المساعد الشخصي الرقمي

مشاهدة النسخة كاملة : محتاج شوركم بخصوص G35


maximus
14-11-2005, 12:15 AM
الله يعطيكم العافية جميعا...
من بداية شهر رمضان وأنا ابحث عن سيارة اشتريها...
وكل يوم يطلع في راسي الف فكرة وفكرة...

وآخرتها استقريت على الأفالون...
الي صار انه جاني شي خلاني أكره الأفالون(والحمدلله انه جاني)...

ما ابغا اطول عليكم...
الي طالبه منكم ..احتاج رأيكم بالانفينيتي G35 السيدان من ناحية المواصفات والمتانة مقابل السعر...

وهل يجي فيها لون داخلي غير الأسود؟

وهل تنصحونني اشتريها من الحمراني ولا الجبر...ولا اجيبها من دبي من نيسان الشرق الأوسط؟؟؟

وأي فيهم أفضل مواصفات...وأنسب سعر..

وهل نزلت موديل 2006 ولا لا...وكم سعرها...

وهل تنصحونني فيها ولا في الأودي A4 ولا الفولفو S60

ومحتاج رأيكم باسرع وقت لأني راح اشتري السيارة الي راح ارسي عليها نهاية الأسبوع هذا ...أو بداية الأسبوع القادم...


ورجاااااء محتاج ردود حلوة..وعقلانية...وبدووووون تعصب(18)

ولكم جزيل الشكر مقدما
max_speed4ever
14-11-2005, 12:56 AM
انا ما عندي فكرة عن الانفنتي لكن بما اني دشيت الموضوع راح اقول لك اني شفت ال(g35) وكانت في غاية الجمال هذا كل شي
وبالتوفيق انشالله
سعودي
14-11-2005, 12:35 PM
اخوي maximus حقيقه كل السيارات الي ذكرتها حلوه

لكن استبعد الاودي لان قطع غيارها غير طبيعيه وتحتاج صيانه باستمرار

بالنسبه للافالون سياره اكثر من روعه لكن عبد اللطيف جميل جايبها بدون مواصفات عندنا لكن شكلها ماهو بطال

بالنسبه للفولفو صراح روعه وسياره ماعمري قابلت احد ومامدحها(خاصة الي استخدموها) لكن اذا جيت تبيع محد يشتري(يعني مالها عرض او ماهي معروفه كثير عندنا


بالنسبه للانفينتي سياره روعه وماعليها كلام يعني شكل ومميزات
من وجهة نظري هي احسن السيارات الي ذكرتها


عيوبها سعرها جديده غالي وعند البيع يطيح كثير ويمكن فيه انتقادات

على وكيلها عندنا بالسعوديه( من ناحية الصيانه)

بالنسبه للمواصفات للانفينتي كل دول الخليج مواصفاتهم نفس الشي

وبالاخير يرجع الخيار لك وحسب ميزانيتك الي محددها لسياره

وبالتوفيق:smile:
mazune
14-11-2005, 01:14 PM
انا عن نفسي انصحك بالأنفينتي

لان والله قريت عنها مواضيع جيده ومع مقارنة بسيارات أخرى

مثل الساب و الافالون و اللومينا و الفلفو وكان الموقع من جد يمدح السيارة

وفي مجلة للسياراة جابت هذي المقارنة

وانا اقولك ان السيارة مهي بسهلة وانا انصحك فيها لان انا وايد أحبه هل الموتر

وفي النهاية الله يوفقك بالسيارة اللي تختارة
maximus
14-11-2005, 03:27 PM
أخوي max_speed4ever
الف شكر على مرورك...

هلابك اخوي سعودي...
صراحه اعجبني ردك جدا...
الاودي مثل ما قلت يمكن صيانتها مو رخيصة...بس لا تنسى ان صيانتهم سارية لمدة 5 سنوات شاملة كل شيء بالسيارة...يعني انشالله خمس سنوات ما تدفع عليها الا البنزين والغسيل والتلميع....

بس مشكلتها انها ضيقة شوي من داخل....

الفولفو جدا رائعه...بس ان وكيلها يخوف شوي....لأن ما عندي معلومات كثيرة عنه...وكم واحد كانو ما يمدحونه....

الانفينتي صراحه دخلت مزاجي وبقووة....خصوصا لأنها من نيسان...وأنا من الناس الي يقدرون النيسان (كان معي ماكسيما 98 ما بعتها الا اول رمضان وما اتذكر اني واجهت اي مشكلة معها والحمدلله)...ومن باب أولى ان صيانة الانفيتني راح تكون أحسن (والله أعلم)....بس اني متخوف من اسعار قطع الغيار...ومادري السيارة فيها مشاكل ولا لا

والثلاث سيارات اسعارهم متقاربة....
والله يكتب الي فيه الخير

اخوي mazune الف شكر على الرد الجميل...وترى ما خلاني افكر بالسيارة الا من كثر ما قريت عنها..وكثير من المواقع يمدحونها...

وعسى الله يوفقني في الاختيار...

بس ياجماعه ماحد منكم قال لي اذا السيارة فيها عيوب ولا لا....
ماودي استري سيارة واتوهق فيها:)
سعودي
15-11-2005, 01:48 PM
ماسمعنا عن اي مشاكل او عيوب فنيه

مثل ماقلت لك اكثر المنتقدين لها ينتقدون الوكيل لكن كسياره ماعليها كلام


ودام السياره داخله في بالك خذها والله يوفقك
maximus
15-11-2005, 06:35 PM
الله يجزاك خير اخوي السعودي....ويرزقك كل خير انشاء الله....

ماقصرت .... والله يكتب الي فيه الخير... ويستمر الحمراني على الصورة الحلوة الي في بالي...وما يغيرها...الا للأفضل طبعا..:)
ددتسن85
16-11-2005, 01:54 AM
بكفيك
ولكن انحش عن الاودي خويي معه سعر فاحش لا يتناسب مع المواصفات مكينه 4 سلندر ضعيفه الكامري تقوم عليها قطع غيار نار
ولم تتوفر في البدايه(يمكن تغير الوضع الحين)

والحمراني صيانته طيبه لكن غالي شوي
واذا ماكنت مستعجل خذ infiniti m قريبا في الخليج!!!!!
الرابط
http://www.infiniti-me.com
comingsoon
need 4 speed
16-11-2005, 08:02 AM
السلام عليكم

مسامحة جيت متأخر

اخوي باقولك اذا انت مستعجل اخذ لك انفينيتي g35

واذا انت مو مستعجل انتظر انفينيتي m هي ليست من فئة الانفينيتي g35 ولكنها في غاية الجمال واتوقع راح تحطم لكزس gs تحطيم


وانا بالنسبة لي الافلون روعة ويمكن افضلها عن الاودي والفولفو الغير مرغوبه وماعرف عنها شي بس الناس تخاف تاخذ سيارات غير مرغوبه

بس يمكن الشي الي نهاك عنها مثل ماقال الاخ سعودي مافيها ميزات او ماشابه

والراي راجع لك

تحياتي
QX4
16-11-2005, 03:21 PM
مساء الخير جميعا

اخوي شوف انا ما اقولك الا شي واحد : اذا متردد بالانفينيتي روح و جربها عند الوكيل و بتكون هذي الخطوة هي الي بتخليك تتوكل على الله وتاخذها!! سواقتها رااائعه انا اقارنها بسواقت ال Bmw نفس المتعة و الثبات و الرساوة. طبعا و مكينة جبارة

تحياتي ,,,
ALTIMA-GTR-QPG
16-11-2005, 07:07 PM
ماسمعنا عن اي مشاكل او عيوب فنيه مثل ماقلت لك اكثر المنتقدين لها ينتقدون الوكيل لكن كسياره ماعليها كلام ودام السياره داخله في بالك خذها والله يوفقك
maximus
17-11-2005, 12:00 AM
الله يعطيكم العافية...
اخوي ددتسن..بالنسبة للأودي بالفعل سعرها ما يتناسب مع المواصفات أبدا...السيارة من داخل أقل من عادية صراحه..والمكينة مو ذاك الشي..بس الشهادة لله صيانتهم قوية..
ضمانهم خمس سنوات شاملة كل قطع الغيار بما فيها الاستهلاكية وأسعار الصيانات..والزيت..يعني طوال الخمس سنوات أو مائة الف كيلو ماراح تصرف ولا ريال على السيارة الا الغسيل والتلميع والبنزين

والسيارة شلتها من بالي خلاص..

أخوي need 4 speed...
عادي يالغالي ولا متأخر ولا شي..بانسبة للفئة m..صراحه شكلها مو نازلة قريب مرة..وسعرها بيصير ناااار أكيد...وللأسف انا مستعجل لأن ما ورى ما ضيعت من وقت..من بداية شهر رمضان وانا ماخذ سيارة أجار
والأودي خلاص نسيتها خصوصا بعد ما جربتها...الفولفو صراحه حلوة..بس ما راح تتوفر بالوقت القريب..
وما قصرت على الرد

QX4 بالنسبة للتجربة للأسف الحمراني ماعطاني وجه...كلمتهم اليوم قالو السيارة ما ندري متى راح تتوفر للتجربة..اسلوبهم للأسف سيااااااحي..
ولا صراحه انا متفااااائل كثير بالنسبة لقيادتها..لأن المواصفات حلوة..والمكينة جدا رااااائعه ودفع خلفي...

ومشوووور على الرد

اخوي ALTIMA-GTR-QPG
بالنسبة للحمراني انا مثل ما قلت انه ايام سيارتي السابقة ما شفت منهم أي مشاكل..وكلهم اصحابي..وانشالله تستمر الصورة هذي اذا اراد الله واشتريت الانفينتي..
والله يكتب الي فيه الخير انشالله



سؤالي الحين...
هل لو اشتريت السيارة من الخليج..مثلا من الإمارات راح القى مواصفات اضافية؟؟؟
أو سعر افضل من الي عندنا؟؟؟
وهل راح يضمنها الحمراني في الحالة هذي؟؟؟
وهل موديل 2006 راح يصير فيه أي تعديل على السيارة خصوصا وان الكوبيه صار فيه تغييرات خفيفة في الشكل الخارجي(على كلام وكالة الجبر)

ولكم جزييييل الشكر
حسين زويد
23-11-2005, 10:23 PM
مشكووووور يا الغالي



تحياتي راعي RB 26 140 j
maximus
25-11-2005, 04:10 PM
يعطيكم العافية اخواني....
أبشركم اشتريت السيارة يوم الإثنين الماضي....من الجبر طبعا...
والحمدلله استلمت السيارة..
الصراحه انها سيارة جدا جدا رائعة والحمدلله...

والوكيل ما قصر اعطاني اياها بسعر خطير (122000)ومعاها كاركيت بلوتوث...وحساسات خلفية(الله يرحم الحمراني)...

والف الف شكر على المساعدة مساعدتكم لي...
والله لا يحرمني منكم يالغالين

للمعلومية اللون أبيض لؤلؤي
ددتسن85
27-11-2005, 10:39 PM
على البركه والله يعطيك خيرها ويكفيك شرها
maximus
27-11-2005, 11:31 PM
الله يبارك فيك اخوي ددتسن...
والعقبال انشالله عند الجميع
سعودي
28-11-2005, 09:49 AM
الله يعطيك خيرها ويكفيك شرها

والله يبارك لك فيها

واللون ماشاء الله عليه رهيب

وياليتك تبلغنا بانطباعك عنها بعد الاستخدام
maximus
28-11-2005, 04:21 PM
الصراحه اخوي السيارة قيادتها فوق ما كنت اتصور....
يعني الحمدلله على قولتهم نفس الي بالخاطر...
الكراسي الامامية حلوة ومريحة...والتحكم بالمراتب فوق صراحه حركة زينة....يعني تفكير حلو من الشركة...

المقاعد الخلفية احسن من المراتب الأمامية...واعتبرها وضعية للمراتب

شنطتها كمان حجمها حلو...يعني مو كبيرة...بس ما تتضايق منها....
امم بالنسبة للراحة العامة...السيارة هادية...وصوت السيارة وهي تمشي صراحه يطرب....العزل حق السيارة حلو...طبعا الى الحين ما اسرعت بها...لأني ما كملت 1000 كيلو...المكينة مبدأيا شكلها نشيطة مشالله...واستجابتها سريعة...وكمان ما جربتها الى الحين بس على قولتهم المكتوب يبين من عنوانه....
بشكل عام السيارة رياضية فخمة.....صرفيتها بالخط جدا ابهرتني...يعني عبيتها فل بالخبر...ووصلت الرياض والسيارة فيها نصف التانكي...بس السرعة كانت بين 110 و 120...

عيوبها....
مافيها كمبيوتر رحلات....تجي بدون فرشات أرضية وهذا أغرب شي صراحه مع اني ماخذها من الجبر....
طبعا السيارة مافيها حساسات(الجبر يركبهم مجاني)....والمراية الي على الزجاج الأمامي مو الكترونية(ما يصير لونها غامق مع النور)...غطاء المحرك يدوي (مثل الألتيما مافيه بساتم)...

يعني الحمدلله بشكل عام السيارة حازت على اعجابي(وهذا شي صعب)

ويعطيكم العافية
jarallh
06-12-2005, 04:02 PM
والله حوارك والمنافسه شديده بس الفولفو ما انصحك فيها لان جاري اعرفه معاه S60 قعده سنه وخبط معاه نصف الكمبيوتر والحين يبي يصلحه ب14 الف بس تراه مايحافض ويبي يبيعها وقطع الغيار غاليه والدليل صدم صدمه خفيفه وغير الشاصي القدامي بس ب8 الاف تخيل
اقول انصحك بل الانفينيتي تراها روعه بجد
مجنون التيما
06-12-2005, 04:08 PM
خذهااا والله يعطيك خيرهاا ويكفيك شرهاااا
jarallh
12-12-2005, 01:30 PM
الــــــــــــــــــــــــــــــــــــــــــــــــ ــــــــــــــــــــــــــــف
مبــــــــــــــــــــــــــــــــــــــــــــــــ ـــــــــــــــــــــــروك
عــــــــــــــــــــــــــــــــــــــــــــــاــ ـــــــــــــــــــــــــــى
الســـــــــــــــــــــــــــــــــــــــــــــــ ـــــــــــــــــــــــيارة
الله يعطيك خيرها ويكفيك شرها