لماذا بعض الناس يتساهلون بقوه عزم الماكس؟؟؟

[باثفايندر]

انا شفت في بعض المنتديات التي تهتم بالسيارات ان الماكس يقارنونها بالكامري او الاكورد او الماجنا
وان هذه السيارات تقدر تقوم على الماكسيما بسهوله فائقه مع ان الماكسيما معروفه بحسب معلوماتي بقوتها من اول قومه .....ليش اغلب الشباب حاقدين على الماكس؟؟؟؟؟؟؟؟!!!

انا نفسي جربت قومه سيارتي اللي هي باثفايندر مع شيروكي كلاسيك(6 سلندر 3.9 ليتر) من اول قومه رحت عنه لين وصلت 60 كم/ساعه وبعدين هو طار عني.

اسف اني طلعت عن الموضوع بس حبيت اوضح لكم القوة الخارقه لعزم مكائن نيسان والتي تقدر تضع عليها تعديلات على غرار السيارات الاخرى


اسف على الاطاله

وسلامتكم(1)

سامحوني اذا ما عطيتكم معلومات عن سياره نيسان تايتن 2004 لان كان عندي ظروف فانقطعت عن المنتدى فتره بس راح ابذل كل ما بوسعي لاشارك معاكم

اخوكم باثفايندر

[ماكس3]

اعتقد لان معظم السيارة اللي تنافس المكسيما ما تقدر تصل الى مستواها الراقي

من حيث الفخامه والقوه

وشكرا لك

[باثفايندر]

ماكس3

مشكور على التعقيب وانا معاك في كل كلامك
وشكلك عضو جديد فمرحبا بك
ونبي نشوف مشاركاتك القويه

اخوك باثفايندر(2)

[ماكس3]

العفو باثفايندر

[ملك التحديات]

اخوي باثفايندر انا قريت نفس الكلام في منتديات كثير و لاكن الماكس ما تقارن في هذي السيارات لانها من الفئه فوق المتوسطه و هذي السيارات من الفئه المتوسطه و اذا كان على موضوع القوه و العزم عيب يقارنون انفسهم في الماكس نعطيهم البلوبيرد يقارنون انفسهم معاها و انا واثق ان البلوبيرد من تجربتي الشخصيه اقوى سياره اربع سلندر موجوده في السوق و تنافس سيارات السته سلندر و التجربه خير برهان

[adel]

باثفايندر : موضوعك حلو و مهم جدا شكرا لك لطرحه

ماكس3 : مرحبا بك معانا في النادي و نتمنى يحوز على اعجابك و تتحفنا بمشاركاتك
(2)

[باثفايندر]

مجنون جلوريا
والله كنت بقول نفس اللي قلته تصدق كانت على طرف لساني(3)

ومشكور على مرورك للموضوع

عادل
مشكور على الرد بس بغيت رأيك في الموضوع

اخوكم
باثفايندر

[adel]

شكرا اخوي باثفايندر لتعقيبك
بس الصراحة الموضوع تعبنا و احنا نتكلم عنه ياخي وصلت المواصيل في الناس انهم يقارنون الكامري بالماكسيما علما انه حسب التصنيف العالمي ان الكامري لا تعادل الماكسيما الا من حيث السعر لكنها اقل منها مواصفات
فالماكسيما تعادل الافالون مثلا
اما الماكسيما طراز 3 فهي تعادل اللكزس ES300

و المحرك كما قال لك الاخ مجنون جلوريا في الاربعة سلندر في النيسان يحطم محركات ستة سلندر في شركات اخرى

يكفي محرك الماكسيما انه المحرك الوحيد الذي منذو بداية مسابقة افضل عشرة محركات في العالم و هو موجود في القائمة فدخلت محركات و تقدمت محركات و خرجت محركات لكن لم يبقى منذو تاسيس المسابقة الا محرك الماكسيما

(2)

[باثفايندر]

مشكوووووووووووووووور يا اخي عادل على التعقيب

وما تقصر

وانا معاك بكل كلمه قلنها
صحيح ان بعض الناس عندنا يمدحون سيارات تويوتا بشكل عام ويفضلونها على نيسان حتى سألت احد الشريطيه(الدلالين) في سوق الحراج وقلتلهم ليش التويوتا يبقى سعرها بعد الاستعمال مع انه تصميم التويوتا غير جذاب ومافي فخامه(كلهم يشابهون الكورولا)ولا حتى عزم ولا شي مقارنة بالنيسان حتى وكيله افشل وكيل بالخليج .قاللي سمعه التويوتا عندنا هو اللي خلا الناس يرغبون فيها....
انا شفت ان وكيل البابطين مثلا احسن وكيل عندنا من حيث عروضه الجذابه(الف لتر بنزين و تلفون نقال مع خط) والخصومات المغريه(اقبض 500 دينار...الخ) في المعرض وفي الورشه كذلك

والله تعبت
بس شنسوي الشكوى لله

اخوكم باثفايندر

[adel]

هذي مشكلة مالها حل الواحد يقولك تويوتا احسن و اذا سالته ليش فتح فمه و سكت
(2)

[باثفايندر]

لوووووووووووووووووووووووووول
اي وانتا الصاااج اخوي عادل
اخوكم باثفاندر

[ملك التحديات]

اخوي باث فايندر مشكلة الناس انها تمشي على الكلام و لو تسال واحد يستعمل سياره امريكيه و تقوله اي احسن النيسان ولا التويوتا يقولك التويوتا مع انه ما جرب ولا سياره منهم بس يسمع الناس تقول تويوتا صار معاهم مع الخيل يا شقرا
الناس لو تعرف فرق القوه و متعة قيادة النيسان كان محد يشتري الا نيسان
و المشكله الاساسيه ان الوكلاء ما يدعمون اسم نيسان بشكل كبير
مثال : وكيل نيسان في لبنان
بطريقة ذكيه اصبحت نيسان هي السياره الاولى في البنان كل هذا بسبب الوكيل النشط
و لو تلاحظ ان الشوام بشكل عام يقدرون السيارات الاوربيه مثل البي ام دبليو و المرسيدس و عندهم بعد نظر كبير ما يشترون سياره الا و هم عارفين المعادله
القيمه مقابل السعر
لما ادفع مبلغ ادفعه على سياره تستاهل سعرها و مواصفاتها هذا الشي موجود في نيسان و جميع سياراتها القديمه و الجديده .

[باثفايندر]

كلامك صحيح 100% يا مجنون جلوريا

مادري ليش الاعتقاد السائد في الخليج ان تويوتا افضل السيارات اليابانيه
مع اني ما سمعت انها خذت جوائز كأفضل سياره
روح لامريكا وقولهم منو الافضل نيسان ولا تويوتا
اكيد راح يقولونك نيسان والدليل كثرة المنتديات الامريكيه التي تتكلم عن نيسان وخصوصا الماكس والالتيما والزد والجي تي وبعض السيارات النيسان الامريكيه مثل المورانو ...الخ

اخوك
باثفايندر(3)

[Crazy Driver]

مشكور حبيبي باثفايندر على الموضوع الحلو

بصراحه انا ما عرفت ليش الناس يفضلون التويوتا لأني بصراحه سقت سيارات تويوتا ما شفت فيها شي زين ممله سواقتها اصوات ازعاج مكينه مو قويه الاشكال غبيه من الداخل والخارج والسعر غالي ومع هذا كله اشوف الناس يشترون تويوتا ليش ما ادري

علشان اكون صريح معاكم ما عجبني بتويوتا الا شي واحد المكيف حقه عجيب !!!!
ولكن السؤال هو انا شاري مكيف متنقل لو سياره؟؟؟؟؟؟

[باثفايندر]

اي صح كلامك اخوي كريزي انا عندي سياره كامري موديل 95 ...حتى لو في عز الصيف ودرجه حراره توصل ل50 وتحط المكيف على الlow راح تتجمد من البرد

ومشكور على مرورك للموضوع

اخوك
باثفايندر

[Skyline]

شباب اسمحو لي كلمة
قيادة النيسان متعة حقيقية لا ينكرها احد وسيارات النيسان متوازنة وثابتة في الشوارع بعكس التويوتا ولكن التويوتا ايضا سيارة مكدة وتعمر وقطع غيارها ارخص من النيسان لذلك الناس يتجهون اكثر اليها
ولكن عن حب النيسان ما اتوب ابدا !!!!!!!!!!!!!

[باثفايندر]

مشكور اخوي Skyline على الكلمه

ومشكور على مرورك للموضوع

وما الومك اذا بتحب نيسان ;)))
اخوك باثفايندر(3)

[adel]

سكايلاين
اولااحب ارحب بك معانا في النادي عضو فعال ان شاء الله
اما بالنسبه لرأيك فانا اؤيده مئه بالمئه

[باثفايندر]

تسلم اخوي عادل على الرد

اخوك باثفايندر

[ملك التحديات]

Skyline
شباب اسمحو لي كلمة
قيادة النيسان متعة حقيقية لا ينكرها احد وسيارات النيسان متوازنة وثابتة في الشوارع بعكس التويوتا ولكن التويوتا ايضا سيارة مكدة وتعمر وقطع غيارها ارخص من النيسان لذلك الناس يتجهون اكثر اليها
ولكن عن حب النيسان ما اتوب ابدا !!!!!!!!!!!!!
================================================
اخوي Skyline ما الومك في كل اللي قلته انا واحد مجرب و اعرف احساسك

[التايه]

تسلم اخوي باثفايندر على الموضوع
بالعكس المكسيما قويه وهي ملقبه بصاروخ الارض
وبسببها صارت حوادث لانها صاروخ الارض

[باثفايندر]

مجنون جلوريا
مشكور على تعقيبك
التايه
تقدر تسميها صاروخ ارض ارض(3)
ومشكور على الرد(5)

[التايه]

ليش لا اسميها
انت تامر

[باثفايندر]

ما يامر عليك عدو اخوي التايه(3)

اخوك باثفايندر(6)

[MAD MAX]

تعرفون ليش يستهيننن بقوة الماكس؟
لانة في سيارات طلعت اقوى منها او خلينا نقول سيارة اربع ابوب اقوى منها الى هى اللومينا الاس اس
طبعا
لو بنقارن بي السيارتين اللومينا راح تتفوق في القوة ويمكن الشكل الخارجي
بس بقية الاشياء الماكسيما
مثل الجودة المواد الخام المستخدمة في صناعة السيارة الثبات على الطريق التصميم الداخلي والمواصفات في الماكسيما اكثر وقلة الخربات موزى اللومينات الى كل يومين في الورشة
بس في ناس تختار القو على كل هاذى الشغلات

[باثفايندر]

مشكور اخوي ماد ماكس على الرد
بس اقولك شغله
صديقي كان عنده لومينا اس اس 2002 يقولي صارلي حادث مروع بس ما صارله شي والحمدلله والسبب مشكله في المعاونات قلتله طقيت فيها رصيف بقوه او دخلت على مطبه وانت بسرعه عاليه يقوللي ابد!!!
والحين سيارته ما تسوى بيزه

صج الامريكي ما ينفع يمشي بالشارع
لانه يخاف من الارهابيين(6)

[ملك التحديات]

شباب يكفي ان الماكس هي السياره الوحيده اللي كتبت عنها مجلة سعودي اوتو في سنة 1995 اول ما نزلوا الماكس عملوا لها تجربه و لقبوا السياره بهذه العباره

أسرع سيدان ياباني في العالم

[bolbol]

شوف اذا تبغى الصراحة اول شي الماكسيما مافيها ريحة شبه باللكزس ال Es300 يعني لاتغلط
ثانياً حاجة بسيطة بس ياريت تعرفها
أنا لمن كنت في امريكا تصدق بالله انهم مايعرفوا شي من السيارات اليابانية غير الميتسوبيشي والهوندا يعني الماكسيما بس لنا هنا احنا شباب الخليج تمام واذا تبغى تعرف كمان ايش ترتيب السيارات اليابانية في اليابان يعني صناع هذي السيارات مو هنا في السعودية عندنا
1- الهوندا
2- الميتسوبيشي
3 - التويوتا
4 - النيسان
واذا منتا مصدق روح اسأل وفي النهاية حتقتنع Over Your Nose من فوق .......
وبعدين انتوا يا اعضاء احلى منتدى تكونوا صادقين شوي وعن المدح الزايد واللي مالوا لزوم وكفاية كذب على الناس .........

[الساحر]

اشدعوه سويتنا كدابين على الناس انشاء الله مصدق ان الاكورد الي عندك تشلخ المكسيما مافيه امل تشوف المكسيما وانت طالع مع واحد عنده مكسيما بس مايعرف يسوق يعني ويش هيه الاكورد هوندا ماتحس بالراحه لن قلتا عكس النيسان بعد عمري الي مافيه منه وانا اقولك لاتحط راسك مع النيسان

[desert_falcone]

شباب اللي ياخذ سياره غير نيسان يا ما مب ريال او يحب يتهزأ