثم للجامعه ثم للبيت يسحب الربع تقريبا ربع التانكي لكل/ 65 كم بسرعه 120___130
عبدالرحمن 1
27-09-2003, 09:03 PM
مشكلة القير تصير في السيارات القوية و الخفيفة

من ناحية الصرفية. هل يصرف زي الباترول و لا أقل و لا أكثر؟
و كيف تقارن صرقيته بالنسبة للمكسيما؟

بعدين فيه شي في السيارة تقدر تلعب فيه يخلي صرفيته قليلة على ما أظن. بس يضعف السيارة شوي. و اذا تبي تطعس تقدر ترجع قوته و هلم ذلك
mdofaiji
27-09-2003, 09:16 PM
طبعا صرفيته بالنسبه للسفاري اقل بكثير
لكن صراحه الموتر بالنسبه لسعره ممتاز جدا
يعني لو تقارنه بالمواتر اللي بنفس سعره تشوف انه يتغلب بجداره مثل ( شيروكي , راف فور , هونداي وكيا ) يهزمهم بجداره

على فكره ترا عندي قير توماتك 2002 وطفت فيه ربع سفاري 2002
عبدالرحمن 1
27-09-2003, 09:45 PM
الأوتومانيك أربع نمر
و العايدي خمس نمر

هل هذا يدل على ان العايدي أخف صوت في الخط؟

لأن الضغط في الماكينة يخف لو تحطه بالخامس. تمشي مثلاً 140 الضغط يكون عند 3
و الاوتوماتيك لأنه أربع نمر الضغط اذا ماشي 140 يكون 3.5.... هل هذا صحيح؟
mdofaiji
28-09-2003, 10:01 PM
الموتر ممتاز واللي يبيعونه وهو جديد هذول ياخذونه اقساط ويبيعونه كاش(محتاجين فلوس) ولكن انا ااكد لك(العلم عند الله) انه مافيه عيب مصنعي يؤدي لبيع الوتر
وترى مكينته 3500cc مو مثل 2002 يعني اقوى
sars
16-10-2003, 10:10 AM
الباث وبس.